ໃນຕອນເຊົ້າຂອງວັນທີ 12 ທັນວາ 2019 ທີຜ່ານມານີ້ ຢູ່ທີ່ສະໂມສອນບ້ານພູຊາດ ເມືອງຄູນຄໍາ ແຂວງ ຄໍາມ່ວນ ໄດ້ຈັດພິທີການມອບ-ຮັບ ແນວພັນພຶດ, ອຸປະກອນສັດຕະວະແພດ ແລະ ສັດລ້ຽງ ໃຫ້ແກ່ກຸ່ມບ້ານຊາວກະສິກອນໃນບ້ານເປົ້າໝາຍຂອງໂຄງການຮ່ວມມືເພື່ອການປັບປຸງວຽກງານຄຳສະບຽນອາຫານ ແລະ ໂພສະນາການຊຸມຊົນທີມີຄວາມຊ່ຽງທາງດ້ານການຂາດສານອາຫານໂດຍຜູ້ສະໜັບສະໜູນແມ່ນສະຫະພາບເອີລົບ,
ໂດຍພາຍໃຕ້ການເປັນປະທານ ຂອງທ່ານ ຄໍາໜັ້ນ ສໍປະເສີດ ຄະນະປະຈຳພັກເມືອງ, ຮອງເຈົ້າເມືອງໆ ຄູນຄໍາ,ທ່ານ ບຸນທົງ ອິນທະແສງ ຮອງຫົວໜ້າຫ້ອງການກະສິກໍາ ແລະ ປ່າໄມ້ເມືອງ,ທ່ານ ດວງໃຈ ຂັນທອງດີ ຕາງໜ້າພະແນກແຜນການ ແລະ ການລົງທຶນຂັ້ນແຂວງ,ທ່ານ ວິຫານ ສີບຸນເຮືອງ ຜູ້ບໍລິຫານໂຄງການ FPP ພ້ອມນັັັ້ນຍັງມີບັນດາຫ້ອງການທີກ່ຽວຂ້ອງ,ພະນັກງານ,ວິຊາການ ແລະ ສັດຕະວະແພດທັງ 17 ບ້ານ,ອຳນາດການປົກຄອງບ້ານຕະຫຼອດຮອດພໍ່ແມ່ປະຊາຊົນບ້ານພູຊາດເຂົ້າຮ່ວມຢ່າງພ້ອມພຽງ.ໂອກາດດັ່ງກ່າວນີ້ ທ່ານ ຖະໜອມສັກ ພົມມະທັດ ຕາງໜ້າໂຄງການ FPP ໄດ້ເປັນກຽດມອບເຄື່ອງ ລວມມີ:
ເຄື່ອງມີສັດຕະວະແພດ17 ຊຸດ ລວມມູນຄ່າ 24,650,000 ກີບ, ແນວພັນພືດໄລຍະສັ້ນ 9 ຊະນິດ ລວມມູນຄ່າ 2,652,000 ກີບ,ແນວພັນພຶດໄລຍະກາງ 8 ຊະນິດ ລວມມູນຄ່າ 1,683,000 ກີບ,ໄກ່ 680 ໂຕ ລວມມູນຄ່າ 20,4000,0000 ກີບ,ເປັດ680 ໂຕ ລວມມູນຄ່າ 20,4000,0000 ກີບ,ໝູ 16 ໂຕ ລວມມູນຄ່າ 11,200,000 ກີບ, ແບ້27 ໂຕ ລວມມູນຄ່າ 18,900,000 ກີບ,ລວມມູນຄ່າທັງໝົດ 99,885,000 ກີບ.
ຕາງໜ້າກ່າວຮັບໂດຍ ທ່ານ ຄໍາໝັ້ນ ສໍປະເສີດ ຄະນະປະຈໍາພັກເມືອງ, ຮອງເຈົ້າເມືອງໆຄູນຄໍາ ພ້ອມນີ້ ທ່ານຍັງໄດ້ມອບຕໍ່ໃຫ້ອໍານາດການປົກຄອງທັງ 17 ບ້ານ ເປັນຜູ້ຄຸ້ມຄອງປົກປັກຮັກສາ ແລະ ນໍາໃຊ້ເຂົ້າວັນວຽກສັດຕະວະແພດຂັ້ນບ້ານໃຫ້ເກີດປະໂຫຍດຕໍ່ໄປ ພ້ອມທ່ານຮອງເຈົ້າເມືອງຍັງໄດ້ຕາງໜ້າໃຫ້ອໍານາດການປົກຄອງກໍ່ຄືບ້ານເປົ້າໝາຍທີ່ໄດ້ຮັບການຊ່ວຍເຫຼືອໃນຄັ້ງນີ້ຂໍສະແດງຄວາມຂອບໃຈ ແລະ ຮູ້ບຸນຄຸນຢ່າງລົ້ນເຫຼືອທີ່ໃຫ້ການຊ່ວຍເຫຼືອໃນຄັ້ງນີ້ທາງເມືອງຂອງພວກເຮົາຈະນຳເອົາໄປພັດທະນາໃຫ້ເກີດດອກອອກຜົນຫຼາຍທີສຸດເວົ້າລວມເວົ້າສະເພາະກໍ່ຄືປະຊາຊົນເມືອງຄູນຄໍາຂອງພວກເຮົານີ້ມີໃບໜ້າຕາໃໝ່ເພື່ອໃຫ້ຫຼຸດພົ້ນຈາກສະພາວະຄວາມເປັນດ້ອຍພັດທະນາຂື້ນເທື່ອລະກ້າວ.
ພາບ/ຂ່າວ ກັນຫາ ໄຊຍະລາດ