ໃນວັນທີ 20 ທັນວາ 2019 ນີ້, ສະຖານທູດຈີນ ປະຈຳ ສປປ ລາວ ໄດ້ຈັດງານສະເຫລີມສະຫລອງ ວັນສ້າງຕັ້ງເຂດພິເສດມາກາວ ຄົບຮອບ 20 ປີ ຢູ່ສະຖາບັນຂົງຈື້ ມະຫາວິທະຍາ ໄລແຫ່ງຊາດ ນະຄອນຫລວງວຽງຈັນ, ໂດຍໄດ້ວາງສະແດງຮູບພາບທີ່ສວຍງາມ ແລະ ມີຊີວິດຊີວາ ທັງໝົດ 69 ແຜ່ນ ທີ່ສະແດງໃຫ້ເຫັນເຖິງຜົນສຳເລັດ ອັນໃຫຍ່ຫລວງຂອງມາກາວ ໃນການຈັດຕັ້ງປະ ຕິບັດແນວທາງ “ປະເທດດຽວສອງລະບອບ” ພາຍຫລັງທີ່ມາກາວກັບຄືນສູ່ປະເທດຊາດ.

ໂອກາດດັ່ງກ່າວ, ທ່ານ ຈ່ຽງຈ້າຍຕຸ່ງ ເອກອັກຄະລັດຖະທູດຈີນ ປະຈຳ ລາວ ກ່າວວ່າ: ປັດ ຈຸບັນ ໃນໂລກຍັງມີອິດທິ ກຳລັງກຸ່ມໜຶ່ງປະຕິບັດ ມະຫາອຳນາດທາງການເມືອງ ແລະ ລັດທິມະຫາອຳ ນາດ ໂດຍມີເຈດຕະນາສະກັດກັ້ນການພັດທະນາ ແລະ ເຕີບໃຫຍ່ຂະຫຍາຍຕົວຂອງຈີນ, ແຊກແຊງວຽກງານພາຍໃນ ຂອງຈີນຢ່າງບັງອາດ ແລະ ຢຽບຢ່ຳຫລັກການພື້ນຖານ ຂອງການພົວພັນ ລະຫວ່າງຊາດ, ປະຊາຊົນຈີນ ແລະ ກຳລັງເປັນທຳໃນໂລກ.

ກະຊວງການຕ່າງປະເທດ ແຫ່ງ ສປປ ລາວ ໄດ້ອອກຖະແຫລງການວ່າ: ເດັດດ່ຽວສະໜັບສະໜູນນະໂຍບາຍ ແລະ ມາດຕະການຂອງຈີນ, ພວກຂ້າພະເຈົ້າ ສະແດງຄວາມຂອບອົກ ຂອບໃຈຢ່າງຈິງໃຈຕໍ່ເລື່ອງນີ້. ລັດຖະບານ ແລະ ປະຊາຊົນຈີນ ມີຈິດໃຈອັນເດັດດ່ຽວໜຽວແໜ້ນ ໃນການປົກປ້ອງອະທິປະໄຕ, ຄວາມໝັ້ນຄົງ ແລະ ຜົນປະໂຫຍດດ້ານການພັດທະນາ ຂອງປະເທດຊາດ, ຈີນເດັດຂາດບໍ່ອະນຸຍາດໃຫ້ອິດທິກຳລັງພາຍນອກໃດໆ ແຊກແຊງວຽກງານຂອງຮົງກົງ ແລະ ມາກາວ.

ທ່ານ ຮຸ່ງເພັດ ຈັນທະວົງ  ຮອງອະທິການບໍດີ ມະຫາວິທະຍາໄລແຫ່ງຊາດ ກ່າວວ່າ:ສປປ ລາວ ແລະ ສປ ຈີນ ເປັນປະເທດທີ່ມີລະບອບ ການເມືອງຄ້າຍຄືກັນ, ມີອຸດົມການ ແລະ ເປົ້າໝາຍອັນດຽວກັນ ທັງເປັນປະເທດບ້ານໃກ້ເຮືອນຄຽງ, ມີແມ່ນໍ້າ ແລະ ສາຍພູຕິດຈອດກັນ, ປະຊາຊົນສອງຊາດ ມີປະຫວັດສາດການໄປມາຫາສູ່ກັນ ຢ່າງມີໄມຕີຈິດມິດຕະພາບ. ສປປ ລາວ ຍາມໃດກໍຖື ສປ.ຈີນ ເປັນເພື່ອນມິດທີ່ດີ, ບ້ານໃກ້ເຮືອນຄຽງທີ່ດີ, ຄູ່ຮ່ວມທີ່ດີ ແລະ ສະຫາຍທີ່ດີ. ການກັບຄືນມາຂອງ ມາເກົ້າ ແລະ ຮົງກົງ ເຮັດໃຫ້ປະເທດຈີນ ເປັນປະເທດທີ່ໃຊ້ແນວທາງ “ໜຶ່ງປະເທດ ສອງລະບອບ” ເຂົ້າມາໃນການບໍລິຫານປະເທດ, ແລະ ກໍແມ່ນແນວທາງນະໂຍບາຍ ອັນສະຫລາດສ່ອງໃສຂອງຄະນະນໍາສູງສຸດຂອງຈີນ ໃນການທ້ອນໂຮມປະເທດຢ່າງສັນຕິວິທີ ເຊິ່ງແມ່ນ ທ່ານ ເຕິ້ງສຽວຜິງ ອາດີດການນໍາຂັ້ນສູງຂອງ ສປ ຈີນ ເພີ່ນເປັນຜູ້ອອກນະໂຍບາຍໜຶ່ງ ປະເທດສອງລະບອບ, ເຊິ່ງ ສປ ຈີນ ໄດ້ນໍາໃຊ້ນະໂຍບາຍດັ່ງກ່າວ ບໍລິຫານປະເທດ ໃຫ້ຈະເລີນຮຸ່ງເຮືອງ ຈົນຮອດປັດຈຸບັນ.

Medialaos