ສູນ​ກາງ​ພັກ​ປະຊາຊົນ​ ປະ ຕິວັດ​ລາວ ​ແລະ​ ລັດຖະບານ​ແຫ່ງ​ ສປປ ​ລາວ ​ໄດ້​ຈັດ​ພິທີ​ເປີດ​ເຂດ​ອະນຸສອນ​ສະຖານ​ສຳນັກງານ​ສູນ​ກາງ​ຊີ້​ນໍາ​ການ​ປະຕິວັດ​ເຂດ​ຊຽງ​ຂວາງ ​ໄດ້​ຈັດ​ຂຶ້ນ​ໃນ​ວັນ​ທີ 28 ທັນວາ​, ທີ່​ບ້ານ​ຕ້າຍ ເມືອງ​ແປກ ແຂວງ​ຊຽງ​ຂວາງ, ເຂົ້າ​ຮ່ວມ​ເປັນ​ກຽດ​ມີ​ ທ່ານ​ ພັນ​ຄຳ ​ວິພາ​ວັນ ​ກຳມະການ​ກົມ​ການເມືອງ​ສູນ​ກາງ​ພັກ ຜູ້​ປະຈຳການ​ຄະນະ​ເລຂາທິການ​ສູນ​ກາງ​ພັກ​ຮອງ​ປະທານ​ປະເທດ, ມີ​ບັນດາ​ການ​ນໍາ​ພັກ​-​ລັດ, ແຂກ​ຖືກ​ເຊີນ​ທີ່​ກ່ຽວຂ້ອງ​ເຂົ້າ​ຮ່ວມ. ທ່ານ​ ບົວ​ສອນ ​ສີ​ນວນ​ທອງ ​ ຮອງ​ເລຂາ​ພັກ​ແຂວງ ​ຮອງ​ເຈົ້າແຂວງ​ຊຽງ​ຂວາງ​ໄດ້​ກ່າວ​ລາຍ​ງານ​ວ່າ: ການກໍ່ ສ້າງ​ອະນຸສອນ​ສະຖານ​ສຳນັກ ງານ​ສູນ​ກາງ​ຊີ້​ນໍາ​ການ​ປະຕິ ວັດ​ເຂດ​ຊຽງ​ຂວາງ​ຄັ້ງ​ນີ້​ ເພື່ອ​ເປັນ​ການ​ຈາລຶກ​ມູນເຊື້ອ​ແຫ່ງ​ຂະບວນ​ການ​ຕໍ່ສູ້​ປົດປ່ອຍຊາດ ​ເພື່ອ​ໃຫ້​ຄົນ​ລາວ​ໄດ້​ຮຽນຮູ້​ມູນ ເຊື້ອ​ປະຫວັດສາດ​ຂອງ​ພັກ ທັງ​ເປັນ​ການ​ບູລະນະ​ຟື້ນ​ຟູ​ໃຫ້ ກາຍເປັນ​ອະນຸສອນ​ສະຖານ​ລະດັບ​ຊາດ​ ຊຶ່ງ​ໄດ້​ເລີ່ມ​ລົງມື​ຈັດ​ຕັ້ງ​ປະຕິບັດ​ໃນ​ກາງ​ເດືອນ​ຕຸລາ 2019 ເປັນຕົ້ນ​ມາ ​ໂດຍ​ມີ​ການ​ບຸກ​ເບີກ​ຖົມ​ພື້ນ​ທີ່​ບໍລິເວນ​ວາງ​ສີ​ລາ​ຈາລຶກ ​ລວມ​ຈຳນວນ 3.330 ຕາ​ແມັດ, ກໍ່ສ້າງ​ແຜ່ນ​ສີ​ລາ​ຈາ ລຶກ​ດ້ວຍ​ຫີນ​ທຳ​ມະ​ຊາດ ​ມີ​ຄວາມ​ຍາວ 3,60 ແມັດ, ກວ້າງ 2,70 ແມັດ, ໜາ 60 ເຊັນ,ມີນໍ້າ ໜັກ​ປະມານ 9,9 ໂຕນ​ກວ່າ, ແກະສະຫຼັກ​ເນື້ອ​ໃນ​ເປັນ​ພາ ສາລາວ ​ແລະ​ ພາສາ​ອັງກິດ ນອກຈາກ​ນັ້ນ​ຍັງ​ໄດ້​ກໍ່ສ້າງ​ສິ່ງ​ອຳນວຍ​ຄວາມ​ສະດວກ​ຕ່າງໆ​ອີກ, ລວມ​ງົບປະມານ​ທັງ​ໝົດ 119,5 ລ້ານ​ກີບ​ແມ່ນ​ການປະ ກອບສ່ວນ​ຂອງ​ພາກສ່ວນ​ຕ່າງໆ.

ຈາກນັ້ນ,​ ທ່ານ ​ພັນ​ຄຳ ​ວິ ພາ​ວັນ ​ໄດ້​ຕາງໜ້າ​ອ່ານ​ສານ​ຂອງ​ທ່ານ​ ຄຳ​ໄຕ ​ສີ​ພັນ​ດອນ ​ອະດີດ​ປະທານ​ພັກ​ ປະທານ​ປະເທດ​ແຫ່ງ​ ສປປ ລາວ ຊຶ່ງ​ ທ່ານ​ແມ່ນ​ຜູ້​​ໜຶ່ງ​ໃນ​ຈໍາ​ນວນ​ຜູ້​ນໍາ​ທີ່​ຊີ້​ນໍາ​ບັນຊາ​ການ​ຢູ່​ໃນ​ເຂດ​ອະນຸສອນ​ສະຖານ​ແຫ່ງ​ນີ້​ໃນ​​ໄລຍະ​ແຕ່​ປີ 1964-1972 ຢູ່​ສະຖານທີ່​ນີ້​ສຳນັກງານ​ສູນ​ກາງ​ພັກ​ໄດ້​ເຂົ້າ​ມາ​ຕັ້ງ​ຢູ່​ໃນ​ຊຸມ​ປີ 1960 ໂດຍ​ມີ​ບັນດາ​ຜູ້​ນໍາຂອງ​ການ​ປະຕິວັດ​ຊີ້​ນໍາບັນ ຊາ​ຢູ່​ຍ້ອນ​ເຫັນ​ໄດ້​ຄວາມ​ສຳ ຄັນ​ດັ່ງກ່າວ​ໃນ​ມື້ນີ້​ ຈຶ່ງ​ໄດ້​ມີ​ການຈັດຕັ້ງ​ພິທີ​ເປີດ​ເຂດ​ອະນຸ ສອນ​ສະຖານ​ສຳນັກງານ​ສູນ​ກາງ​ຊີ້​ນໍາ​ການ​ປະຕິວັດ​ທີ່​ບ້ານ​ຕ້າຍ ​ເມືອງ​ແປກ ​ແຂວງ​ຊຽງ​ຂວາງ​ ຊຶ່ງ​ເປັນ​ສະຖານທີ່​ບັນຊາ​ການ​ທະຫານ​ເຂດ​ທົ່ງ​ໄຫ​ຫີນ-​ຊຽງ​ຂວາງ​ ກໍຄື​ສະຖານທີ່​ບັນຊາ​ການ​ໃນ​ຫຼາຍ​ບັ້ນ​ຮົບ​ທີ່​ສຳຄັນ ​ເພື່ອ​ໃຫ້​ເປັນ​ສະຖານທີ່ສຶກສາ​ອົບຮົມ​ຄົນ​​ຮຸ່ນ​ໃໝ່​ ໄດ້​ສຶກສາ ຄົ້ນ​ຄວ້າ​ຮາ​ໍ່ຮຽນ​ກ່ຽວ​ກັບ​ປະ ຫວັດສາດ​ແຫ່ງ​ການ​ຕໍ່ສູ້​ທັງເປັນ​ ສະຖານທີ່​ຢ້ຽມ​ຊົມ​ຂອງ​ນັກ ທ່ອງ​ທ່ຽວ​ທັງ​ພາຍ​ໃນ ​ແລະ ​ຕ່າງ​ປະ​ເທດ.

ໃນ​ພິທີ​ ທ່ານ​ ບຸນ​ຕົ້ນ ​ຈັນທະ​ພອນ ​ເລຂາ​ພັກ​ແຂວງ ​ເຈົ້າແຂວງຊຽງ​ຂວາງ​ ໄດ້ກ່າວ​ ເປີດ​ງານ​ວ່າ: ປີ 2019-2020 ເປັນ​ປີ​ທີ່​ປະຊາຊົນ​ຊາວ​ຊຽງ​ ຂວາງ ​ລໍຄອຍ​ມາ​ດົນ​ນານ ​ແລະ​ ມີ​ຄວາມ​ທະ​ນົງ​ໃຈ​ໄດ້​ເປັນ​ເຈົ້າ ພາບ​ງານ​ໃຫຍ່​ລະດັບ​ຊາດ ​ເປັນ ຕົ້ນ​ງານ​ສະເຫຼີມສະຫຼອງ​ທົ່ງ​ໄຫ​ຫີນ​ໄດ້​ຮັບ​ກຽດ​ເຂົ້າ​ເປັນ​ມໍ ລະດົກ​ໂລກ, ງານ​ມະຫະ​ກຳ​ກິ ລາ​ແຫ່ງ​ຊາດ​ຄັ້ງ​ທີ 11 ແລະ ​ວັນ ​ປົດ​ປ່ອຍ​ທົ່ງ​ໄຫ​ຫີນ​ຄົບຮອບ 59 ປີ​ຄື​ວັນ​ທີ 1 ມັງກອນ 2020 ຄຽງ​ຄູ່​ກັບ​ການ​ກະກຽມ​ງານລະ ດັບ​ຊາດ​ໃນ​ມື້ນີ້​ ແຂວງ​ຊຽງ​ຂວາງ ​ຍັງ​ໄດ້​ຈັດ​ພິທີ​ເປີດ​ເຂດ ອະນຸສອນ​ສະຖານ​ສຳນັກງານ​ສູນ​ກາງ​ຊີ້​ນໍາ​ການ​ປະຕິວັດ ເຂດ​ຊຽງ​ຂວາງ ​ແມ່ນ​ໜຶ່ງ​ໃນ​ສະ ຖານທີ່​ປະຫວັດສາດ​ອັນ​ສຳຄັນ ​ຂອງ​ການ​ປະຕິວັດ​ຊາດ ​ປະ ຊາ ທິປະໄຕ​ ປະຊາຊົນ​ ສ້າງ​ຂຶ້ນເພື່ອ​ ສະແດງ​ເຖິງ​ຄວາມກະຕັນຍູ​ຮູ້​ບຸນຄຸນ​ຕໍ່​ນັກຮົບ​ປະຕິວັດ ​ທີ່ໄດ້​ ຕໍ່ສູ້​ເສຍສະຫຼະຊີວິດ ​ແລະ ​ເລືອດ​ເນື້ອ​ເພື່ອ​ກອບ​ກູ້​ເອົາ​ປະ ເທດ​ຊາດ, ເປັນ​ມູນ​ມໍລະດົກ​ທາງ​ດ້ານ​ປະຫວັດສາດ ​ເພື່ອ​ໃຫ້​ຄົນ​ຮຸ່ນ​ໃໝ່​ໄດ້​ຮຽນ​ຮູ້​ ແລະ​ ສືບຕໍ່​ເຝິກຝົນ​ຫຼໍ່​ຫຼອມ​ຕົນ​ເອງ​ ໃຫ້​ເປັນ​ຜູ້​ສືບ​ທອດ​ພາລະກິດ​ປະຕິວັດ​ຂອງ​ຊາດ. ຈາກ​ນັ້ນ​ໃນ​ພິທີທ່ານ ​ພັນ​ຄຳ ​ວິພາ​ວັນ ​ໄດ້​ໃຫ້​ກຽດ ລັ່ນຄ້ອງ 9 ບາດ ​ເພື່ອ​ເປັນ​ສິ ລິ​ມຸງຄຸນ​ໃຫ້​ແກ່​ງານ​ດັ່ງກ່າວ ​ແລະ ​ທ່ານ​ພ້ອມ​ດ້ວຍ​ການ​ນຳ​ພັກ- ລັດ​ ຄະນະ​ປະທານ​ທີ່​ເຂົ້າ​ຮ່ວມ ​ງານ​ໄດ້​ພ້ອມ​ກັນ​ຕັດ​ແຖບ​ຜ້າ ​ເພື່ອ​ເປີດ​ງານ​ຢ່າງ​ເປັນ​ທາງ​ການ.

Medialaos