ວັນທີ 18 ທັນວາ 2019 ທ່ານ ສະຫວັນຄອນ ລາຊມຸນຕີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຕ້ອນຮັບການເຂົ້າຢ້ຽມຢາມຂອງຄະນະວິຊາການຈາກກະຊວງຖະແຫຼງຂ່າວ ແລະ ສື່ສານ ຂອງ ສສ ຫວຽດນາມ ນຳໂດຍທ່ານ HOANG ANHTU ຮອງຫົວໜ້າກົມຮ່ວມມືສາກົນ ກະຊວງຖະແຫຼງຂ່າວ ແລະ ສື່ສານ ສສ ຫວຽດນາມ ພ້ອມຄະນະ.

ເນື່ອງໃນໂອກາດເດີນທາງມາຢ້ຽມຢາມ, ເຮັດວຽກນຳຄະນະວິຊາການກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຂອງ ສປປ ລາວ ເພື່ອປຶກສາຫາລື, ແລກປ່ຽນດ້ານຂໍ້ມູນຂ່າວສານ ໂດຍສະເພາະແມ່ນດ້ານການຄຸ້ມຄອງຂ່າວອອນລາຍ ແລະ ຂ່າວປອມຂອງທັງສອງປະເທດ

ພ້ອມທັງກະກຽມຫົວຂໍ້ສົນທະນາໃນເວທີປຶກສາຫາລືກ່ຽວກັບການປູກຈິດສຳນຶກ ແລະ ປ້ອງກັນອາຊະຍາກຳທາງອິນເຕີເນັດ, ການປ້ອງກັນການນຳໃຊ້ສື່ສັງຄົມອອນລາຍ (ຂ່າວປອມ) ທີ່ຈະຈັດຂື້ນໃນປີ 2020 ນີ້