ພິທີດັ່ງກ່າວມີຂຶ້ນໃນຕອນເຊົ້າວັນທີ 13 ທັນວາ 2019 ທີ່ຫໍວັດທະນະທໍາໄກສອນ ພົມວິຫານ ແຂວງສະຫວັນະເຂດ. ໂດຍການເຂົ້າຮ່ວມ ແລະ ໃຫ້ກຽດປະດັບຫຼຽນໂດຍທ່ານ ສັນຕິພາບ ພົມວິຫານ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນະເຂດ.

ທ່ານ ນາງ ອຸດົມ ບົວທອງ ຮອງຫົວໜ້າພະແນກພາຍໃນແຂວງ ກໍໄດ້ຜ່ານລັດຖະດຳລັດຂອງປະທານປະເທດ ສາທາລະນະລັດ ປະຊາທິປະໄຕ ປະຊາຊົນລາວ ວ່າດ້ວຍການປະດັບຫຼຽນໄຊພັດທະນາຊັ້ນ 1 ໃຫ້ຈຳນວນ 3 ທ່ານ ຄື: ທ່ານ ເກຍ ອູ໊ ສິດທິເດດ ເຈົ້າຂອງໂຮງງານນໍ້າດື່ມ ແລະ ນ້ຳກ້ອນໂລມາຄຳ ທີ່ປະກອບສ່ວນທາງດ້ານເຫື່ອແຮງ, ສະຕິປັນຍາ ແລະ ທຶນຮຶນສ່ວນຕົວ ເຂົ້າໃນໂຄງການລຶບລ້າງຄວາມທຸກຍາກ ປະຊາຊົນບ້ານຄຳປ່າແໜ ແລະ ບ້ານປ່າກ້ວຍ ເມືອງຈຳພອນ ແຂວງສະຫວັນະເຂດ ໃຫ້ຫຼຸດພົ້ນຈາກຄວາມທຸກຍາກເທື່ອລະກ້າວ ຕາມແນວທາງຂອງພັກ-ລັດ. ປະກອບທຶນເຂົ້າໃນໂຄງການໄລຍະສອງ ປີ 2017 ຫາ 2018 ເປັນມູນຄ່າ 12 ຕື້ 467 ລ້ານກ່ວາກີບ. ທ່ານ ຄໍາພູມີ ມີໄຊ ຜູ້ອໍານວຍການໂຮງງານປຸງແຕ່ງໄມ້ອຸດົມໄຊ ແລະ ທ່ານ ສີພັນດອນ ມີໄຊ ຜູ້ອຳນວຍການບໍລິສັດລາວມີໄຊ ກໍ່ສ້າງ ຈຳກັດ ທີ່ປະກອບສ່ວນວັດຖຸ ແລະ ທຶນຮຶນສ່ວນໂຕເຂົ້າໃນການສ້າງສາພັດທະນາພື້ໜຖານໂຄງລ່າງ ພາຍໃນອະນຸສາວະລີບັນດາການນຳກົມການເມືອງຮຸ່ນທຳອິດ ຂອງແຂວງສະຫວັນະເຂດ ລວມມູນຄ່າ 3 ຕື້ 160 ລ້ານກ່ວາກີບ. ປະດັບຫຼຽນໄຊພັດທະນາຊັ້ນ 2 ໃຫ້ຈໍານວນ 1 ທ່ານຄື:

ທ່ານ ເກຍ ອູ໊ ສິດທິເດດ ເຈົ້າຂອງໂຮງງານນໍ້າດື່ມ ແລະ ນ້ຳກ້ອນໂລມາຄຳ ທີ່ປະກອບສ່ວນທາງດ້ານເຫື່ອແຮງ, ສະຕິປັນຍາ ແລະ ທຶນຮຶນສ່ວນຕົວ ເຂົ້າໃນໂຄງການລຶບລ້າງຄວາມທຸກຍາກ ປະຊາຊົນບ້ານຄຳປ່າແໜ ແລະ ບ້ານປ່າກ້ວຍ ເມືອງຈຳພອນ ແຂວງສະຫວັນະເຂດ ໃຫ້ຫຼຸດພົ້ນຈາກຄວາມທຸກຍາກເທື່ອລະກ້າວ ຕາມແນວທາງຂອງພັກ-ລັດ. ປະກອບທຶນເຂົ້າໃນໂຄງການໄລຍະ 1 ປີ 2016 ຫາ ຕົ້ນປີ 2017 ລວມມູນຄ່າ 2 ຕື້ 591 ລ້ານກ່ວາກີບ. ປະດັບຫຼຽນໄຊແຮງງານຊັ້ນ 2 ໃຫ້ຈຳນວນ 11 ທ່ານ ແລະ ຫຼຽນໄຊແຮງງານຊັ້ນ 3 ໃຫ້ຈຳນວນ 8 ທ່ານ ທີ່ມີຜົນງານປະກອບສ່ວນທາງດ້ານເຫື່ອແຮງ ສະຕິປັນຍາ ເຂົ້າໃນການຊຸກຍູ້ ແລະ ເຄື່ອນໄຫວໂຄງການລຶບລ້າງຄວາມທຸກຍາກ ປະຊາຊົນບ້ານຄຳປ່າແໜ ແລະ ບ້ານປ່າກ້ວຍ ເມືອງຈຳພອນ ແຂວງສະຫວັນະເຂດ ໃຫ້ຫຼຸດພົ້ນຈາກຄວາມທຸກຍາກເທື່ອລະກ້າວ ຕາມແນວທາງຂອງພັກ-ລັດ, ປະກອບທຶນເຂົ້າໃນໂຄງການໄລຍະສອງ ແລະ ໄລຍະ 1.

ປະດັບຫຼຽນໄຊແຮງງານຊັ້ນ 2 ໃຫ້ຜູ້ຈັດການທີມ ແລະ ຄູຝຶກນັກກິລາ ເຮືອຊ່ວງ ຈຳນວນ 4 ທ່ານ, ປະດັບຫຼຽນໄຊແຮງງານຊັ້ນ 3 ໃຫ້ຜູ້ຈັດການທີມ, ຄູຝຶກ ແລະ ນັກກິລາ ເຮືອຊ່ວງ ຈຳນວນ 28 ທ່ານ, ທີ່ມີຜົນງານດີເດັ່ນ ຕາງໜ້າ ສປປລາວ ເຂົ້າຮ່ວມການແຂ່ງຂັນຊ່ວງເຮືອນາໆຊາດ ປະເພດ 12 ສີພາຍ ໄລຍະທາງ 300 ແມັດ ແລະ 800 ແມັດ ປະກອບມີ 8ປະເທດເຂົ້າຮ່ວມແຂ່ງຂັນ ທີ່ນະຄອນໜານໝິງ ສປ ຈີນ ໃນຄັ້ງວັນທີ 12 ຫາ 20 ມິຖຸນາ 2018 ເຊິ່ງສາມາດຍາດໄດ້ 1 ຫຼຽນຄໍາແລະ 1 ຫຼຽນເງິນ. ແລະ ມີຜົນງານດີເດັ່ນ ຕາງໜ້າ ສປປລາວ ເຂົ້າຮ່ວມການແຂ່ງຂັນຊ່ວງເຮືອນາໆຊາດ ປະເພດ 12 ສີພາຍ ໄລຍະທາງ 600 ແມັດ ປະກອບມີ 5ປະເທດເຂົ້າຮ່ວມແຂ່ງຂັນ ທີ່ນະຄອນຮ່າໂນ້ຍ ສສ ຫວຽດນາມ ໃນຄັ້ງວັນທີ 12 ຫາ 19 ກຸມພາ 2019 ເຊິ່ງສາມາດຍາດໄດ້ 1 ຫຼຽນຄໍາ.

savannakhet medialaos