ຈັດກິດຈະກຳຫົງສາ ຍ່າງ-ແລ່ນ ມິນິມາລາທອນ

0
499

ກິດຈະກຳ ຫົງສາ ຍ່າງ-ແລ່ນ ມິນິມາລາທອນ ຄັ້ງທີ 5 ເນື່ອງໃນວັນຕ້ານເອດສາກົນ ແລະ ວັນຄົບຮອບພິທີເປີດ ໂຮງໄຟຟ້າພະລັງງານຄວາມຮ້ອນຫົງສາ ຈັດຂຶ້ນຢ່າງເປັນທາງການ ໃນວັນທີ 9 ທັນວາ 2019 ມີຜູ້ເຂົ້າຮ່ວມຈາກອຳນາດການປົກຄອງແຂວງ, ອຳນາດການປົກຄອງເມືອງ, ເຈົ້າໜ້າທີ່ພາກລັດ ແລະ ເອກະຊົນ, ສື່ມວນຊົນເມືອງຫົງສາ, ບໍລິສັດຜູ້ຮັບເໝົາພາຍໃນໂຄງການໄຟຟ້າຫົງສາ, ຄະນະຜູ້ບໍລິຫານ ແລະ ພະນັກງານ ບໍລິສັດ ໄຟຟ້າ ຫົງສາ ຈໍາກັດ ຈຳນວນ 600 ກວ່າຄົນ ໃຫ້ກຽດເປັນປະທານກ່າວເປີດງານ ຫົງສາ ຍ່າງ-ແລ່ນ ມິນິມາລະທອນ ແລະ ງານວັນຕ້ານເອດສາກົນ

ໂດຍ ທ່ານ ຄະທາຍຸດ ຊູພູນ ຜູ້ອຳນວຍການໃຫ່ຍ ບໍລິສັດ ໄຟຟ້າ ຫົງສາ ຈຳກັດ ແລະ ທ່ານ ຄຳຫຼ້າ ຜິວວັນນາ ເຈົ້າເມືອງ ເມືອງຫົງສາ ແລະ ຍັງໄດ້ຮັບກຽດຈາກ ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ພ້ອມດ້ວຍຄະນະ ເຂົ້າຮ່ວມການແຂ່ງຂັນ ຫົງສາ ຍ່າງ-ແລ່ນ ມິນິມາລາທອນ ໃນຄັ້ງນີ້ດ້ວຍ ໂດຍການແຂ່ງຂັນແບ່ງອອກເປັນ 2 ປະເພດຄື: ມິນິມາລາທອນ (ໄລຍະທາງ 11 ກິໂລເມັດ) ແລະ Fun Run (ໄລຍະທາງ 5 ກິໂລເມັດ) ໂດຍມີການແບ່ງຮຸ່ນຕາມອາຍຸຄື: ນັກແລ່ນອາຍຸຕໍ່າກວ່າ 20 ປີລົງມາ, ນັກແລ່ນຮຸ່ນອາຍຸນ້ອຍກ່ວາ 21-35 ປີ, ນັກແລ່ນຮຸ່ນອາຍຸນ້ອຍກ່ວາ 36-50 ປີ ແລະ ນັກແລ່ນຮຸ່ນອາຍຸນ້ອຍກ່ວາ 51 ປີ ຂຶ້ນໄປ

ໃນປີ 2019 ນີ້ ເປັນປີທີ່ໄຟຟ້າຫົງສາໄດ້ຈັດກິດຈະກໍາ ຫົງສາ ຍ່າງ-ແລ່ນ ມິນິມາລາທອນ ເປັນຄັ້ງທີ່ 5 ຊຶ່ງໄດ້ຮັບຄວາມສົນໃຈໃນການເຂົ້າຮ່ວມຈາກທຸກພາກສ່ວນ ຕະຫຼອດທັງປະຊາຊົນພາຍໃນ ສປປ ລາວ. ແລະ ຈາກປະເທດໄທ ແລະ ສໍາລັບເງິນທີ່ໄດ້ຈາກການຂາຍເສື້ອແລ່ນ ພາຍຫຼັງຫັກຄ່າໃຊ້ຈ່າຍທາງ ບໍລິສັດ ໄຟຟ້າ ຫົງສາ ຈໍາກັດ ຈະນໍາໄປມອບເພື່ອປະໂຫຍດຂອງ ເມືອງຫົງສາ ຕໍ່ໄປ ແລະ ໃນຊຕອນຄໍ່າຂອງມື້ດຽວກັນໄດ້ມີການຈັດ ງານຫົງສາມ່ວນຊື່ນ ຢູ່ສະຖານທີ່ຊ່ວງເຮືອ ບ້ານສີບຸນເຮືອງ ເມືອງຫົງສາ ໂດຍມີປະຊາຊົນໃຫ້ຄວາມສົນໃຈໃນການເຂົ້າຮ່ວມງານເປັນຈໍານວນຫຼາຍ ໄດ້ຮັບກຽດຈາກ ທ່ານ ພົງສະຫວັນ ສິດທະວົງ ເຈົ້າແຂວງ ແຂວງໄຊຍະບູລີ ເຂົ້າຮ່ວມງານໃນຄັ້ງນີ້ດ້ວຍ, ພາຍໃນງານມີການສະແດງຈາກນ້ອງໆນັກຮຽນ ໂຮງຮຽມມັດທະຍົມສຶກສາພາຍໃນ ເມືອງຫົງສາ ຫຼາຍການສະແດງ ສະຫຼັບກັບການແຈກຂອງລາງວັນໃຫຍ່ແຕ່ລະປະເພດ, ມີການຈັດບູດກິດຈະກໍາຫຼີ້ນເກມແຈກຂອງລາງວັນຈາກບໍລິສັດຜູ້ຮັບເໝົາພາຍໃນໂຄງການໄຟຟ້າຫົງສາ ທີ່ພ້ອມແຈກໃຫ້ປະຊາຊົນຢ່າງຫຼວງຫຼາຍ ຖືເປັນການສ້າງສີສັນຄວາມມ່ວນຊື່ນພາຍໃນງານ ນອກຈາກນີ້, ໄດ້ມີການຈັດສະແດງຮ້ານຄ້າຫັດຖະກໍາ ແລະ ກະສິກໍາ ທີ່ພະແນກພັດທະນາສັງຄົມ ບໍລິສັດ ໄຟຟ້າ ຫົງສາ ຈໍາກັດ ໃຫ້ການສະໜັບສະໜູນ.

Medialaos xayaboury