ຊຸດຝຶກອົບຮົມບຳລຸງວຽກງານກວດກາພັກ-ລັດ ໄລຍະສັ້ນ 3 ເດືອນ ໃຫ້ແກ່ພະນັກງານກວດກາທົ່ວປະເທດ ຊຸດທີ I ປີ 2019, ໄດ້ດຳເນີນມາແຕ່ວັນທີ 16 ກັນຍາ ແລະ ມາຮອດວັນທີ 6 ທັນວາຜ່ານມາ ຈຶ່ງໄດ້ຈັດພິທີປິດຊຸດຝຶກອົບຮົມດັ່ງກ່າວຂຶ້ນ ທີ່ສະຖາບັນການເມືອງ ແລະ ການປົກຄອງແຫ່ງຊາດ (ສມປຊ) ໂດຍການເຂົ້າຮ່ວມຂອງ ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະມົນຕີ ປະ ທານຄະນະກວດກາສູນກາງພັກ – ອົງການກວດກາລັດຖະ ບ ານ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ມີບັນດາພະນັກງານກວດກາທີ່ມາຈາກຄະນະກວດກາສູນ ກາງພັກ, ກະຊວງ-ອົງ ການທຽບເທົ່າອ້ອມຂ້າງສູນກາງ ແລະ ບັນດາແຂວງເຂົ້າຮ່ວມ.

ທ່ານ ວັນຄຳ ໄຊວົງສັກຄະນະພັກ ຫົວໜ້າກົມຄົ້ນ ຄວ້າ ແລະ ວາລະສານກວດກາ ຄະນະກວດກາສູນກາງພັກ ແລະ ອົງການກວດກາລັດຖະບານ ໄດ້ຂຶ້ນຜ່ານບົດສະຫຼຸບຜົນສຳເລັດການບຳລຸງໄລຍະສັ້ນ 3 ເດືອນ ຊຸດທີ I ປີ 2019, ໃຫ້ຮູ້ວ່າ: ຊຸດບຳລຸງທິດສະດີ ແລະ ວິຊາສະເພາະວຽກງານກວດກາພັກ-ລັດ ຊຸດນີ້ ແມ່ນມີຄວາມສຳຄັນຫຼາຍ ເພາະເປັນຊຸດທຳອິດທີ່ຈັດຂຶ້ນໂດຍໃຊ້ເວລາ 3 ເດືອນ ຊຶ່ງໄດ້ ຄັດເລືອກເອົາພະນັກງານກວດກາຈາກກະຊວງ-ອົງການ ແລະ ທ້ອງຖິ່ນ ໂດຍເລັ່ງໃສ່ຜູ້ທີ່ຈະສືບຕໍ່ເຮັດວຽກງານກວດກາໃນຕໍ່ໜ້າ ຈຳນວນ 62 ຄົນ,ຍິງ 18 ຄົນ, ຊຶ່ງເອກະສານທີ່ນຳມາຝຶກອົບຮົມໃນຄັ້ງນີ້ປະກອບມີ 3 ພາກໃຫຍ່ຄື: ພາກວິຊາທິດສະດີການເມືອງ-ການປົກຄອງມີ 20 ບົດ, ພາກກົດໝາຍມີ 8 ບົດ, ພາກວິຊາສະເພາະກ່ຽວກັບວຽກງານກວດກາພັກ-ລັດມີ 21 ບົດ ແລະ ຜ່ານການຝຶກອົບຮົມຕະຫຼອດໄລຍະ 3 ເດືອນທີ່ຜ່ານມາສາມາດບັນລຸໄດ້ຕາມຄາດໝາຍ ແລະ ແຜນການທີ່ວາງໄວ້. ໃນໂອກາດນີ້ ທ່ານ ບຸນທອງ ຈິດມະນີ ກໍໄດ້ໃຫ້ກຽດຂຶ້ນມອບໃບຢັ້ງຢືນໃຫ້ແກ່ນັກຝຶກອົບຮົມທີ່ສຳເລັດການຝຶກອົບຮົມໃນຄັ້ງນີ້ ພ້ອມທັງໃຫ້ກຽດໂອ້ລົມເພື່ອເປັນເຂັມທິດເຍືອງທາງໃຫ້ແກ່ຜູ້ເຂົ້າຮ່ວມຝຶກອົບຮົມ ຊຶ່ງທ່ານ ໄດ້ກ່າວວ່າ: ເພື່ອສືບຕໍ່ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມວຽກງານກວດກາທົ່ວປະເທດຄັ້ງທີ III ໃຫ້ມີຜົນສໍາເລັດເປັນຢ່າງດີນັ້ນ. ໃນຕໍ່ໜ້ານີ້ພວກເຮົາຕ້ອງສືບຕໍ່ບຸກທະລຸ ແລະ ປັບປຸງແກ້ໄຂບາງບັນຫາດັ່ງນີ້:

1. ບັນດາ ສະຫາຍ ທີ່ເຂົ້າບໍາລຸງຍົກລະດັບໃນຊຸດນີ້ ກັບເມືອແລ້ວໃຫ້ສືບຕໍ່ ນໍາເອົາຄວາມຮູ້ທາງດ້ານທິດສະດີ, ປະສົບການກໍຄືພຶດຕິກໍາ ບົດຮຽນທີ່ຮຽນຮູ້ ແລະ ຖອດຖອນໄດ້ໃນຄັ້ງນີ້ ສັງລວມ ແລະ ລາຍງານໃຫ້ການນໍາຂັ້ນຕົນຮັບຮູ້ ເພື່ອມີການຊີ້ນໍາ ແລະ ນຳໃຊ້ເຂົ້າໃນການປັບປຸງ, ແກ້ໄຂວຽກງານກວດກາ ໃຫ້ມີການຫັນປ່ຽນທີ່ຕັ້ງໜ້າ.

2. ພະນັກງານກວດກາ ມາຈາກບັນດາກະຊວງ-ອົງ ການ ແລະ ທ້ອງຖິ່ນ ທີ່ເຂົ້າຮ່ວມຊຸດຮໍ່າຮຽນບໍາລຸງເທື່ອນີ້ ສ່ວນຫຼາຍເປັນພະນັກງານໜຸ່ມນ້ອຍ, ມີອະນາຄົດ ຊຶ່ງອາດເປັນພະນັກງານສືບທອດ ທັງເປັນກໍາລັງແຮງໃນວຽກງານກວດກາຂອງພວກເຮົາຕໍ່ໄປ; ບັນດາເນື້ອໃນທີ່ນໍາມາຖ່າຍທອດໃຫ້ຊຸດບໍາລຸງເທື່ອນີ້ ມີທັງມູນຫຼັກທິດສະດີຈຳນວນໜຶ່ງ, ມີທັງແນວທາງການເມືອງ-ການປົກຄອງ ແລະ ໄດ້ຮຽນຮູ້ລົງ ເລິກວິຊາສະເພາະກວດກາທີ່ຈຳເປັນ. ທັງໝົດນັ້ນໄດ້ສ້າງ ຄວາມຮູ້ພື້ນຖານໃຫ້ພວກສະ ຫາຍທັງບັນຫາລວມ ແລະ ບັນຫາສະເພາະສຳລັບວຽກງານກວດກາ, ໃຫ້ບັນດາສະ ຫາຍ ຈົ່ງສືບຕໍ່ຄົ້ນຄວ້າເຊື່ອມຊຶມກຳແໜ້ນ ແລະ ນຳໃຊ້ເຂົ້າ ໃນວຽກງານຕົວຈິງຢ່າງປະດິດ ສ້າງ, ມີວິທະຍາສາດ, ແທດ ເໝາະກັບຕົວຈິງເພື່ອປັບປຸງແກ້ໄຂຂອດອ່ອນ, ຄົງຄ້າງ ໃນການເຄື່ອນໄຫວວຽກງານກວດ ກາ ຢູ່ກົມກອງ, ທ້ອງຖິ່ນ ຂອງພວກສະຫາຍຜ່ານມາ.

3. ໃນໄລຍະຜ່ານມາກໍ່ ຄືປັດຈຸບັນ ການເຄື່ອນໄຫວວຽກງານກວດກາ ມີທັງຂໍ້ສະດວກ, ຂໍ້ຫຍຸ້ງຍາກ ພວກສະຫາຍຕ້ອງໄດ້ອົດທົນສືບຕໍ່ຝຶກຝົນຫຼໍ່ຫຼອມຕົນເອງ, ດຸໝັ່ນຄົ້ນຄວ້າຮໍ່າຮຽນ ບໍ່ວ່າທາງດ້ານທິດສະດີ ກໍຄືພຶດຕິກໍາຕົວຈິງໃຫ້ຫຼາຍຂຶ້ນຕື່ມ ເພື່ອມີຄວາມຮູ້-ຄວາມສາມາດສູງຂຶ້ນ ສາມາດປະຕິບັດໜ້າທີ່ມີຜົນສຳເລັດ ແລະ ມີຄວາມກ້າວໜ້າຂຶ້ນໄປເລື່ອຍໆ, ຕ້ອງເປັນເຈົ້າການບຸກທະລຸ ແລະ ແກ້ໄຂບັນດາຂອດທີ່ເປັນການກົດໜ່ວງ-ຖ່ວງດຶງ ໃນວຽກງານກວດກາຂອງພວກເຮົາເຊັ່ນ: ການຄົ້ນຄວ້າບັນຫາບໍ່ເລິກເຊິ່ງ-ຜິວເຜີນ, ຄວາມຮັບຜິດຊອບບໍ່ສູງ, ກຳຂໍ້ມູນບໍ່ຊັດເຈນ-ຮອບຄອບ, ພາວະວິ ໄສ, ການແກ້ໄຂຜົນການກວດກາບໍ່ເດັດຂາດ-ເຂັ້ມງວດ, ຊັກຊ້າ ແລະ ບັນຫາອື່ນໆ. ທັງໝົດບັນຫາເຫຼົ່ານັ້ນ ພວກເຮົາຕ້ອງສືບຕໍ່ພ້ອມກັນບຸກບືນ ເປັນເຈົ້າການແກ້ໄຂໃຫ້ໄດ້ ເພື່ອເຮັດຫຼ້ອນໜ້າທີ່ເປັນເສນາທິການໃຫ້ຄະນະນຳ ແລະ ອົງການປົກຄອງໃນຂັ້ນຂອງຕົນໃຫ້ດີຂຶ້ນຕື່ມ.

Medialaos MMD