ທ່ານ ນາງ ສູນ​ທອນ ໄຊ​ຍະ​ຈັກ ຫົວໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ ໄດ້​ຕ້ອນຮັບ​ການ​ເຂົ້າ​ຢ້ຽມ​ຂໍ່າ​ນັບ​ຂອງ​ທ່ານ ນາງ ຟ​ລໍ​ຣອ​ງ ຊັອ​ງບ​ັລອ​ງ-​ຣີ​ສ​ແລກ ເອກ​ອັກ​ຄະ​ລັດ​ຖະ​ທູດວິສາມັນຜູ້​ມີ​ອໍາ​ນາດ​ເຕັມ ແຫ່ງ ສາທາລະນະ​ລັດ ຝຣັ່ງ ຄົນ​ໃໝ່ ປະຈຳ ສປປ ລາວ ໃນ​ວັນ​ທີ 6 ທັນວາ​ຜ່ານ​ມາ ທີ່​ຄະນະ​ພົວພັນ​ຕ່າງປະເທດ​ ສູນ​ກາງ​ພັກ.

​ໃນ​ໂອກາດ​ດັ່ງກ່າວ, ທ່ານ ນາງ ສູນ​ທອນ ໄຊ​ຍະ​ຈັກ ໄດ້​ກ່າວ​ສະແດງ​ຄວາມ​ຍິນດີ​ຕໍ່ ທ່ານ ນາງ ຟ​ລໍ​ຣອ​ງ ຊັອ​ງ ບັລອງ-​ ຣີ​ສ​ແລກ ທີ່​ໄດ້​ຖືກ​ແຕ່ງຕັ້ງ​ໃຫ້​ມາ​ດໍາ​ລົງ​ຕໍາ​ແໜ່ງ​ ເປັນ​ເອກ​ອັກ​ຄະ​ລັດ​ຖະ​ທູດ​ຝຣັ່ງ ຄົນ​ໃໝ່ ປະຈຳ ສປປ ລາວ ແລະ ໄດ້​ສະແດງ​ຄວາມ​ເຊື່ອ​ໝັ້ນ​ວ່າ ທ່ານ​ທູດ​ຄົນ​ໃໝ່ ຈະ​ສືບຕໍ່​ປະກອບສ່ວນ​ຢ່າງ​ຕັ້ງໜ້າ​ເຂົ້າ​ໃນ​ການ​ເສີມ​ຂະຫຍາຍ​ສາຍ​ພົວພັນ​ມິດຕະພາບ ລະຫວ່າງ​ສອງ​ປະເທດ ລາວ​-​ຝຣັ່ງ ໃຫ້​ແຕກ​ດອກ​ອອກ​ຜົນ​ຍິ່ງໆ ຂຶ້ນ ເພື່ອ​ຜົນ​ປະໂຫຍດ​ຂອງ​ປະ ຊາຊົນ 2 ຊາດ ກໍ່​ຄື ເພື່ອ​ສັນຕິ ພາບ, ມິດຕະພາບ ແລະ ການ​ຮ່ວມ​ມືໃນ​ພາກ​ພື້ນ ແລະ ໃນ​ໂລກ.

​ທ່ານ​ຫົວໜ້າ​ຄະນະ​ພົວ ພັນ​ຕ່າງປະເທດ​ສູນ​ກາງ​ພັກ ຍັງ​ໄດ້​ອວຍພອນ​ໃຫ້​ທ່ານ ນາງ ຟ​ລໍ​ຣອ​ງ ຊັອ​ງບ​ັລອ​ງ-​ຣີ​ສ​ແລກ ຈົ່ງ​ມີ​ພະລາ​ນາ​ໄມ​ສົມບູນ, ປະສົບ​ຜົນ​ສໍາ​ເລັດ​ໃນ​ການ​ປະຕິບັດ​ໜ້າທີ່​ການ​ທູດ​ຂອງ​ຕົນ​ໃນ​ໄລຍະ ຢູ່ ສປປ ລາວ.

ທ່ານ​ນາງ ຟ​ລໍ​ຣອ​ງ ຊັອ​ງ ບ​ັລອ​ງ-​ຣີ​ສ​ແລກ ໄດ້​ສະແດງ​ຄວາມ​ຂອບໃຈ​ຕໍ່ ທ່ານ​ຫົວໜ້າ ຄະນະ​ພົວພັນ​ຕ່າງປະເທດ​ສູນ​ກາງ​ພັກ ທີ່​ໄດ້​ໃຫ້​ກຽດ​ຕ້ອນຮັບ ແລະ ຈະ​ຕັ້ງໜ້າ​ປະກອບສ່ວນ​ຊຸກຍູ້ ແລະ ເພີ່ມ​ທະວີ​ການ​ພົວພັນ​ຮ່ວມ​ມື ລາວ – ຝຣັ່ງ ໃຫ້​ເກີດ​ດອກ​ອອກ​ຜົນ ແລະ ເປັນ​ຮູບ​ປະ​ທໍາ​ຫຼາຍ​ຍິ່ງ​ຂຶ້ນ.

Medialaos MMD