ໃນຕອນເຊົ້າ ຂອງວັນທີ 13 ທັນວາ 2019 ຮາກຖານ ກຳມະບານ ເສດຖະກິດ ເມືອງນອງ ຈັດກອງປະຊຸມໃຫຍ່ຄັ້ງທີIII ຂອງຕົນຂຶ້ນ ຢູ່ທີ່ສະໂມສອນສຶກສາເມືອງນອງ ແຂວງສະຫວັນນະເຂດ ໂດຍການເຂົ້າຮ່ວມເປັນປະທານ ຂອງ ທ່ານ ພັນໂທ ແກ້ວດາວອນ ດວງຈັນ ຄະນະປະຈຳພັກເມືອງ ຫົວໜ້າກອງບັນຊາການ ປກສ ເມືອງນອງ., ຕາງໜ້າໃຫ້ ຮາກຖານ ເສດຖະກິດ, ມີອົງການຈັດຕັ້ງມະຫາຊົນ ,ບັນດາ ຮາກຖານ, ໜ່ວຍ ແລະ ສະມາຊິກຜູ້ມີສິດປ່ອນບັດເລືອກຕັ້ງເຂົ້າຮ່ວມ.

ໃນພິທີກໍ່ໄດ້ຮັບຟັງການລາຍງານ ການຈັກຕັ້ງປະຕິບັດຕະຫຼອດໄລຍະ 3 ປີ2017-2019 ແລະ ທິດທາງແຜນ ການໃນຕໍ່ໜ້າ ຈາກ ທ່ານ ນາງ ປານີ ແກ້ວມໍລະກົດ ໃຫ້ຮູ້ວ່າ: ກຳມະບານ ຮາກຖານ ເສດຖະກິດ ປະກອບມີ 3 ຫ້ອງການຂຶ້ນກັບຄື: ຫ້ອງການ ອຸດສາຫະກຳ ແລະການຄ້າ, ຫ້ອງການ ຍທຂ ແລະທະນາຄານນະໂຍບາຍ ປະຈຳເມືອງນອງ, ມີຄະນະກຳມະບານຮາກຖານ 3 ສະຫາຍ, ຍິງ 2 ສະຫາຍ, ມີສະມາຊິກກຳມະບານທັງໝົດ 24 ສະຫາຍ, ຍິງ 7 ສະຫາຍ, ເປັນສະມາຊິກຊາວໜຸ່ມ 18 ສະຫາຍ, ຍິງ 5 ສະຫາຍ, ສະມາຊິກແມ່ຍິງ 7 ສະຫາຍ, ສະມາຊິກພັກ 12 ສະຫາຍ, ຍິງ 2 ສະຫາຍ ຈາກນັ້ນກໍ່ໄດ້ເອກອ້າງຜົນງານທີ່ຍາດມາໄດ້ຕະຫຼອດຕະຫຼອດໄລຍະ 3ປີທີ່ຜ່ານມາ, ຍົກໃຫ້ເຫັນເຖິງບັນຫາ ຂໍ້ຂາດຕົກບົກຜ້ອງ,ຈຸດດີ, ຈຸດອ່ອນ ແລະບາງບົດຮຽນທີ່ຖອດຖອນໄດ້.
ໂດຍປະຕິບັດຕາມວາລະກອງປະຊຸມຈາກນັ້ນກໍ່ໄດ້ປ່ອນບັດເລືອກຕັ້ງເອົາຮາກຖານກຳມະບານຊຸດໃໝ່ ເຊິ່ງມີຜູ້ລົງສະມັກມີ 5 ສະຫາຍ, ຍິງ 2ສະຫາຍ, ເລືອກເອົາ 3 ສະຫາຍ, ກອງປະຊຸມຄັ້ງປະຖົມມະລຶກຕົກລົງເຫັນດີເອົາ: ສະຫາຍ ວົງສະຫງ່າ ພົມມະສອນ ຫ້ອງການ ອຸດສາຫະກຳ ແລະ ການຄ້າ ເປັນຄະນະຮາກຖານຊຸດໃໝ່, ສະຫາຍນາງ ປານີ ແກ້ວມໍລະກົດ ທະນາຄານນະໂຍບາຍປະຈໍາເມືອງນອງ ເປັນຮອງຄະນະຮາກຖານ ທັງເປັນປະທານກວດກາ ແລະ ສະຫາຍ ສີທາ ຫຸ່ນລະນອງ ຫ້ອງການ ຍທຂ ເມືອງ ເປັນກຳມະການ.
ໂອກາດດັ່ງກ່າວກໍ່ໄດ້ຮັບຟັງຄຳໂອ້ລົມຈາກ ສະຫາຍ ພັນໂທ ແກ້ວດາວອນ ດວງຈັນ ຄະນະປະຈຳພັກເມືອງ ຫົວໜ້າກອງບັນຊາການ ປກສເມືອງໄດ້ເນັ້ນໜັກໃຫ້ ບັນດາສະຫາຍ ຄະນະຮາກຖານກຳມະບານຊຸດໃໝ່ ເປັນຜູ້ຊີ້ນຳ-ນຳ ພາຮາກຖານໃຫ້ມີຄວາມໜັກແໜ້ນເຂັ້ມແຂງເປັນແບບຢ່າງທີ່ດີໃຫ້ແກ່ສະມາຊິກ ປະຕິບັດຄຳສັ່ງ, ຄຳແນະນຳຂອງຂັ້ນເທິງວາງອອກກໍ່ຄືປະຕິບັດໜ້າທີ່ດ້ວຍຄວາມຮັບຜິດຊອບສູງ.

savannakhet medialaos