ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປລາວ ໄດ້ໂອ້ລົມພະນັກງານຫຼັກ ແຫຼ່ງຂອງແຂວງຊຽງຂວາງ ໃນວັນທີ 18 ທັນວານີ້ ທີ່ຫ້ອງວ່າ ການແຂວງຊຽງຂວາງເຂົ້າຮ່ວມຮັບຟັງມີການນຳແຂວງ, ເມືອງ, ພະແນກການ, ກອງບັນຊາການ, ອົງການຈັດຕັ້ງ, ລັດວິສາຫະກິດ ແລະ ພະນັກງານ ວິຊາການເຂົ້າຮ່ວມ ໃນໂອກາດດັ່ງກ່າວທ່ານ ບຸນຕົ້ນ ຈັນທະພອນ ເຈົ້າແຂວງໆຊຽງຂວາງກໍໄດ້ລາຍງານການພັດທະນາເສດຖະກິດ-ສັງຄົມຂອງແຂວງ ໃນໄລຍະຜ່ານມາ ເປັນຕົ້ນແມ່ນການແກ້ໄຂຄວາມທຸກຍາກ, ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານການເມືອງແນວຄິດຂອງພະນັກງານ-ລັດຖະກອນໃຫ້ທ່ານປະທານປະເທດໄດ້ຮັບຊາບ.

ຈາກນັ້ນ ທ່ານປະທານປະເທດແຫ່ງ ສປປ ລາວ ກໍໄດ້ມີຄຳຄິດເຫັນ ຊີ້ນຳ ໂອ້ລົມ ຊຶ່ງທ່ານໄດ້ກ່າວໃຫ້ເນັ້ນເອົາໃຈໃສ່ການ ຜະລິດເປັນສິນຄ້າການປູກຝັງ-ລ້ຽງສັດ, ເອົາໃຈໃສ່ພັດທະ ນາເສດຖະກິດຄອບຄົວ, ເອົາ ໃຈໃສ່ແກ້ໄຂຊີວິດການເປັນຢູ່ຂອງປະຊາຊົນ, ສົ່ງເສີມຫົວ ໜ່ວຍທຸລະກິດ, ການແກ້ໄຂຄວາມທຸກຍາກ ໂດຍເລີ່ມຈາກຄອບຄົວ, ກວດກາຄືນການກໍ່ ສ້າງເສັ້ນທາງພື້ນຖານໂຄງລ່າງ ລາຄາ, ຄຸນນະພາບຕ້ອງເໝາະສົມ, ພະນັກງານຕ້ອງໂປ່ງໃສ, ການກໍ່ສ້າງຊົນລະປະທານຕ້ອງໄດ້ຮັບຜົນສູງ, ຊຸກຍູ້ໃຫ້ປະຊາ ຊົນປູກພືດຕາມລະດູການບໍ່ ໃຫ້ປະເນື້ອທີ່ການຜະລິດວ່າງ, ເອົາໃຈໃສ່ການຮ່ວມມືກັບຕ່າງ ປະເທດ, ການຈັດງານມະຫະ ກຳກິລາຕ້ອງໄປຄຽງຄູ່ກັບການ ທ່ອງທ່ຽວ ນຳໃຊ້ໃຫ້ເກີດປະ ໂຫຍດສູງ, ການສຶກສາເນັ້ນຄຸນນະພາບ ເພື່ອຍົກລະດັບການສຶກສາໃຫ້ດີຂຶ້ນ, ຊອກຫາວິທີທາງແກ້ໄຂວຽກເຮັດງານທຳ, ຄະນະພັກຢ່າເບິ່ງຂ້າມບັນຫາເລັກໆນ້ອຍໆ, ວຽກງານ ປກຊ-ປກສ ຕ້ອງເຂັ້ມແຂງ, ເອົາໃຈໃສ່ແກ້ໄຂບັນຫາຢາເສບຕິດຕ້ອງເລີ່ມຈາກຂັ້ນບ້ານ, ຊອກຫາວິ ທີທາງອອກເພື່ອຕ້ານບັນຫາອຸ ບັດເຫດຕາມທ້ອງຖະໜົນ, ປົກ ປັກຮັກສາຮີດຄອງປະເພນີວັດ ທະນະທຳອັນດີງາມໄວ້, ການດຳເນີນກອງປະຊຸມໃຫຍ່ຕ້ອງເອົາໃຈໃສ່ຕາມການແນະນຳ ກະກຽມຮອບດ້ານ, ຫັນລົງກໍ່ ສ້າງຮາກຖານໃຫ້ຫຼາຍຂຶ້ນ ເພື່ອ ກໍ່ສ້າງພະນັກງານ ແລະ ພັດທະ ນາບ້ານ, ກວດກາຄືນບ້ານພັດ ທະນາບັນດາເງື່ອນໄຂຕ່າງໆໂດຍເນັ້ນຄຸນນະພາບເປັນຫຼັກ.