ເມືອງນອງຈັດພິທີສະເຫຼີມສະຫຼອງ ວັນຊາດທີ 2 ທັນວາ ຄົບຮອບ 44 ປີ

0
135

ໃນຕອນເຊົ້າຂອງວັນທີ 7 ທັນວາ 2019ນີ້ ເມືອງນອງໄດ້ຈັດພິທີສະເຫຼີມສະຫຼອງ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບຮອບ 44 ປີ (2ທັນວາ 1975-2 ທັນວາ 2019). ຢູ່ທີ່ເດີ່ນສະໂມສອນຂອງເມືອງນອງ ເຊິ່ງໃຫ້ກຽດເປັນປະທານຂອງ ທ່ານ ລໍາແກ້ວ ແສງໜູທອງ ຮັກສາການ ເລຂາພັກເມືອງ ເຈົ້າເມືອງໆນອງ,ທ່ານ ບົວໄລ ພານຸວົງ ຮອງຫົວໜ້າ ຫ້ອງການ ກະຊວງ ຖະແຫຼງຂ່າວ ວັດທະນະທຳ ແລະທ່ອງທ່ຽວ ,ທິມງານກາຍະສິນທີ່ມາຈາກສູນກາງ, ມີຄະນະປະຈຳພັກເມືອງ, ກຳມະການພັກເມືອງ ຕະຫຼອດຮອດປະຊາຊົນຊາວບ້ານນອງວິໄລເຂົ້າຮ່ວມໃນງານຢ່າງຄຶກຄື້ນ.

ໃນພິທີ ທ່ານ ລຳແກ້ວ ແສງໜູທອງ ເຈົ້າເມືອງໆນອງ ໃຫ້ຮູ້ວ່າ: ຕະຫຼອດໄລຍະ 44ປີ ທີ່ຜ່ານມາ ພາຍໃຕ້ການນຳພາອັນປີຊາສາມາດ ແລະສະຫຼາດສ່ອງໃສ ຂອງພັກປະຊາຊົນປະຕິວັດລາວ, ພ້ອມນັ້ນຍັງໄດ້ຫວນຄືນການເສີມຂະຫຍາຍມູນເຊື້ອຮັກຊາດ ຄວາມອົງອາດກ້າຫານ ແລະເດັດດ່ຽວບໍ່ຍອມຈຳນົນຂອງປະຊາຊົນລາວບັນດາເຜົ່າໃນການຕໍ່ສູ້ກູ້ຊາດ ແລະເປັນຂີດໝາຍແຫ່ງການລຶບລ້າງລະບອບສັກດີນາລ່າເມືອງຂຶ້ນທັງແບບເກົ່າ ແລະແບບໃໝ່ຢ່າງຊິ້ນເຊີງ ຈາກນັ້ນ ກໍ່ໄດ້ມີການມອບໃບສັນລະເສີນໃຫ້ແກ່ຜູ້ທີ່ມີຜົນງານດີເດັ່ນໃນໄລຍະຜ່ານມາ.ໃນຄ່ຳຄືນຂອງວັນດຽວກັນກໍ່ໄດ້ມີການສະແດງສິນລະປະພື້ນເມືອງຂັບລຳລຳທ້ອງຖິ່ນຂອງຊົນເຜົ່າຜູ້ໄທ ບ້ານ ນອງວິໄລ,ການສະແດງສິນລະປະວັນນະຄະດີ ຂອງໂຮງຮຽນ ມສ ນອງ, ມຕ ຕັງອາໄລ ແລະ ຮັບຊົມການສະແດງກາຍາສິນທີ່ມາຈາກສູນກາງ ຈາກນັ້ນກໍ່ໄດ້ມີກໍ່ໄດ້ມີການມອບຂັນລາງວັນກິລາປະເພດຕ່າງໆຄື:

ທິມຊະນະເລີດບານ ເຕະຊາຍໄດ້ແກ່ ທິມ ທະນາຄານ ເຈດີບີ ຮັບຂັນລາງວັນພ້ອມເງິນສົດ 1ລ້ານ5ແສນກີບ, ທີ2 ທິມນ້ຳດື່ມປາຂະຫຍອງ ຮັບລາງວັນເປັນເງິນ1ລ້ານກີບ, 3ທິມແດນວິໄລ ຮັບລາງວັນ 8ແສນກີບ, ທິມ ທລຍ ຮັບລາງວັນ 3ແສນກີບ,ກິລາເປຕັງຊາຍທິມຊະນະເລີດໄດ້ແກ່ ທິມ ສຶກສາ ຮັບຂັນລາງວັນເປັນເງິນ 1ລ້ານກີບ, 2 ທະນາຄານ ເຈດີບີ 8ແສນກີບ, 3 ຍທຂ 6ແສນກີບ,4 ແກ້ງລີ້ນ 2ແສນກີບ, ເປຕັງຍິງຊະນະເລີດໄດ້ແກ່ທິມ ກອງບັນຊາການທະຫານເມືອງ ຮັບຂັນ ພ້ອມເງິນສົດ 8ແສນກີບ,2 ມສ ນອງ 6 ແສນກີບ, 3 ກໍາມະບານເມືອງ 4 ແສນກີບ, 4 ມສ ນອງ 1 ແສນກີບ ທາມກາງບັນຍາກາດໃນຄ່ໍາຄືນທີ່ເຕັມໄປດ້ວຍຄວາມເບີກບານມ່ວນຊື່ນຂອງພໍ່ແມ່ປະຊາຊົນຊາວເມືອງນອງທີ່ມາຮັບຊົມກິດຈະກຳຕ່າງໃນງານສະເຫຼີມສະຫຼອງວັນຊາດທີ 2 ທັນວາ.

savannakhet medialaos