ກອງປະຊຸມ ໜ່ວຍພັກຮາກຖານຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກ

0
171

ໃນທ້າຍອາທິດທີ່ຜ່ານມາ ປ ກ ສ ແຂວງສະຫວັນນະເຂດ ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ3 ຂອງໜ່ວຍພັກຮາກຖານຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ໃນໄລຍະ 3 ປີ (ວັນທີ 21 ກັນຍາ 2016-20 ທັນວາ 2019) ແລະ ວາງທິດທາງແຜນການ 2 ປີຕໍ່ໜ້າ ໂດຍການເປັນປະທານຂອງສະຫາຍ ພັທ ວຽງທອງ ຫຼ້າບົວພອນ ຄະນະພັກກອງບັນຊາການ ຫົວໜ້າຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ເຂົ້າຮວ່ມມີສະຫາຍ ພັທ ຈັນທາ ແສນສຸລິວົງ ຄະນະພັກ ຮອງກອງບັນຊາການ ປ ກ ສ ແຂວງສະຫວັນນະເຂດ, ມີຄະນະຮາກຖານພັກ-ໜ່ວຍພັກ,ສະມາຊິກພັກສົມບູນ ແລະ ແຂກທີຖືກເຊີເຂົາຮ່ວມ.

ສະຫາຍ ພັທ ສີຫາລາດ ວໍລະທຳນຽມ ຄະນະພັກ ຮອງຫົວໜ້າຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ໄດ້ກ່າວວ່າ:ໃນ 03ປີຜ່ານມາ ຄະນະພັກ-ຄະນະບັນຊາ ໄດ້ຖືເອົາວຽກງານການເມືອງນຳພາແນວຄິດເປັນຫຼັກ,ເຮັດໃຫ້ພະນັກງານສະມາຊິກພັກ,ມີທັດສະນະຫຼັກໜັ້ນການເມືອງໜັກແໜ້ນ,ມີຄວາມບຸກບືນຫ້າວຫັນ,ຍືດໜັ້ນອຸດົມການຂອງພັກ,ຮັບຮູ້ເຊື່ອມຊືມຕໍ່ແນວທາງນະໂຍບາຍຂອງພັກ,ກົດໝາຍຂອງລັດ,ກົດລະບຽບ ແລະ ມະຕິຄຳສັ່ງຕ່າງໆ ເຊີ່ງມັນສະແດງອອກຜົນສຳເລັດໃນການນຳພາຈັດຕັ້ງປະຕິບັດມີຄືດັ່ງນີ້;ວຽກງານຂື້ນທະບຽນ ແລະ ຄຸ້ມຄອງສຳມະໂນຄົວ ທົ່ວແຂວງ ມີ 1,024 ບ້ານ,116.467 ຫຼັງຄາເຮືອນ,174.489 ຄອບຄົວ ,ພົນລະເມືອງທັງໝົດ 1.008.197,ຍິງ 501.644 ຄົນ,ຕ່າງດ້າວມີ 531 ຄອບຄົວ, ມີຈໍານວນພົນ 1.072,ຍິງ 460 ຄົນ ສາມາດຕິດແຜນປ້າຍເຮືອນໄດ້ຈຳນວນ 8.198 ຫຼັງຄາເຮືອນ ເປັນເງິນມອບກອງບັນຊາການ ຈຳນວນ 24.594.000 ກີບ, ຄ່າທຳນຽມຄົນຍົກຍ້າຍ ເຂົ້າ-ອອກ ຈຳນວນ 2.310.000 ກີບ, ກວດກາຂື້ນທະບຽນ ແລະ ຄຸ້ມຄອງອາວຸດເສິກ ມີທັງໝົດ 149 ກະບອກ ເກັບກູ້ອາວຸດປືນລ່າເນື້ອ 1.271 ກະບອກ ໄດ້ຈັດພິທີທໍາລາຍຮຽບຮ້ອຍ,ຂື້ນທະບຽນຄຸ້ມຄອງການນຳໃຊ້ຕາປະທັບ ໄດ້ 301 ໜ່ວຍ ມອບເງິນຄ່າທຳນຽມ ອາຊີບພາຫະນະພິເສດ ຈຳນວນ 8.335.000 ກີບ,ສາມາດອອກບັດປະຈຳຕົວໃຫ້ປະຊາຊົນ, ຈຳນວນ 103.027,ຍິງ 51.992ຄົນ ນອກນີ້ຍັງມີວຽກງານອື່ນໆອີກ, ຕິດພັນກັບການປະຕິບັດໜ້າທີ່ກໍ່ໄດ້ມີການແກ້ໄຂປະກົດການຫຍໍ້ທໍ້ຢູ່ ພາຍໃນ ເອົາໃຈໃສ່ຊີ້ນຳ-ນຳພາດ້ານວຽກງານວິຊາສະເພາະ ຢ່າງເປັນລະບົບຕໍ່ເນື່ອງ ເປັນໃຈກາງເພື່ອສ້າງພະນັກງານຫຼັກແຫຼ່ງ ນຳພາ-ບັນຊາ, ມີຄວາມສຳນິສຳນານດ້ານວິຊາສະເພາະ,ຄະນະພັກໄດ້ແບ່ງຄວາມຮັບຜິດຊອບຊີ້ນຳຈຸພັກ,ຊີ້ນຳໃນ 5 ພະແນກ ວິຊາສະເພາະຂື້ນກັບເພື່ອຍົກສູງພາລະບົດບາດການນຳພາຂອງໜ່ວຍພັກໃຫ້ມີບາດກ້າວດີຂື້ນ.

Medialaos