ທ່ານ ສຈ ປອ ກິແກ້ວ ໄຂຄຳພິທູນ ລັດຖະມົນຕິ ກະຊວງຖະແຫລງຂ່າວ, ວັດທະນະທຳ ແລະ ທ່ອງທຽ່ວໄດ້ເຄື່ອນໄຫວພົບປະສອງຝ່າຍກັບ ລູ ຊູ ກາງ (Luo Shu gang), ກຳມະການສູນກາງພັກຄອມມູນິດຈີນ, ໃນໄລຍະທີ່ເຂົ້າຮ່ວມພີທີປິດປີທ່ອງທ່ຽວ ລາວ-ຈີນ ທີ່ ນະຄອນຫລວງ ປັກກິງ ໃນວັນທີ 15-18 ທັນວາ 2019 ນີ້. ໃນການພົບທັງສອງຝ່າຍໄດ້ແຈ້ງສະພາບການໂດຍຫໍ້ຍ ຂອງກັນແລະກັນໃຫ້ຊາບເຊິ່ງກ່ອນອື່ນໝົດ ທ່ານ ລູ ຊູ ກາງ (Luo Shu gang) ລັດຖະມົນຕີ ກະຊວງ ວັດທະນະທໍາ ແລະ ທ່ອງທ່ຽວ ສປຈີນ ໄດ້ສະແດງຄວາມຊົມເຊີຍຕໍ່ທ່ານ ສຈ ປອ ກິແກ້ວ ໄຂຄຳພິທູນ ທີ່ໄດ້ຖືກຕັ້ງ ມາຮັບໜ້າທີ່ເປັນ ລັດຖະມົນຕິ ກະຊວງຖະແຫລງຂ່າວ-ວັດທະນະທຳແລະ ທ່ອງທຽ່ວ ສປປ ລາວຄົນໄໝ່, ຈາກນັ້ນ ສຈ ປອ ກິແກ້ວ ໄຂຄຳພິທູນ ໄດ້ສະແດງຄວາມຂອບໃຈຕໍ່ການຕ້ອນຮັບຢ່າງອົບອຸ່ນແລະຂອບໃຈ ຕໍ່ການນຳພັກ-ລັດຂອງ ສປ ຈີນຕໍ່ການເປັນເຈົ້າພາບ ຈັດພິທີປິດປີທ່ອງທ່ຽວ ລາວ-ຈີນ ທີ່ຍີ່ງໃຫ່ຍແລະມີຄວາມໝາຍທາງດ້ານການເມືອງແລະການພົວພັນໃປມາຫາສູ່ລະຫ່ວາງສອງການນຳພັກ-ລັດ ກໍ່ຄືປະຊາຊົນສອງປະເທດ ທີ່ມີມາດົນນານແລະເປັນສາຍພົວພັນແບບຍຸດທະສາດຮອບດ້ານຍາວນານໝັ້ນຄົງຕາມທິດ 4 ດີ (ບ້ານໃກ້ເຮືອນຄຽງທີ່ດີ, ເພື່ອນມິດ ທີ່ດີ,ສະຫາຍທີ່ດີ ແລະ ຄູ່ຮ່ວມມືທີ່ດີ) ຈົນກາຍເປັນ “ ຄູ່ຮ່ວມຊາຕາກໍາ ສັງຄົມນິຍົມ’’ ທີ່ບໍໍ່ມີຫຍັງສາມາດທັບມ້າງໄດ້.

ເນື້ອໃນພົບປະກັນສອງຝ່າຍໄດ້ຍົກໃຫ້ເຫັນຫລາຍບັນຫາທີ່ຍັງຈະຕ້ອງແກ້ໄຂເຊີ່ງຝ່າຍລາວເຮົາໄດ້ແລກປ່ຽນບາງຫັນຫາເຊັ່ນ: ດ້ານ ວັດທະນະທຳ ຢາກໃຫ້ຝ່າຍຈີນ ສືບຕໍ່ ຮັບເອົາພະນັກງານສິລະປິນ ໜູ່ມນ້ອຍ ໄປຝຶກອົບຮົມໄລຍະສັ້ນ ດ້ານວິຊາການດົນຕີ ແລະ ວຽກງານກາຍະສິນ, ຍົກລະດັບຂີດຄວາມສາມາດໃຫ້ແກ່ພະນັກງານໃນຂົງເຂດວຽກງານວັດທະນະທຳ ເຊັ່ນ ວຽກງານຄຸ້ມຄອງມໍລະດົກວັດທະນະທຳທີ່ເປັນວັດຖຸ ແລະ ມໍລະດົກນາມມະທຳ; ປົກປັກຮັກສາ, ຟື້ນຟູ ແລະ ປະຕິສັງຂອນວັດຖຸພັນທາງດ້ານວັດທະນະທຳ; ການຫັນເປັນດິຈິຕອລຮູບພາບຝາຜະໜັງ; ການຝຶກອົບຮົມວຽກງານວິຊາສະເພາະດ້ານການຂຸດຄົ້ນສະຖານບູຮານຄະດີ; ການອອກແບບວັດຖະພັນວັດທະນະ ທຳ; ການແລກປ່ຽນວາງສະແດງ; ສະກັດກັ້ນການລັກລອບນຳເຂົ້າ-ສົ່ງອອກ ວັດຖຸພັນວັດທະນະທຳທີ່ຜິດກົດໝາຍ.

ເພີ່ມທະວີກໍ່ສ້າງພື້ນຖານໂຄງລ່າງດ້ານການທ່ອງທ່ຽວ ແນໃສ່ສົ່ງເສີມໃຫ້ມີການເຊື່ອມໂຍງດ້ານອຸດສາຫະກຳການ ທ່ອງທ່ຽວຂອງສອງປະເທດ, ສະເໜີຝ່າຍ ຈີນ ເອົາໃຈໃສ່ໃຫ້ການຊ່ວຍເຫຼືອຝ່າຍລາວ ໃນການກໍ່ສ້າງ ແລະ ພັດທະນາຜະລິດຕະພັນການທ່ອງທ່ຽວ ພ້ອມທັງຊຸກຍູ້ບັນດາບໍລິສັດຜູ້ປະກອບກິດຈະການທ່ອງທ່ຽວຂອງສອງປະເທດໄດ້ເຮັດວຽກຮ່ວມກັນເພື່ອສົ່ງເສີມຜະລິດຕະພັນການທ່ອງທ່ຽວ.

ສະເໜີຝ່າຍ ຈີນ ພິຈາລະນາສືບຕໍ່ຈັດຕັ້ງຊຸດຝຶກອົບຮົມສ້າງຂີດຄວາມອາດສາມາດ ໃຫ້ແກ່ບຸກຄະລາກອນຝ່າຍລາວ, ພະນັກງານລັດ ແລະ ຜູ້ບໍລິຫານອົງກອນ ໃນຂະແໜງການທ່ອງທ່ຽວຂອງແກ່ຝ່າຍລາວ, ຈັດລາຍການທັດສະນະສຶກສາຖອດຖອນບົດຮຽນກ່ຽວກັບການຄຸ້ມຄອງສະຖານທີ່ທ່ອງທ່ຽວ.

ພ້ອມກັນນັ້ນ ທັງສອງຝ່າຍ ຄວນຈະມີການສະໜັບສະໜູນ ແລະ ເພີ່ມທະວີຮ່ວມມືກັນ ຢູ່ໃນເວທີສາກົນ ກໍ່ຄືອົງການອຸຍແນສໂກ ແລະ ອົງການທ່ອງທ່ຽວໂລກ, ເປັນຕົ້ນແມ່ນການແລກປ່ຽນ ແລະ ຮ່ວມມື ໃນພາກພື້ນ ຫຼື ສາກົນ, ພາຍໃຕ້ແຜນປະຕິບັດງານຂອບການຮ່ວມມືຫຼາຍຝ່າຍ ເຊັ່ນ “ຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ”, ອາຊຽນ-ຈີນ, ຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ.

ສະເໜີຝ່າຍ ຈີນ ເອົາໃຈໃສ່ສະໜັບສະໜູນ ແລະ ຊຸກຍູ້ຝ່າຍລາວ ໃຫ້ໄດ້ເຂົ້າຮ່ວມກ່ຽວກັບໂຄສະນາ ແລະ ງານວາງສະແດງການທ່ອງທ່ຽວ ທີ່ຝ່າຍ ຈີນເປັນເຈົ້າພາບ.
ສຳລັບບັນຫາທີ່ທາງຝ່າຍ ຈີນສະເໜີເຊັ່ນ : ຍີນດີທີ່ຈະເຊີນພະນັກງານວິຊາການເຂົ້າຮ່ວມຈິດຈະກຳຕ່າງ ທີ່ທາງຝ່າຍຈີນຈັດຂີ້ນທາງດ້ານວັດທະນະທຳແລະທ່ອງທ່ຽວ.
ແລະຝ່າຍຈີນສົນໃຈວຽກງານການປະຕິສັງຂອນເຮືອນບູຮານທີ່ ນະຄອນຫລວງພະບາງເຊີ່ງສ້າງຂື້ນໃນປີ 1918.

ການກວດກາການນຳອອກ ແລະຕີດຕາມນຳຄືນວັດຖຸບູຮານທີ່ຜິດກົດໝາຍ ຈະຊ່ວຍລາວຂະຫຍາຍແຫລ່ງທ່ອງທ່ຽວໃຫ້ຫລາບຂື້ນ ນອກຈາກຢູ່ເມືອງໃຫ່ຍຂອງລາວ ເປັນຕົ້ນ
ຈາກນັ້ນທັງສອງຝ່າຍໄດ້ເຫັນດີທີ່ຈະນຳບັນຫາຕ່າງເພ່ືອໄປປຶກສາຫາລືນຳພາກສ່ວນທີ່ກ່ຽວຂ້ອງແລະຂັ້ນເທີງຂອງແຕ່ລະຝ່າຍຊາບ, ຈາກນັ້ນສຈ ປອ ກິແກ້ວ ໄຂຄຳພິທູນ ພ້ອມດວ້ຍຄະນະໄດ້ ໄປຢ້ຽມຢາມ ສຳນັກ ຂ່າວສານ ຊີນຫົວ ຂອງຈີນ ພ້ອມທັງໄດ້ຢ້ຽມຊົມຫ້ອງຂ່າວແລະກິດຈະການຕ່າງຂອງ ສຳນັກຂ່າວຊີນ ຫົວ ເຊີ່ງມີພະນັກງານທັງໝົດປະມານ 15 ພັນຄົນ ແລະ ມີ 880 ສາຂາ ເຊີ່ງຜະລິດຂ່າວມີເຖີງ 11 ພາສາ,ແລະມີປະມານ 2 ແສນຄົນທີ່ນຳໄຊ້ຂໍ້ມູນຂ່າວສານຈາກສຳນັກຂ່າວ ຊີນຫົວຈາກນັ້ນຄະນະຍັງໄດ້ທ່ຽວຊົມສູນຂ່າວ ອັດສະລິຍະຫຸ່ນຍົນ ເຊີ່ງເປັນຜະລິຕະພັນໄໝ່ ເຊີ່ງເປັນການຄິດຄົ້ນຂອງສຳນັກຊິນຫົວເອງ, ສຳລັບຜ່ານມາສຳນັກດັ່ງກ່າວໄດ້ໂຄສະນາໃຫ້ໂຄ່ງການ ນື່ງແລວນື່ງເສັ້ນທາງ ແລະໂຄງການລົດໄຟ ລາວ-ຈີນ ແລະການເປີດປີທ່ອງທ່ຽວລາວ-ຈີນອິກດ້ວຍ ຈາກນັ້ນ ທ່ານ ສຈ ປອ ກິແກ້ວ ໄຂຄຳພິທູນ ເລຂາທິການສູນກາງພັກ ແລະລັດຖະມົນຕີ ກະຊວງຖະແຫລງຂ່າວ-ວັດທະນະທຳແລະ ທ່ອງທຽ່ວ ຍັງໄດ້ໃຫ້ບໍລິສັດທີ່ດຳເນີນກິດຈະການທ່ອງທ່ຽວ ຂອງຈີນຈຳນວນນື່ງເຂົ້າພົບອີກດ້ວຍ.

Medialaos MMD