ກຳມະບານຮາກຖານປ່າໄມ້ແຂວງເຊກອງຈັດກອງປະຊຸມໃຫຍ່ຄັ້ງທີ I ຂອງຕົນຂຶ້ນໃນວັນທີ 10 ທັນວາ 2019 ທີ່ຫ້ອງປະຊຸມພະແນກກະສິກຳ ແລະປ່າໄມ້ແຂວງ, ໂດຍການເຂົ້າຮ່ວມຂອງສະຫາຍ ຄໍາຫວາງ ຈັນທະວົງ ຄະນະບໍລິຫານງານສະຫະພັນກຳມະບານແຂວງ, ຮອງປະທານສະຫະພັນກຳມະບານພະແນກກະສິກຳ ແລະປ່າໄມ້ແຂວງ, ສະຫາຍ ກອງສຸກ ເມືອງໂຄດ ຄະນະພັກຮາກຖານ, ເລຂາຫນ່ວຍພັກຂະແໜງປ່າໄມ້, ມີຄະນະປະທານກຳມະບານຮາກຖານ, ແຂກຖືກເຊີນ ພ້ອມດ້ວຍສະມາຊິກກຳມະບານພາຍໃນຮາກຖານດັ່ງກ່າວເຂົ້າຮ່ວມ.

ໃນກອງປະຊຸມສະຫາຍ ຄໍາໃບ ແກ້ວຫາວົງ ຮອງປະທານກຳມະບານຮາກຖານປ່າໄມ້ຂຶ້ນຜ່ານບົດສະຫຼຸບການເຄື່ອນໄຫວວຽກງານກຳມະບານໃນໄລຍະ 5 ປີຜ່ານມາ (2015-2019) ແລະທິດທາງແຜນການຈັດຕັ້ງປະຕິບັດວຽກງານກຳມະບານໃນ 5 ປີຕໍ່ໜ້າ (2020-2024)
ຫຼັງຈາກນັ້ນ, ກອງປະຊຸມຍັງໄດ້ໃຊ້ສິດປ່ອນບັດຄັດເລືອກເອົາຄະນະປະທານກຳມະບານຮາກຖານປ່າໄມ້ຊຸດໃໝ່ມີຈຳນວນ 3 ສະຫາຍ, ກອງປະຊຸມຄັ້ງປະຖົມມະລຶກຂອງຄະນະກຳມະບານຮາກຖານໄດ້ເປັນເອກະສັນເລືອກຕັ້ງເອົາສະຫາຍ ຄໍາໃບ ແກ້ວຫາວົງ ເປັນປະທານ, ສະຫາຍ ແກ້ວໄພລິນ ເປັນຮອງປະທານ ແລະສະຫາຍ ບຸນຍໍ ພັນທະວົງ ເປັນຮອງປະທານ, ທັງເປັນປະທານກວດກາ ເພື່ອຊີ້ນໍາ-ນໍາພາວຽກງານກຳມະບານສືບຕໍ່ໄປ.

ຂ່າວ : ພຸດທະສອນ
Medialaos
sekong