ໃນວາລະດຳເນີນກອງປະຊຸມອົງການປົກຄອງແຂວງຄຳມ່ວນ ທີ່ໄດ້ດຳເນີນ ໃນວັນທີ 16-17 ທັນວາ 2019 ທີ່ເຮືອນພັກເລກ 1 ແຂວງຄຳມ່ວນ ໂດຍການເປັນປະທານ ຂອງສະຫາຍ ໂອໄດ ສຸດາພອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຄຳມ່ວນ, ໂດຍມີສະພາປະຊາຊົນແຂວງ, ຄະນະບໍລິຫານງານພັກແຂວງ, ພະແນກການ,ອົງການຈັດຕັ້ງທຽບເທົ່າ, ເລຂາພັກເມືອງ 10 ຕົວເມືອງ ເຂົ້າຮ່ວມ.

ໃນວາລະຕອນທ້າຍກອງປະຊຸມ ແມ່ນໄດ້ປະກາດອະນຸມັດພະນັກງານ-ລັດຖະກອນ ອອກຮັບອຸດໜູນບຳນານ ແລະ ຍົກຍ້າຍ ແຕ່ງຕັ້ງໜ້າທີ່ບ່ອນປະຈຳການໃໝ່. ເຈົ້າແຂວງໆຄຳມ່ວນ ອະນຸມັດໃຫ້ພະນັກງານ-ລັດຖະກອນ ອອກຮັບອຸດໜູນບຳນານ ໃນງວດທີ I ປີ 2020 ຈຳນວນ 8 ທ່ານຄື: ສະຫາຍ ຄຳສີ ອຸດທິວົງ ຄະນະປະຈຳພັກແຂວງ, ຮອງເຈົ້າແຂວງຄຳມ່ວນ, ສະຫາຍ ແສງທອງ ພະຄຸນທອງ ຄະນະປະຈຳພັກແຂວງ, ປະທານແນວລາວສ້າງຊາດແຂວງ, ສະຫາຍ ສຸກສະຫວາດ ລັດຖະຈັກ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ສະຫາຍ ຂັນຕີ ໂພທິນ ກຳມະການພັກແຂວງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ, ສະຫາຍ ບຸນນຳ ບຸນນະສອນ ກຳມະການພັກແຂວງ, ເລຂາພັກເມືອງ ເຈົ້າເມືອງໄຊບົວທອງ, ສະຫາຍ ສິນທະສອນ ມະຫາໂຄດ ກຳມະການພັກແຂວງ, ເລຂາພັກເມືອງ ເຈົ້າເມືອງໜອງບົກ, ສະຫາຍ ມະນີວົງ ຈັນທະວົງ ກຳມະການພັກແຂວງ, ເລຂາພັກເມືອງ ເຈົ້າເມືອງຍົມມະລາດ, ສະຫາຍ ຄໍາຜຸຍ ທອນຜັກດີ ເຈົ້າເມືອງຫີນບູນ ແລະ ຍົກຍ້າຍ ແຕ່ງຕັ້ງ ສະຫາຍ ແກ້ວອຸດອນ ບຸດສິງຂອນ ກຳມະການພັກແຂວງ, ເລຂາພັກເມືອງ ເຈົ້າເມືອງບົວລະພາ ໄປຮັບໜ້າທີ່ໃໝ່ຢູ່ຫ້ອງວ່າການແຂວງ ທັງເປັນຄະນະຊີ້ນຳຊຸກຍູ້ກອງປະຊຸມໃຫຍ່ 3 ຂັ້ນຂອງແຂວງ, ສະຫາຍ ແກ້ວລັນດອນ ຈັນທະປານີ ກຳມະການພັກແຂວງ, ເລຂາພັກເມືອງ ເຈົ້າເມືອງຄູນຄຳ ໄປເປັນເຈົ້າເມືອງທ່າແຂກ, ສະຫາຍ ຈັນ ບຸບຜາລີວັນ ກຳມະການພັກແຂວງ ເລຂາພັກເມືອງ ເຈົ້າເມືອງທ່າແຂກ ໄປປະຈຳການຢູ່ຫ້ອງວ່າການແຂວງຄຳມ່ວນ, ສະຫາຍ ສົມໃຈ ພານິຈັນ ເລຂາພັກເມືອງ ເປັນເຈົ້າເມືອງໜອງບົກ, ສະຫາຍ ນວນຕາ ແກ້ວນະວົງ ເລຂາພັກເມືອງ ເປັນເຈົ້າເມືອງໄຊບົວທອງ, ສະຫາຍ ບຸນທັນ ສຸວັນນະລາດ ຮອງເຈົ້າເມືອງຍົມມະລາດ ເປັນເຈົ້າເມືອງຍົມມະລາດ, ສະຫາຍ ຄຳໝັ້ນ ສໍປະເສີດ ຮອງເຈົ້າເມືອງຄູນຄຳ ເປັນເຈົ້າເມືອງຄູນຄຳ, ສະຫາຍ ພັທ ບຸນກວ້າງ ແກ້ວບຸນຍົງ ຄະນະປະຈຳພັກເມືອງ, ຫົວໜ້າກອງບັນຊາການທະຫານ ເມືອງບົວລະພາ ເປັນເຈົ້າເມືອງບົວລະພາ, ສະຫາຍ ພັທ ຄຳສິງ ອໍລະວັນ ຮອງເຈົ້າເມືອງຫີນບູນ ເປັນເຈົ້າເມືອງຫີນບູນ, ສະຫາຍ ແກ້ວວັນໄຊ ສຸກແສງທອງ ຮອງຫົວໜ້າຄະນະໂຄສະນາອົບຮົມແຂວງ ຮັກສາການຫົວໜ້າຄະນະໂຄສະນາອົບຮົມແຂວງ, ສະຫາຍ ໄຊສົມບູນ ສຸວັນດາລາ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ຮັກສາການຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຄຳມ່ວນ.

Medialaos