ໃນວັນທີ 10 ທັນວ່າປີ 2019 ນີ້ໜ່ວຍພັກສະພາປະຊາຊົນແຂວງສາລະວັນໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດແຜນສ້າງໜ່ວຍພັກປອດໃສເຂັ້ມແຂງ ແລະໜັກແໜ້ນຂື້ນຢູ່ທີ່ຫ້ອງປະຊຸມຂອງສະພາໂດຍການເປັນປະທານຂອງສະຫາຍ ສາຍສະໝອນ ອິນທິເສນ ເລຂາໜ່ວຍພັກ ທັງແມ່ນເລຂາທີການສະພາປະຊາຊົນແຂວງ, ເປັນກຽດເຂົ້າຮ່ວມຂອງສະຫາຍ ຄຳເຫຼັກ ອິນດາວົງ ກຳມະການພັກແຂວງ ປະທານສະພາປະຊາຊົນແຂວງ ແລະສະມາຊິກພັກເຂົ້າຮ່ວມ

ໜ່ວຍພັກສະພາປະຊາຊົນແຂວງມີສະມາຊິກພັກທັງໝົດ 26 ສະຫາຍ, ຍິງ 12 ສະຫາຍ, ມີມະຫາຊົນກ້າວໜ້າທີ່ໄດ້ຜ່ານການຮຽນກົດລະບຽບພັກແລ້ວ 4 ສະຫາຍ, ຍິງ 2 ສະຫາຍ, ການຈັດຕັ້ງປະຕິບັດແຜນກໍ່ສ້າງໜ່ວຍພັກປອດໃສ, ເຂັ້ມແຂງ ລະໜັກແໜ້ນຕາມ 5 ເນື້ອໃນຄື: ດ້ານການເມືອງ, ດ້ານແນວຄິດ, ດ້ານການຈັດຕັ້ງ, ດ້ານແບບແຜນການນຳພາ ແລະປະຕິບັດໜ້າທີ່ການເມືອງ, ເຊິ່ງໄລຍະຜ່ານມາຄະນະໜ່ວຍພັກ, ສະມາຊິກພັກໄດ້ເອົາໃຈໃສ່ຮັບຮູ້ເຊື່ອມຊືມ ແລະຖືກເອົາວຽກງານການເມືອງເປັນກົກໃນການສຶກສາອົບຮົມການເມືອງ-ແນວຄິດດ້ວຍຫຼາຍຮູບການເປັນ ຕົ້ນກໍ່ແມ່ນຈັດຕັ້ງເຊື່ອມຊືມກົດລະບຽບ, ມະຕິ, ຄຳສັງ ແລະເອກະສານທີ່ສຳຄັນຕ່າງໆເພື່ອແນ່ໃສ່ໃຫ້ຮັບຮູ້ເຂົ້າໃຈຕໍ່ແນວທາງຂອງພັກ, ລະບຽບກົດໝາຍຂອງລັດ, ເຮັດວຽກແບບລວມສູນປະຊາທິປະໄຕ, ນໍາພາເປັນໜູ່ຄະນະ ແລະແບ່ງວຽກໃຫ້ບຸກຄົນຮັບຜິດຊອບ, ພ້ອມທັງມີການຕິດຕາມກວດກາ ແລະສາມາດຕິລາຄາສະມາຊິກພັກປະເພດແຂງກວ່ມ 100% ແລະຈັດເປັນປະເພດໜ່ວຍພັກແຂງ
ທິດທາງຕໍ່ໜ້າເພື່ອຍົກສູງຄຸນະພາບການນຳພາຂອງໜ່ວຍພັກ, ສະມາຊິພັກໃນໜ່ວຍພັກໃຫ້ມີການຫັນປ່ຽນຢ່າງຕັ້ງໜ້າດ້ວຍບາດກ້າວບຸກທະລຸສາມາດເປັນແກ່ນນຳທີ່ເຂັ້ມແຂງໃນລະບົບການເມືອງຂອງໜ່ວຍພັກ, ເດັດດຽວແກ້ໄຂປັບປຸງຈຸດອ່ອນ ແລະຂໍ້ຄົງຄ້າງ, ຍົກສູງຄວາມເປັນແບບຢ່າງນຳໜ້າຂອງຖັນແຖວພະນັກງານ, ຮັບປະກັນໃຫ້ໜ່ວຍພັກມີຄວາມປອດໃສ, ເຂັ້ມແຂງໜັກແໜ້ນທາງດ້ານການເມືອງ, ການຈັດຕັ້ງ ແລະແບບແຜນການນຳພາທາງດ້ານໜ້າທີ່ການເມືອງຂອງພັກ, ຈັດຕັ້ງຮໍ່າຮຽນ, ເຊື່ອມຊືມແນວທາງ, ມະຕິ, ຄຳສັງ, ລະບຽບກົດໝາຍຕ່າງໆຂອງລັດ ແລະແຜນນະໂຍບາຍ, ສ້າງສະມາຊິກພັກໃຫ້ມີຄຸນທາດການເມືອງ, ຄຸນສົມບັດສິນທຳປະຕິວັດ ແລະຄວາມຈົ່ງຮັກພັກດີຕໍ່ອຸດົມການຂອງພັກ, ພ້ອມທັງຍຶດໜັ້ນ ແລະປະຕິບັດຢ່າງເຂັ້ມງວດຕາມ 5 ຫຼັກການ ແລະ 3 ທິດນຳໃນການກໍ່ສ້າງ ແລະປັບປຸງພັກໃຫ້ໄດ້ 95% ຂື້ນໄປ
ໃນໂອກາດດຽວກັນນີ້ຜູ້ເຂົ້າຮ່ວມຍັງໄດ້ເຊື່ອມຊືມເອກະສານ 01/ກມສພ ຂອງກົມການເມືອງສູນກາງພັກ ລົງວັນທີ 3 ມັງກອນ ປີ 2018 ວ່າດ້ວຍການເພີ້ມທະວີການກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນ ແລະຄຳແນະນຳຂອງຄະນະຈັດຕັ້ງສູນກາງພັກ ສະບັບເລກທີ 291/ຄຈສພ ລົງວັນທີ 26 ເມສາ ປີ 2018 ກ່ຽວກັບການຈັດຕັ້ງປະຕິບັດຄຳສັງຂອງກົມການເມືອງສູນກາງພັກວ່າດ້ວຍການເພີ້ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ ແລະໜັກແໜ້ນ, ພ້ອມດ້ວຍຄຳແນະນຳເພີ້ມເຕີມ ເລກທີ 442/ຄກພຂ.ສວ ລົງວັນທີ 4 ຕຸລາ ປີ 2019 ກ່ຽວກັບວິທີສະຫຼຸບຕີລາຄາປະເມີນຜົນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະໜັກແໜ້ນຕື່ມອີກ.

ໂດຍ:ໜັງສືພິມສາລະວັນ
medialaos salavan