ປທສ ຜັນຂະຫຍາຍມະຕິກອງປະຊຸມຄົບຄະນະ ຄັ້ງທີ 9 ຂອງຄະນະບໍລິຫານງານສູນກາງພັກ

0
121

          ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເຊຶ່ອມຊຶມ, ຜັນຂະຫຍາຍ ມະຕິກອງປະຊຸມຄົບຄະນະ ຄັ້ງທີ 09 ຂອງຄະນະບໍລິຫານງານສູນກາງພັກ ສະໄໝທີ X ຂຶ້ນໃນວັນທີ 10 ທັນວານີ້. ໃຫ້ກຽດເປັນປະທານໂດຍ ສະຫາຍ ປອ. ທັນສະໄໝ ກົມມະສິດ, ກໍາມະການສູນກາງພັກ, ເລຂາຄະນະພັກ, ລັດຖະມົນຕີກະຊວງ ປທສ ມີສະຫາຍຮອງເລຂາ, ຄະນະປະຈໍາພັກ, ຄະນະພັກກະຊວງ, ຄະນະໜ່ວຍພັກບັນດາກົມ/ທຽບເທົ່າ, ຄະນະພັກຮາກຖານ ພ້ອມດ້ວຍພະນັກງານຫຼັກແຫຼ່ງນໍາພາ-ຄຸ້ມຄອງ ອ້ອມຂ້າງກະຊວງເຂົ້າຮ່ວມ.

          ທ່ານ ປອ. ທັນສະໄໝ ກົມມະສິດ ໄດ້ກ່າວວ່າ: ການຈັດກອງປະຊຸມໃນຄັ້ງນີ້, ເພື່ອເຮັດໃຫ້ສະມາຊິກພັກ, ພະນັກງານຫຼັກແຫຼ່ງນໍາພາ-ຄຸ້ມຄອງ ທົ່ວອົງຄະນະພັກກະຊວງ ປທສ ໄດ້ມີຄວາມຮັບຮູ້, ເຂົ້າໃຈ ຢ່າງເລີກເຊິ່ງ ແລະ ກວ້າງຂວາງຕໍ່ເນື້ອໃນມະຕິຄັ້ງທີ 09 ຂອງຄະນະບໍລິຫານງານສູນກາງພັກ ຄັ້ງທີ x ກ່ຽວກັບການປັບປຸງຮາກຖານການເມືອງ ຂອງລະບອບປະຊາທິປະໄຕ ປະຊາຊົນ ໃຫ້ເຂັ້ມແຂງ, ໜັກແໜ້ນ ແລະ ການເພີ່ມທະວີການນໍາພາ ແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງີນ ເພື່ອຄວາມເປັນເອກະພາບຕາມທິດທາງ, ວິທີການ ມາດຕະການທີ່ຂັ້ນເທິງວາງອອກ ແລະ ສ້າງຄວາມເຂັ້ມແຂງ ໃນການຄຸ້ມຄອງມະຫາພາກ ຜັນຂະຫຍາຍຈັດຕັ້ງປະຕິບັດ ເຂົ້າໃນຂົງເຂດວຽກງານຕົວຈິງໃນຂະແໜງການຂອງຕົນ ໃຫ້ຖືກຕ້ອງຕາມລະບຽບການ ສ້າງຄວາມເຊື້ອໝັ້ນອັນໜັກແໜ້ນທົ່ວສັງຄົມ ຕໍ່ພາລະກິດປ່ຽນແປງໃໝ່ ພາຍໃຕ້ການນໍາພາຂອງພັກ, ເຂົ້າຮ່ວມຂະບວນການຂໍ່ານັບຮັບຕ້ອນ ກອງປະຊຸມໃຫຍ່ຄັ້ງທີ XI ຂອງພັກ ຢ່າງກວ້າງຂວາງ ແລະ ຟົດຟື້ນ. ຊຶ່ງທິດທາງແຜນການໃນຕໍ່ໜ້າ ກໍ່ຄື ປີ 2020 ຈະຕ້ອງໄດ້ສຶບຕໍ່ແກ້ໄຂບັນຫາທີ່ຍັງຄົງຄ້າງ ແລະ ເພີ່ມທະວີການນໍາພາແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງີນ ແລະ ກໍ່ສ້າງຮາກຖານການເມືອງທີ່ຕິດພັນກັບຂະແໜງການຂອງຕົນໃຫ້ມີຄວາມເປັນເອກະພາບ ຄຽງຄູ່ກັບການ ວາງມາດຕະການ ວິທີແກ້ໄຂຢ່າງຖືກຕ້ອງ ແລະ ແທດເໝາະກັບສະພາບຕົວຈິງ, ຢຶດໝັ້ນຕັ້ງໜ້າຜັນຂະຫຍາຍ, ຈັດຕັ້ງປະຕິບັດ ບັນດາມະຕິ ເພື່ອການພັດທະນາໃຫ້ດ້ານຕ່າງໆໃຫ້ບັນລຸຕາມລະດັບຄາດໝາຍ.

          ຂ່າວ: ກົມຈັດຕັ້ງ-ພະນັກງານ, ປທສ.