ກຸ່ມບໍລິສັດໂຮງແຮມເມທອງແທງມອບເງິນ 500.000.000 ດົ່ງ ໃຫ້​ປະຊາຊົນ​ຜູ້ປະສົບໄພນ້ຳຖ້ວມ ເມືອງສະໜາມໄຊ 25 ທັນວາ 2018 ກຸ່ມບໍລິສັດ ໂຮງແຮມ ເມື່ອງແທງ ມອບ​ເງິນ​ຈຳນວນ ມູນຄ່າ 500.000.000 ດົ່ງ ເພື່ອ​ຊ່ວຍເຫຼືອ​ປະຊາຊົນ​ຜູ້ປະສົບໄພນ້ຳຖ້ວມ ເມືອງສະໜາມໄຊ ເຊິ່ງກ່າວມອບເງິນ​ໃນ​ຄັ້ງ​ນີ້​ນຳ​ໂດຍ ທ່ານ ວັນທາ ຊົງຊະນະ ຮອງອຳນວຍການ ໂຮງແຮມ ເມື່ອງແທງ ລັກເຊີຣີ ວຽງຈັນ​ ແລະ ກ່າວ​ຮັບ​ໂດຍ ທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງໆອັດຕະປື ໂດຍມີຄະນະກ່ຽວຂ້ອງທັງສອງຝ່າຍເຂົ້າຮ່ວມ.

ໂອກາດ​ນີ້ ທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງໆ ອັດຕະປື ໄດ້​ສະແດງ​ຄວາມ​ຂອບໃຈ​ຕໍ່ກຸ່ມບໍລິສັດ ໂຮງແຮມ ເມື່ອງແທງ ລັກເຊີຣີ ທີ່​ໄດ້​ມີ​ຈິດໃຈ​ແບ່ງປັນ​ທຶນ​ຊ່ວຍເຫຼືອ​ບັນເທົາ​ທຸກ​ໃນ​ຄັ້ງ​ນີ້ ຊຶ່ງ​ເປັນ​ການ​ປະກອບສ່ວນ​ສຳຄັນ​ໃນ​ການ​ແກ້​ໄຂ-ຊ່ວຍເຫຼືອ​ຜູ້​ປະສົບ​ໄພພິບັດ​ຈາກເຫດການເຂື່ອນແຕກທີ່ເມືອງ ສະໜາມໄຊ ກໍ​ຄື​ການ​ຊ່ວຍເຫຼືອ​ດ້ານ​ມະນຸດສະທຳ. ເຊິ່ງໄພ​ທຳ​ມະ​ຊາດ​ທີ່​ເກີດ​ຂຶ້ນຢູ່ແຂວງ ອັດຕະປື ​ໃນ​ປີ​ນີ້ ໄດ້​ສົ່ງ​ຜົນ​ກະທົບ​ເຮັດ​ໃຫ້​ເກີດ​ໄພ​ນ້ຳ​ຖ້ວມ​ບ້ານ​ເຮືອນ-ເນື້ອທີ່​ການ​ຜະລິດ​ຂອງ​ປະຊາຊົນ​ຢູ່ ເມືອງ ສະໜາມໄຊ ໄດ້​ເກີດ​ຄວາມ​ເສຍ​ຫາຍ​ຢ່າງ​ໃຫຍ່​ຫຼວງ​ຕໍ່​ຊັບ​ສິນ ແລະ ຊີວິດ​ຂອງ​ປະຊາຊົນ ດ້ວຍ​ເຫດ​ນີ້ ພັກ-ລັດຖະບານ ຈຶ່ງ​ໄດ້​ລະດົມ​ທຸກ​ພາກສ່ວນ​ໃນ​ສັງຄົມ ເພື່ອ​ໃຫ້ການ​ຊ່ວຍເຫຼືອ​ແກ້​ໄຂ ແລະ ຟື້ນ​ຟູ​ຊີວິດ​ການ​ເປັນ​ຢູ່​ຂອງ​ເຂົາເຈົ້າ​ໃຫ້​ຄືນ​ສູ່​ປົກກະຕິ​ໂດຍ​ໄວ.

Medialaos