ຄະນະກຳມະການເພື່ອແມ່ແລະເດັກຂັ້ນແຂວງ ຈັດງານວັນສັບປະດາສັກ ຢາກັນພະຍາດສາກົນ

0
178

ໃນວັນທີ 19-20 ທັນວາ 2019 ນີ້, ຄະນະກຳມະການເພື່ອແມ່ແລະເດັກຂັ້ນແຂວງຮ່ວມກັບເມືອງວາປີ ຈັດງານວັນສັບປະດາສັກ ຢາກັນພະຍາດສາກົນ, ເຊິ່ງພິທີດັ່ງກ່າວແມ່ນໄດ້ຈັດຂື້ນທີ່ສະໂມສອນເມືອງວາປີ ແລະບ້ານຄອນສາຍ ເມືອງວາປີ ແຂວງສາລະວັນ, ພາຍໄຕ້ການເປັນປະທານຮ່ວມຂອງ ທ່ານ ດຣ ກະເສີມສຸກ ວົງສຸດທິ ຮອງຫົວໜ້າພະແນກສາທາລະນະສຸກແຂວງ ຄະນະກຳທະການເພື່ອແມ່ ແລະເດັກຂັ້ນແຂວງ, ທ່ານ ບຸນທົງ ວົງຈັນ ຮອງເຈົ້າເມືອງ ປະທານຄະນະກຳມະການເພື່ອແມ່ ແລະເດັກຂັ້ນເມືອງ, ນອກນີ້ຍັງມີຄະນະກຳທະການເພື່ອແມ່ ແລະ ເດັກຂັ້ນແຂວງ,ຂັ້ນເມືອງ,ແມ່ແບບຢ່າງ ແລະ ຫລານນ້ອຍນັກຮຽນຈາກໂຮງຮຽນປະຖົມພາຍໃນເມືອງເຂົ້າຮ່ວມ.

ທ່ານ ດຣ ກະເສີມສຸກ ວົງສຸດທິ ຮອງຫົວໜ້າພະແນກສາທາລະນະສຸກແຂວງ ຄະນະກຳທະການເພື່ອແມ່ ແລະ ເດັກຂັ້ນແຂວງກໍ່ໄດ້ກ່າວວ່າ: ຍາມໃດພັກ-ລັດຖະບານກໍ່ເປັນຫ່ວງເປັນໄຍຕໍ່ຊີວິດການເປັນຢູ່ຂອງພໍ່ແມ່ປະຊາຊົນບັນດາເຜົ່າຢູ່ຕະຫຼອດເວລາ ແລະໃກ້ຊິດຕິດແທດເຮັດທຸກສີ່ຢ່າງໂດຍປະຊາຊົນ, ເພື່ອປະຊາຊົນຢ່າງແທ້ຈິງຖ້າທຽບໃສ່ໃນສະໃຫມກ່ອນເຫັນວ່າມີຄວາມແຕກຕ່າງກັນຢ່າງຊີ້ນເຊີງ, ໂດຍສະເພາະໃນສະໃຫມຈັກກະພັດ, ບໍ່ພຽງແຕ່ໄດ້ສ້າງເຄາະກໍາທໍາຮ້າຍແກ່ປະຊາຊົນຄົນລາວ ທັງຜູ້ໃຫຍ່ ແລະ ເດັກນ້ອຍດ້ວຍການເຮັດສົງຄາມທໍາລາຍທາງຫນ້າດິນ ແລະ ທາງອາກາດຢ່າງຮ້າຍແຮງຈົນບໍ່ສາມາດພັນລະນາໄດ້, ສະນັ້ນໃນຍຸກປະຈຸບັນພັກ ແລະ ລັດຖະບານຂອງພວກເຮົາຍາມໃດກໍ່ຖືເອົາວຽກດັ່ງກ່າວເປັນວຽກງານສຳຄັນ, ເພາະວ່າເດັກນອ້ຍແມ່ນໜໍ່ແໜງ ແລະ ກ້ອນກໍາລັງອັນປະເສີດຂອງຊາດ ຕໍ່ການພັດທະນາປະເທດຊາດໃນຕໍ່ໜ້າ ແລະຖືເອົາການປົກປັກຮັກສາສິດຜົນປະໂຫຍດຂອງເດັກນອ້ຍເປັນນະໂຍບາຍໃຫ່ຍ ແລະສໍາຄັນທີ່ສຸດ,

ໃນທຸກປີພວກເຮົາແມ່ນໄດ້ຈັດ ແລະສະຫລອງວັນດັ່ງກ່າວໂດຍຕິດພັນກັບຂະບວນ ຈັດວັນສົ່ງເສີມສຸຂະພາບ, ວັນສັບປະດາການບໍລິການໃຫ້ວັກຊີນກັນພະຍາດສາກົນ ໃນກິດຈະກຳແມ່ນມີການສະແດງສິນລະປະວັນນະຄະດີເດັກ, ການສະແດງລະຄອນ ການແຕ້ມຮູບ-ລະບາຍສີ, ການສັກຢາ-ຢອດຢາກັນພະຍາດ, ແຈກຢາຍຢາ ວິຕາມິນ A, ຢາຂ້າແມ່ທ້ອງ, ອາຫານເສີມຝຸ່ນວິຕາມິນ ແລະ ເກືອແຮ່ ແລະຖາມຕອບອື່ນໆ. ເພື່ອໃຫ້ເດັກນ້ອຍ ໄດ້ມີໂອກາດສະແດງອອກໃນ ຄວາມສາມາດ, ຄວາມເປັນຫ່ວງເປັນໄຍໃນການເອົາໃຈໃສ່ຕໍ່ພວກເຂົາ ແລະການຮຽນຮູ້ໃນການດໍາລົງຊີວິດຢູ່ຮ່ວມກັນກັບຫມູ່ຄູ່ ແລະເພື່ອນດ້ວຍກັນ,

ໃນຊຸມປີຜ່ານມາ ຢູ່ປະເທດເຮົາໄດ້ມີການຈໍລະຈອນກັບຄືນມາ ຂອງພະຍາດໂປລີໂອ, ພະຍາດໄອໄກ່ ເຊິ່ງມີການລະບາດ ຢູ່ຫລາຍແຂວງໃນທົ່ວປະເທດ,ແຂວງສາລະວັນ ພວກເຮົາກໍ່ໄດ້ເອົາໃຈໃສ່ໂດຍໄດ້ມີການຊີ້ນໍາ ໃຫ້ການຮ່ວມມື ແລະ ສະຫນັບສະຫນູນ ກັບພະແນກສາທາລະນະສຸກ ແລະບັນດາເມືອງຕ່າງໆ ພາຍໃນແຂວງ ໄດ້ພ້ອມກັນຕອບໂຕ້ໄດ້ຢ່າງທັນການ ແລະສາມາດຍົກອັດຕາປົກຄຸມ ການບໍລິການໃຫ້ວັກຊີນກັນພະຍາດໄດ້ສູງກວ່າ 95% ໃນທົ່ວແຂວງ ແລະ ໃນປີ 2013 ນີ້ ແຂວງສາລະວັນພວກເຮົາໄດ້ວາງຄາດຫມາຍສໍາລັບອັດຕາການຍສັກຢາກັນພະຍາດໃຫ້ໄດ້ 97% ຕາມ 10 ຕົວຊີ້ວັດທີ່ສະພາແຫ່ງຊາດຮັບຮອງ ແລະໄດ້ຮຽກຮ້ອງມາຍັງຍັງການຈັດຕັ້ງ ທຸກພາກສ່ວນ ໂດຍສະເພາະຄະນະກໍາມະການເພື່ອແມ່ ແລະເດັກ ແຕ່ລະຂັ້ນ ຕະຫຼອດຮອດອໍານາດການປົກຄອງ, ກຸ່ມ ແລະຂັ້ນບ້ານ ຈົ່ງໄດ້ພ້ອມກັນເອົາໃຈໃສ່ ຢ່າງແຂງແຮງ ໃນການຮ່ວມໄມ້ຮ່ວມມື ອອກແຮງປຸກລະດົມຊຸກຍູ້ໃຫ້ ແມ່ ຍິງ ແລະເດັກນ້ອຍທຸກຄົນ ທີ່ຢູ່ໃນເກນເປົ້າຫມາຍໃຫ້ໄດ້ຮັບການປົກປ້ອງ ດ້ວຍ ຢາວັກຊິນ ຄົບຫມົດທຸກຄົນ, ພ້ອມດຽວກັນນັ້ນ ກໍ່ໄດ້ເອົາໃຈໃສ່ເກັບກໍາເປົ້າຫມາຍ ແຕ່ລະເກນອາຍຸ ແຕ່ລະບ້ານ ຢ່າງລະອຽດຊັດເຈນ ແລະຈົ່ງໄດ້ພ້ອມກັນເຮັດຫນ້າທີ່ດັ່ງກ່າວໃຫ້ໄດ້ຮັບຜົນສໍາເລັດດ້ວຍຄວາມຮັບຜິດຮັບຊອບສູງ.

ຈາກນັ້ນທ່ານ ດຣ ກະເສີມສຸກ ວົງສຸດທິ ຮອງຫົວໜ້າພະແນກສາທາລະນະສຸກແຂວງ ຄະນະກຳທະການເພື່ອແມ່ ແລະເດັກຂັ້ນແຂວງ, ທ່ານ ບຸນທົງ ວົງຈັນ ຮອງເຈົ້າເມືອງ ປະທານຄະນະກຳມະການເພື່ອແມ່ ແລະເດັກຂັ້ນເມືອງ, ຄະນະກຳທະການເພື່ອແມ່ ແລະເດັກຂັ້ນແຂວງ ແລະຂັ້ນເມືອງກໍ່ໄດ້ໃຫ້ກຽດຢອດຢ່າໃຫ້ເດັກ 6 ເດຶອນຫາ 5ປີ ແລະຕົມເຂົ້າປ້ຽກ ແລະໃສ່ຝຸ່ນວິຕາມິນເກືອແຮ່ເພື່ອໃຫເດັກມີຄວາມແຂງແຮງຢູ່ໃນ ສອງຈຸດຂອງເມືອງວາປີນີ້ມີເດັກນ້ອຍໄດ້ຮັບການຢອດຢາທັງໝົດມີ 426 ຄົນ, ຍິງ 230 ຄົນ, ສະເພາະຈຸດເທດສະບານມີ ເດັກໄດ້ຮັບການຢອດຢາທັງໝົດ 296 ຄົນຍີງ 157 ຄົນ, ໃນພິທີຍັງໄດ້ມີການຖາມ-ຕອບ ແລະມອບຂອງຂັວນລາງໃຫ້ເດັກນ້ອຍທີ່ມີຄວາມສາມາດໃນການຕອບຄຳຖາມ, ນອກຈາກນັ້ນໃນພິທີຍັງໄດ້ມີການມອບໃບຢັ້ງຢຶນແມ່ແບບຢ່າງໃນການລ້ຽງລູກດ້ວຍນົມແມ່ພຽງຢ່າງດຽວນັບແຕ່ມືເກີດຈົນຮອດ 6 ເດຶອນ ຕາມ 10 ມາດຖານຂອງແມ່ແບບຢ່າງຈຳນວນ 20 ຄອບຄົວຈຸດລະ 10 ຄອບຄົວ.

Medialaos