ຕອນເຊົ້າຂອງວັນທີ30 ທັນວາ 2019 ນີ້ ຢູ່ທີ່ສະໂມສອນບ້ານນາທອງໄຄ້ວຽງ ເມືອງຄໍາ ແຂວງຊຽງຂວາງ ໄດ້ຈັດພິທີປະກາດຮັບຮອງເອົາ 5 ບ້ານ ເມືອງຄຳຄື: ບ້ານ ຊຽງກ່ຽວ, ບ້ານ ມ່ວງໄຊ, ບ້ານຊາມ ຍອດເກື້ອພູເມືອງ ແລະ ບ້ານ ນາທອງໄຄວຽງ ເປັນບ້ານສາມັກຄີປອງດອງຂື້ນຢ່າງເປັນທາງການ. ພາຍໃຕ້ການເປັນປະທານຂອງທ່ານ ອຸ່ນຄຳ ນິດສະຫວາດ ເລຂາພັກບ້ານນາທອງໄຄວຽງ ເປັນກຽດເຂົ້າຮ່ວມພິທີມີ, ທ່ານ ພົມມາ ເທບທິລາດ ຄະນະປະຈຳພັກເມືອງ ປະທານແນວລາວສ້າງຊາດເມືອງ, ທ່ານ ຄໍາຫຼ້າ ທອງສົມສະໜິດ ຫົວໜ້າຫ້ອງການແນວລາວສ້າງຊາດແຂວງ, ທ່ານ ສົມຈິດ ສີດາລາ ຫົວໜ້າຫ້ອງວ່າການເມືອງຄຳ, ມີບັນດາຫົວໜ້າ-ຮອງຫົວໜ້າຫ້ອງການຂອງເມືອງ, ຄະນະກຸ່ມ, ເລຂາພັກບ້ານບປະທານແນວໂຮມບ້ານທັງ 5 ບ້ານ, ຜູ້ຊົງຄຸນວຸດທິ, ເຈົ້າກົກ-ເຈົ້າເຫຼົ່າ, ເຖົ້າແກ່ແນວໂຮມຕະຫຼອດຮອດພໍ່ແມ່ປະຊາຊົນ 5 ບ້ານຂ້າງເຂົ້າຮ່ວມ.

ໃນພິທີທ່ານ ອຸ່ນຄໍາ ນິດສະຫວາດ ເລຂາພັກບ້ານນາທອງໄຄວຽງ ຂື້ນກ່າວເປີດພິທີຢ່າງເປັນທາງການ, ຈາກນັ້ນທ່ານທັງບຸນມີ ບຸນທະຍາ ປະທານແນວໂຮມບ້ານຊຽງຕາງໜ້າໃຫ້ຄະນະຮັບຜິດຊອບຂະບວນການສ້າງຄອບຄົວ ແລະ ບ້ານສາມັກຄີປອງດອງຂອງ 5 ບ້ານຂຶ້ນຜ່ານບົດສະຫຼູບການສ້າງຄອບຄົວ ແລະ ບ້ານສາມັກຄີປອງດອງໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ. ທ່ານໄດ້ຍົກໃຫ້ເຫັນເຖີງຜ່ານມາ, 5ບ້ານກຸ່ມຍອດເກື້ອຂອງພວກເຮົາ ໄດ້ພ້ອມກັນເປັນເຈົ້າການ, ເສີມຂະຫຍາຍມູນເຊື້ອຄວາມສາມັກຄີຢ່າງໜັກແໜ້ນ, ແນວລາວສ້າງຊາດບ້ານໄດ້ປະສານສົມທົບກັບຄະນະພັກ-ອຳນາດການປົກຄອງ ປຸກລະດົມເຕົ້າໂຮມຄວາມສາມັກຄີ ແກ້ໄຂປະກົດການຫຍໍ້ທໍ້ຕ່າງໆໂດຍຖືເອົາ 6ພາລະບົດບາດ ແລະ 11 ວຽງານທີ່ສຳຄັນຂອງແນວລາວສ້າງຊາດເວົ້າລວມເວົ້າສະເພາະຂອງ5ບ້ານ, ສາມາດບັນລຸຕາມເປົ້າໝາຍທີ່ວາງໄວໂດຍສະເພາະແມ່ນການຈັດຕັ້ງປະຕິ ບັດຂໍ້ແຂ່ງຂັນການສ້າງຄອບຄົວ ແລະ ບ້ານສາມັກຄີປອງດອງຢ່າງເປັນຂະບວນ. 5ບ້ານລວມມີ 682 ຄອບຄົວ ຜ່ານການປະເມີນຕາມຕະຖານຂອງສູນກາງແນງລາວສ້າງຊາດວາງອອກໄດ້675ຄອບຄົວເທົ່າກັບ98%. ເທົ່າກັບ ຈາກນັ້ນ, ໃນພິທີໄດ້ຜ່ານຂໍຕົກລົງຂອງທ່ານເຈົ້າເມືອງ ແລະເຈົ້າແຂວງ ວ່າດ້ວຍການຕົກລົງຮັບຮອງເອົາຄອບຄົວ ແລະ ບ້ານສາມັກຄີປອງດອງທັງ5ບ້ານ, ພ້ອມທັງມອບຮັບໃບຢັ້ງຢືນຄອບຄົວ ແລະ ບ້ານສາມັກຄີປອງດອງ ໃຫ້ແກ່ອຳນາດການປົກຄອງບ້ານ 5 ບ້ານ ແລະບັນດາຄອບຄົວທີ່ຜ່ານການຮັບຮອງ.

ໃນຕອນທ້າຍຂອງພິທີຍັງໄດ້ຮັບຟັງການໂອ້ລົມຂອງທ່ານ ພົມມາ ເທບທິລາດ ຊີ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການຈັດຕັ້ງປະຕິບັດຂອງ5ບ້ານທີ່ຍາດມາໄດ້ ແລະ ໄດ້ປະກາດເປັນ ບ້ານສາມັກຄີປອງດອງ ຂອງແນວລາວສ້າງຊາດໃນຄັງນີ້ ອັນເປັນໃບໜ້າໃໝ່ຂອງຊາວເມືອງຄຳເວົ້າລວມເວົ້າສະເພາະກໍ່ແມ່ນຂອງ5ບ້ານກຸ່ມຍອດເກື້ອ ເຊີ່ງທ່ານໄດ້ກ່າວວ່າ: ພິທີປະກາດບ້ານສາມັກຄີປອງດອງໃນຄັ້ງນີ້ ສະແດງໃຫ້ເຫັນເຖີງເປັນການປຸກລະດົມກຳລັງແຮງທົ່ວປວງຊົນ ເຂົ້າຮ່ວມປະຕິບັດສອງໜ້າທີ່ຍຸດທະສາດ ຄືການປົກປັກຮັກສາ ແລະ ສ້າງສາພັດທະນາປະເທດຊາດ, ເປັນການຫັດແໜ້ນຄວາມສາມັກຄີ, ຄວາມເປັນເອກະພາບຂອງປະຊາຊຊົນລາວບັນດາເຜົ່າ, ຊັ້ນຄົນ, ສາສະໜາ,ເພດ-ໄວ ໂດຍເລີ່ມຈາກຄອບຄົວ ແລະ ຮາກຖານບ້ານ ເຊີ່ງມັນເປັນປັດໃຈໃນການເສີມສ້າງສະຖຽນລະພາບ ແລະ ແກ້ໄຂຄວາມທຸກຍາກ ຄຽງຄູ່ກັນນັ້ນທ່ານຍັງໄດ້ຮຽກຮ້ອງໃຫ້ ອຳນາດການປົກຄອງບ້ານ5ບ້ານຕະຫຼອດຮອດພໍ່ແມ່ປະຊາຊົນ, ຈົ່ງພ້ອມກັນຮັກສານາມມະຍົດນີ້ໃຫ້ຍືນຍົງ, ປະຊາຊົນບັນດາເຜົ່າຕ້ອງເພີ່ມທະວີຄວາມສາມັກຄີ ຮັກແພງຊ່ວຍເຫຼືອເຊີ່ງກັນແລະກັນແບບນີ້ຕະຫຼອດໄປ, ສືບຕໍ່ພ້ອມກັນຮັກສາມູນເຊື້ອຂອງຄອບຄົວ ແລະ ບ້ານສາມັກຄີປອງດອງໃນປີຕໍ່ໆໄປ ເພື່ອໃຫ້ບັນລຸຕາມຄາດໝາຍທີ່ສູນກາງວາງອອກເພື່ອກ້າວເປັນເມືອງສາມັກຄີໃນຕໍ່ໜ້າ.

ພາບ-ຂ່າວ: ທ ເບ່ຕ່າ ໄຊປັນຍາ( ແນວລາວສ້າງຊາດແຂວງຊຽງຂວາງ).
ລົງຂ່າວ:ສົມພອນ ເທບທິລາດ
medialaos xiengkhouang