ໃນວັນທີ່ 24ທັນວາ2019ນີ້ ກອງບັນຊາການ ປກສ ເມືອງຈຳພອນ, ແຂວງສະຫວັນນະເຂດ ສົມທົບກັບຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ປກສ ແຂວງໄດ້ຈັດພິທີເປີດຊຸດຝຶກອົບຮົມວຽກງານວິຊາສະເພາະ ໃຫ້ແກ່ກໍາລັງ ປກສ ກຸ່ມ-ປກສ ບ້ານ ຢູ່ໃນ 07 ຕົວເມືອງຄື: ເມືອງ ຈໍາພອນ, ເມືອງສອງຄອນ, ເມືອງໄຊພູທອງ, ເມືອງທ່າປາງທອງ ເມືອງຊົນນະບູລີ, ເມືອງອຸທຸມພອນ ແລະ ອາດສະພັງທອງ ທີ່ຫໍປະຊຸມໃຫຍ່ຂອງເມືອງຈຳພອນ ໂດຍການເຂົ້າຮ່ວມຂອງທ່ານ ສີສຸວັນ ສຸວັນນະສານ ເຈົ້າເມືອງຈຳພອນ, ທ່ານ ພັອ ສຸດທະສົມ ບຸນນະສິງ, ຮອງກອງບັນຊາການ ປກສ ແຂວງ, ທ່ານ ພັທ ບຸນລໍ້າ ເລັງສະຫວັນ ຫົວໜ້າກອງບັນຊາການ ປກສ ເມືອງ, ມີຫ້ອງຄຸ້ມຄອງສຳມະໂນຄົວ ແລະກໍ່ສ້າງຮາກຖານ ປກສ ແຂວງ, ຄະນະກອງບັນຊາການ ປກສ ເມືອງ , ຄະນະພະແນກ, ປກສ ກຸ່ມ-ປກສ ບ້ານ ພາຍໃນ07 ຕົວເມືອງ ເຂົ້າຮ່ວມ 200ກວ່າສະຫາຍ.

ທ່ານ ພັທ ບຸນລ້ຳ ເລັງສະຫວັນ ຫົວໜ້າກອງບັນຊາການ ປກສເມືອງໄດ້ຂຶ້ນຜ່ານບົດກ່າວໄຂພິທີຝຶກອົບຮົມວຽກງານວິຊາສະເພາະໃຫ້ແກ່ກຳລັງ ປກສ ກຸ່ມ – ປກສ ບ້ານຂອງກອງບັນຊາການ ປກສ 07 ຕົວເມືອງ ປະຈໍາສົກປີ 2019 ຊຸດຝຶກອົບຮົມດັ່ງກ່າວຈະໄດ້ດຳເນີນໄປເປັນເວລາ 3ວັນເລີ່ມແຕ່ວັນທີ່ 24-27ທັນວາ2019, ເອກະສານທີ່ນໍາມາເຜີຍແຜ່ໃນຄັ້ງນີ້ມີ11ເອກະສານຄື: ເອກະສານແນວທາງ ປກຊ-ປກສ, ເອກະສານສິດຄົນລາວເປັນເຈົ້້າ, ເອກະສານຢ້ຽມຢາມຖາມຂ່າວປະຊາຊົນ, ເອກະສານຄຸ້ມຄອງສຳມະໂນຄົວ, ເອກະສານຄຸ້ມຄອງອາຊີບ-ພາຫະນະພິເສດ, ເອກະສານສິດໜ້າທີ່ ປກສ ກຸ່ມ-ປກສ ບ້ານ, ເອກະສານຄຸ້ມຄອງເປົ້າໝາຍ, ເອກະສານຄຸ້ມຄອງຄົນຕ່າງປະເທດ, ເອກະສານສອບສວນເອົາຄຳໃຫ້ການຜູ້ຖືກຫາ, ເອກະສານເອົາຄຳໃຫ້ການຜູ້ເປັນພະຍານ ແລະ ເອກະສານປ້ອງກັນສະຖານທີ່ເກີດເຫດ ໂດຍປະຕິບັດຕາມແນວທາງຂອງວຽກງານປ້ອງກັນຊາດ, ປ້ອງກັນຄວາມສະຫງົບ ໃນທົ່ວປວງຊົນຮອບດ້ານຂອງພັກ

ໃນໄລຍະໃໝ່ ກໍ່ຄືການປະຕິບັດຕາມແຜນຍຸດທະສາດ ຂອງກະຊວງປ້ອງກັນຄວາມສະຫງົບ ວາງອອກ ຄະນະພັກ – ຄະນະບັນຊາ ກອງບັນຊາການ ປກສ ແຂວງ ເຫັນໄດ້ຄວາມສໍາຄັນຂອງວຽກງານດັ່ງກ່າວ ຈື່ງຄົ້ນຄວ້າປຶກສາຫາລື ຕົກລົງເປັນເອກະພາບສູງ ຫັນເອົາເມືອງຈຳພອນ ເປັນຈຸດສຸມໃຈກາງ ພ້ອມທັງເຊີນເອົາບັນດາ 06 ຕົວເມືອງອ້ອມຂ້າງເຂົ້າຮ່ວມຕາມລະດັບຄາດໝາຍແຜນການຂອງກອງບັນຊາການ ປກສ ແຂວງ, ຕໍ່ກັບບັນຫາວຽກງານທີ່ກ່າວມານີ້ ແມ່ນບາດກ້າວອັນໜຶ່ງສຳລັບກຳລັງ ປກສ ກຸ່ມ-ປກສ ບ້ານ ເຊີ່ງມີຄວາມໝາຍຄວາມສຳຄັນ ເປັນຢ່າງຍິ່ງ ໃນການຈັດຕັ້ງປະຕິບັດແຜນຍຸດທະສາດຂອງແນວທາງປ້ອງກັນຊາດ – ປ້ອງກັນຄວາມສະຫງົບ ກໍ່ຄືປະຕິບັດຕາມ 04 ແຜນງານໃຫຍ່ 41 ວຽກງານຂອງກະຊວງປ້ອງກັນຄວາມສະຫງົບ ແລະ ປະຕິບັດຕາມ 04 ແຜນງານໃຫຍ່ 29 ໂຄງການ ຂອງກອງບັນຊາການ ປກສ ແຂວງ ກໍ່ຄືແຜນຈຸດສຸມຂອງກອງບັນຊາການ ປກສ ເມືອງ ວາງອອກ ເພື່ອຍົກລະດັບໃຫ້ແກ່ກຳລັງ ປກສ ກຸ່ມ – ປກສ ບ້ານ ຂອງພວກເຮົາ ໃນແຕ່ລະໄລຍະ ເພື່ອໃຫ້ໄດ້ຮັບການເຊື່ອມຊືມ, ກຳແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ມີຄວາມຮູ້ຄວາມສາມາດ ຊຳນິຊຳນານທາງດ້ານວິຊາສະເພາະ, ຮັບປະກັນໄດ້ທາງດ້ານຄຸນນະພາບຂອງວຽກງານປ້ອງກັນຄວາມສະຫງົບຢູ່ຂັ້ນຮາກຖານບ້ານ, ກຸ່ມບ້ານ ໃຫ້ມີຄວາມເຕີບໃຫຍ່ເຂັ້ມແຂງ ພ້ອມກັນຈັດຕັ້ງປະຕິບັດໜ້າທີ່ວຽກງານທີ່ການຈັດຕັ້ງພັກ-ລັດ ຂັ້ນເທີງມອບໝາຍໃຫ້ ຢ່າງມີປະສິດທິຜົນສູງ.

Medialaos