ໃນຕອນເຊົ້າວັນທີ່ 6 ທັນວາ 2019 ຜ່ານມາ ຢູ່ເມືອງປາກກະດິງ ແຂວງບໍລິຄຳໄຊ ໄດ້ມີພິທີທຳລາຍເຄື່ອງບໍລິໂພກທີ່ເຊື່ອມຄຸນແລະ ຢາຕ້ອງຫ້າມ ມູນຄ່າ15 ລ້ານກ່ວາກີບ. ທີ່ຄະນະກຳມະການຄຸ້ມຄອງອາຫານ ແລະ ຢາ ຢຶດໄດ້ຈາກການລົງເຄື່ຶອນໄຫວກວດກາໃນລະຫວ່າງວັນທີ 18-27 ພະຈິກ 2019. ໂດຍການເຂົ້າຮ່ວມຂອງທ່ານ ໂຄສະຈານ ແສນທະວີໄຊ ຮອງເຈົ້າເມືອງ, ມີຄະນະນຳຂັ້ນເມືອງ ແລະ ບັນດາພາກສ່ວນກ່ຽວຂ້ອງ ເຂົ້າຮ່ວມ.

ການຈັດຕັ້ງເຄື່ອນໃຫວກວດກາອາຫານ ແລະ ຢາ ໄດ້ກວດຮ້ານຂາຍເຄື່ອງຍ່ອຍ ແລະ ຮ້ານຂາຍເຄື່ອງສົ່ງຈຳນວນ 78 ຮ້ານ, ກວດພົບເຄື່ອງບໍລິໂພກເສື່ອມຄຸນ ແລະ ຢາຕ້ອງຫ້າມຢູ່ 38 ຮ້ານ. ໃນນັ້ນມີເຄື່ອງບໍລິໂພກທີ່ເສື່ອມຄຸນ ຈຳນວນ 79 ລາຍການ ມີປະເພດເຂົ້າໜົມ, ເຄື່ອງດື່ມ, ໝີ່ສຳເລັດຮູບ, ເຄື່ອງບໍລິໂພກໃນຄົວເຮືອນ, ຢາສະຜົມ ແລະ ນ້ຳມັນທາຜີວ ມູນຄ່າ 9.133.000ກີບ, ກວດພົບຢາປົວພະຍາດທີ່ລັກຂາຍຕາມຮ້ານຂາຍເຄື່ອງຍ່ອຍເຊີ່ງຜິດຕໍ່ກົດໝາຍຄຸ້ມຄອງຢາ ແລະ ອຸປະກອນການແພດມີຈຳນວນ 40 ລາຍການ ມູນຄ່າ 6.000.000 ກີບ, ລວມມູນຄ່າທັງໝົດ 15.133.000 ກີບ.. ຄະນະກຳມະການຄຸ້ມຄອງອາຫານ ແລະ ຢາ ຈຶ່ງໄດ້ເຮັດບົດບັນທຶກ ແລະ ສຶກສາອົບຮົມໃຫ້ຜູ້ປະກອບການຮັບຮູ້ – ເຂົ້າໃຈເຖິງແນວທາງນະໂຍບາຍ ແລະ ແຜນຍຸດທະສາດການຄຸ້ມຄອງຄວາມປອດໄພຂອງອາຫານ ແລະ ຢາໃນແຕ່ລະໄລຍະ ແລະ ໄດ້ອາຍັດສິນຄ້າ-ເຄື່ອງບໍລິໂພກທີ່ເສື່ອມຄຸນ-ສິນຄ້າຕ້ອງຫ້າມໄວ້ ແລະ ໄດ້ຈັດພິທີທຳລາຍຢ່າງເປັນທາງໃນຕອນເຊົ້າວັນທີ 6 ທັນວາ 2019 ຢູ່ທີ່ສະໜາມຂີ້ເຫຍື້ອ ດ້ວຍການຈູດຖີ້ມ.

Medialaos ນັກຂ່າວ ແຂວງບໍລິຄຳໄຊ