ຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ໃຫ້ຮູ້ວ່າ: ໃນຄັ້ງວັນທີ 10 ທັນວາ 2019 ເວລາ 12:00 ໂມງ ເຈົ້າໜ້າທີ່ພວກເຮົາໄດ້ຮັບການລາຍງານຈາກພົນລະເມືອງດີວ່າ: ມີກຸ່ມຄົນບໍ່ດີຈຳນວນໜື່ງເຄື່ອນໄຫວຄ້າຂາຍຢາເສບຕິດຢູ່ເຂດ ບ້ານໂພນສະຫວັນ ນະຄອນປາກເຊ ແຂວງຈຳປາສັກ, ເຈົ້າໜ້າທີ່ຈີ່ງໄດ້ຈັດຕັ້ງກຳລັງວິຊາສະເພາະ ສົມທົບກັບອຳນາດການປົກຄອງບ້ານລົງເຄື່ອນໄຫວເຮັດວຽກ ສາມາດມ້າງຄະດີດັ່ງກ່າວຈີ່ງກັກຕົວເປົ້າໝາຍໄດ້ 02 ຄົນ, ຊື່ ທ້າວ ບຸນຫຼາຍ ພັນທະວົງ ອາຍຸ 30 ປີ ສັນຊາດລາວ ອາຊີບກຳມະກອນ ບ້ານໂພນສະຫວັນ ນະຄອນປາກເຊ ແຂວງຈຳປາສັກ, ທ້າວ ສົມຊາຍ ແກ້ວມະນີວົງ ອາຊີບກຳມະກອນ ບ້ານໂພນສີໄຄ ນະຄອນປາກເຊ ແຂວງຈຳປາສັກ ພ້ອມຂອງກາງຢາບ້າຈຳນວນ 230 ເມັດ, ໂທລະສັບ 2 ໜວ່ຍ, ບັດປະຈໍາຕົວ ອອກຊື່ ທ ບຸນຫຼາຍ 1 ໃບ, ວັດຖູຄ້າຍຄືຄໍາປະເພດແຫວນ 1 ວົງ.

ຫຼັງຈາກຈັບຕົວກຸ່ມເປົ້າໝາຍ 2 ຄົນ ໄດ້ແລ້ວເຈົ້າໜ້າທີ່ໄດ້ສືບຕໍ່ຕິດຕາມກຸ່ມເປົ້າໝາຍຕໍ່ໄປ ຄືໃນວັນທີ 12 ທັນວາ 2019 ສາມາດກັກຕົວໄດ້ອີກ 08 ຄົນ. ໃນນັ້ນມີ ທ້າວ ຕ່າຍເພັດ ອາຍຸ 20 ປີ ສັນຊາດລາວ ອາຊີບຫວ່າງງານ ບ້ານໂພນສະຫວັນ ນະຄອນປາກເຊ ແຂວງຈຳປາສັກ, ທ້າວ ເຕົ່າ ອາຍຸ 21 ປີ ສັນຊາດລາວ ອາຊີບ ຫວ່າງງານ ບ້ານຫົວແຊ ເມືອງບາຈຽງ ແຂວງຈຳປາສັກ, ທ້າວ ວົງພະຈັນ ອາຍຸ 25 ປີ ສັນຊາດລາວ ອາຊີບຫວ່າງງານ ບ້ານໂພນສະຫວັນ ນະຄອນປາກເຊ ແຂວງຈຳປາສັກ, ທ້າວ ບົວເງີນ ອາຍຸ 18 ປີ ສັນຊາດລາວ ອາຊີບກຳມະກອນ ບ້ານໂພນສະຫວັນ ນະຄອນປາກເຊ ແຂວງຈຳປາສັກ, ທ້າວ ສີອຸຍ ອາຍຸ 27 ປີ ສັມນຊາດລາວ ອາຊີບກຳມະກອນ ບ້ານກາງ ນະຄອນປາກເຊ ແຂວງຈຳປາສັກ, ທ້າວ ສຸກັນຍາ ອາຍຸ 25 ປີ ສັນຊາດລາວ ອາຊີບກຳມະກອນ ບ້ານໂພນສະຫັວນ ນະຄອນປາກເຊ ແຂວງຈຳປາສັກ, ທ້າວ ບຸນເຫຼືອ ອາຍຸ 22 ປີ ສັນຊາດລາວ ອາຊີບກຳມະກອນ ບ້ານໂພນສະຫວັນ ນະຄອນປາກເຊ ແຂວງຈຳປາສັກ, ທ້າວ ຈອນນີ ອາຍຸ 36 ປີ ສັນຊາດລາວ ອາຊີບ ກຳມະກອນ ບ້ານທົ່ງ ນະຄອນປາກເຊ ແຂວງຈຳປາສັກ ພ້ອມເຄື່ອງຂອງກາງຢາບ້າ ຈຳນວນ 767 ເມັດ ໂທລະສັບ 4 ໜວ່ຍ, ເງີນກີບ 85,000 ກີບ, ປະຈຸບັນຄະດີດັ່ງກ່າວຍັງຢູ່ຂັ້ນຕອນດຳເນີນການສຶບສວນ-ສອບສວນ ເພື່ອຂະຫຍາຍຜົນຊອກຫາຜູ້ຮວ່ມຂະບວນການມາລົງໂທດຕາມລະບຽບກົດໝາຍຕໍ່ໄປ.

Medialaos