ວັນທີ 26 ທັນວາ 2019 ນີ້, ໜ່ວຍພັກຖະແຫຼງຂ່າວ-ສື່ມວນຊົນແຂວງສາລະວັນ ໄດ້ດຳເນີນຊີວິການເມືອງ ທ້າຍສະໄໝ ຄັ້ງທີ I, ໂດຍການເປັນປະທານຂອງ ສະຫາຍ ມະໄລວອນ ສີປະເສີດ ເລຂາໜ່ວຍພັກຖະແຫຼງຂ່າວ-ສື່ມວນຊົນ ທັງແມ່ນຮອງເລຂາຄະນະພັກຮາກຖານພະແນກ ຖວທ ແຂວງ ຮັກສາການຫົວໜ້າພະແນກ ຖວທ ແຂວງ, ມີບັນດາສະຫາຍຄະນະໜ່ວຍພັກ, ແຂກຖືກເຊີນຈາກພາກສ່ວນທີ່ກ່ຽວຂ້ອງ ແລະ ສະມາຊິກພັກສົມບູນ, ສຳຮອງ ເຂົ້າຮ່ວມ.

ສະຫາຍ ຄຳໄຫວ ໂພສີ ຮອງເລຂາໜ່ວຍພັກຖະແຫຼງ-ສື່ມວນຊົນ ໄດ້ກ່າວຈຸດປະສົງ, ທັງໄດ້ຮຽກຮ້ອງໃຫ້ສະມາຊິກທຸກສະຫາຍ ຈົ່ງພ້ອມກັນຍົກສູງຄວາມຮັບຜິດຊອບ, ຮ່ວມກັນຄົ້ນຄວ້າປະກອບຄຳຄິດເຫັນດ້ວຍຄວາມຈິງໃຈ, ການຂຽນບົດສຳຫຼວດຕ້ອງໄປຕາມຄວາມເປັນຈິງ, ຕີລາຄາດ້ານດີ, ຂໍ້ຄົງຄ້າງຂອງຕົນ ແລະ ໃຫ້ຄະແນນເປັນໄປຢ່າງພາວະວິໃສເລີ່ີມຈາກຕົນເອງ, ເບີ່ງຕົນເອງ ແລະ ຕຳນິຕິຊົມຕົນເອງເປັນສິ່ງສຳຄັນ, ພ້ອມທັງຊ່ວຍເຫຼືອກໍ່ສ້າງກັນດ້ວຍຄວາມຈິງໃຈ, ດ້ານດີກໍ່ສືບຕໍ່ເສີມຂະຫຍາຍ, ດ້ານອ່ອນ, ຂໍ້ຄົງຄ້າງ ກໍ່ຕ້ອງດັດປັບ, ແກ້ໄຂໃຫ້ດີຂຶ້ນໃນຕໍ່ໜ້າ, ທັງຮັບປະກັນຄວາມສາມັກຄີພາຍໃນພັກ ແລະ ໝູ່ຄະນະ ເພື່ອເຮັດໃຫ້ການດຳເນີນຊີວິດການເມືອງຄັ້ງນີ້ ມີຄວາມໝາຍຄວາມສຳຄັນ ແລະ ເປັນການປັບປຸງພາຍໃນໜ່ວຍພັກໃຫ້ມີຄວາມປອດໃສ, ເຂັ້ມແຂງ, ໜັກແໜ້ນຢ່າງແທ້ຈິງ. ຈາກນັ້ນກໍ່ໄດ້ຜ່ານຮ່າງບົດລາຍງານການເມືອງ, ບົດສຳຫຼວດການນຳພາລວມຂອງໜ່ວຍພັກ, ພ້ອມທັງແຈກຢາຍກິດສຳພັນ ເພື່ອຕຳນິຕິຊົມການນຳພາລວມຂອງໜ່ວຍພັກ, ສະມາຊິກ, ແບ່ງຈຸສຳຫຼວດກວດກາ ແລະ ຈະໄດ້ທາບທາມຄະນະພັກຊຸດໃໝ່ ເພື່ອກຽມພ້ອມໃນການໄຂກອງປະຊຸມໃຫຍ່ ຄັ້ງທີ I ຂອງຕົນ.

ໜ່ວຍພັກຖະແຫຼງຂ່າວ-ສື່ມວນຊົນ ປະກອບມີ 1 ຂະແໜງ, 1 ກອງວິຊາການ ເປັນໜ່ວຍພັກໜຶ່ງທີ່ຂຶ້ນກັບຄະນະພັກຮາກຖານພະແນກ ຖວທ ແຂວງສລະວັນ ເຊີ່ງມີສະມາຊິກພັກທັງໝົດ 17 ສະຫາຍ, ມີໜ້າຕົວຈິງ 15 ສະຫາຍ, ຍິງ 3 ສະຫາຍ, ໃນນັ້ນສະມາຊິກພັກສຳຮອງ 2 ສະຫາຍ, ຍິງ 1 ສະຫາຍ.

Medialaos