ກອງ​ປະຊຸມ​ຖອດ​ຖອນ​ບົດຮຽນ​ການ​ກະກຽມ ແລະ ດຳເນີນ​ກອງ​ປະຊຸມ​ໃຫຍ່​ອົງຄະນະ​ພັກ​ຂັ້ນ​ເມືອງຂອງ​ແຂວງ​ຊຽງ​ຂວາງ ໄດ້​ດຳເນີນ​ໃນ​ວັນ​ທີ 30-31 ທັນວາຜ່ານ​ມາ ​ທີ່​ຫ້ອງ​ວ່າ ການ​ແຂວງ ໂດຍການເປັນປະທານ​ຂອງ​ສະຫາຍ ຈັນ​ສີ ໂພ​ສີຄຳ ກຳມະການກົມການເມືອງ​ ສູນ​ກາງ​ພັກ ຄະ​ນະເລຂາທິການ ​ສູນ​ກາງ​ພັກ ຫົວໜ້າ​ຄະນະ​ຈັດ​ຕັ້ງ​ສູນ​ກາງ​ພັກ, ສະຫາຍ ບຸນ​ຕົ້ນ ຈັນທະ​ພອນ ເລຂາ​ພັກແຂວງ ເຈົ້າແຂວງຊຽງ​ຂວາງ, ມີ​ຄະນະ​ປະຈຳ​ພັກ​ແຂວງ, ກຳມະການ​ພັກ​ແຂວງ, ຫົວໜ້າ-ຮອງ​ຫົວ ໜ້າ​ພະແນກການ, ກອງ​ບັນ ຊາ​ການ ແລະ ບັນດາ​ອະນຸ​ກຳ ມະການ​ຮັບ​ໃຊ້​ກອງ​ປະຊຸມໃຫ​ຍ່​ ຂັ້ນ​ເມືອງ​ເຂົ້າຮ່ວມ. ກອງປະ ຊຸມດັ່ງກ່າວ​ ສະຫາຍ ຄຳແສງ ພົມ​ມະ​ວັນ ຄະນະ​ປະຈຳພັກ ​ແຂວງ ຫົວໜ້າ​ຄະນະ​ຈັດຕັ້ງ​ ແຂວງໄດ້​ລາຍ​ງານ​ການ​ກະ ກຽມ​ດຳເນີນ​ກອງ​ປະຊຸມ​ໃຫຍ່ 3 ຂັ້ນ ຂອງ​ພັກແມ່​ນ​ຖືກ​ຕ້ອງ​ຕາມ​ກົດ ລະ​ບຽບ​ຂອງ​ພັກ, ມະ​ຕິ​ ຄຳສັ່ງ ຂອງ​ພັກ ແລະ ບົດ​ແນະ​ນຳຂອງ ພັກ​ໃນ​ການ​ກະ​ກຽມ​ດຳ​ເນີນ ກອງ​ປະ​ຊຸມ​ໃຫຍ່ 3 ຂັ້ນ​ຂອງພັກ.

ຈາກນັ້ນ, ສະຫາຍ ຈັນ​ສີ ໂພ​ສີຄຳ ກໍໄດ້​ມີ​ຄຳ​ຄິດເຫັນໂອ້ລົມ ຊີ້​ນຳ​ການ​ກະກຽມ ແລະ ດຳເນີນ​ກອງ​ປະຊຸມ​ໃຫຍ່​ຂັ້ນ​ເມືອງສືບ ຕໍ່​ດຳເນີນ​ກອງ​ປະຊຸມ​ໃຫຍ່​ຂັ້ນ​ ເມືອງ,ຂັ້ນ​ແຂວງ. ທ່ານ​ກ່າວວ່າ: ກອງ ​ປະຊຸມໃຫຍ່ແມ່ນເຫດການ ໃຫຍ່ສຳຄັນທາງ​ການເມືອງ ເປັນ​ບັ້ນປັບປຸງ​ປົວແປງ​ພັກ​ເລິກເຊິ່ງ​ຮອບດ້ານ, ຍົກ​ສູງ​ຄວາມ​ຮູ້​ຄວາມສາມາດການນຳ ພາ​ຂອງ​ພັກ, ການ​ກະກຽມກອງ​ປະຊຸມ​ໃຫຍ່ແມ່ນ​ຂອດສຳຄັນ​ຕັດສິນຜົນສຳເລັດເອົາໃຈໃສ່​ລະອຽດ​ຖີ່​ຖ້ວນທາງ​ດ້ານ​ຂະບວນການ ຊຶ່ງ​ແມ່ນໝາກຜົນ ​ຂອງ​ການຈັດຕັ້ງ, ປະສິດທິພາບ​ຂອງ​ສະມາຊິກ​ພັກ, ພະນັກ​ງານ​-​ລັດຖະກອນ, ປະຊາຊົນ, ທາງ​ດ້ານ​ເນື້ອ​ໃນ​ສຳຄັນຫຼາຍ ເພາະ​ເປັນ​ຕົວກຳນົດ​ແຜນ​ພັດ ທະນາເສດຖະກິດ​-​ສັງຄົມ, ການ​ຊີ້​ນຳ​-​ນຳພາ, ທາງ​ການເມືອງ, ຊອກ​ຫາສາເຫດ​ທີ່ພາ ໃຫ້​ອ່ອນ ແລ້ວ​ຊອກຫາ​ວິທີແກ້​ ໄຂ, ກຳນົດ​ທິດ​ທາງ, ເບິ່ງທ່າ ແຮງໃຫ້ແທດເໝາະກັບທ້ອງຖິ່ນ ຕົວ​ຈິງ.

ດ້ານ​ບຸກ​ຄະລາກອນ​ ກໍສຳຄັນ​ຫຼາຍມີລັກສະນະຕັດ ສິນ​ຜົນສຳເລັດ, ມີ​ລັກສະນະ​ເຊື່ອ​ໝັ້ນ, ເນັ້ນ​ໜັກ​ຜູ້​ແທນ​ກອງ​ປະຊຸມ, ມາດຖານ​ເງື່ອນ ໄຂພິຈາລະນາ​ຄັດ​ເລືອກ​ຢ່າງ​ຖີ່​ຖ້ວນ, ນັບຖື​ສິດ​ຂອງ​ຜູ້​ແທນ, ພິຈາລະນາ​ການ​ເລືອກ​ເປົ້າ​ໝາຍ​ເຂົ້າ​ເລືອກ​ຕັ້ງ, ອອກເລືອກ​ຕັ້ງກ່ອນອື່ນ​ຕ້ອງເບິ່ງ​ ຄະນະ​ພັກ​ຊຸດ​ເກົ່າ ແລະ ພະນັກ ງານ​ກໍ່ສ້າງ ແລ້ວ​ຈຶ່ງ​ເບິ່ງ​ພະນັກ ງານ​ຕົວ​ຈິງ, ເບິ່ງ​ອາຍຸເພດຊົນ ເຜົ່າເນັ້ນ​ໃຫ້​ມີ​ຕົວ​ແທນ​ຈາກຄະ ນະ​ພັກ​ເຂົ້າ​ສະໝັກ, ຄະນະພັກ ​ແຕ່​ລະ​ຂັ້ນ​ຕ້ອງ​ກຳ​ແໜ້ນພະ ນັກ​ງານ​-​ລັດຖະກອນ​ທີ່ດີເດັ່ນ ເລືອກ​ເຟັ້ນເປີດ​ກວ້າງ​ປະຊາທິ ປະໄຕ​ຜູ້​ທີ່​ເຂົ້າ​ຮ່ວມ​ສະໝັກ, ເອົາໃຈໃສ່​ການ​ທາ​ບ​ທາມ, ການ​ກະກຽມ ແລະ ດຳເນີນ​ຊີວິດທ້າຍ​ ສະໄໝ, ການ​ກະກຽມ​ ແລະ ດຳເນີນ​ກອງ​ປະຊຸມ​ຄັ້ງ​ສຸດ​ທ້າຍ ກວດກາ​ຄວາມ​ພ້ອມ ກວດເບິ່ງ​ຄືນ​ບຸກ​ຄະລາ​ກອນ ແລ້ວ​ລາຍ​ງານ​ຄະນະ​ປະຈຳ​ພັກ​ແຂວງ​ເພື່ອ​ກຽມ​ຄວາມ​ພ້ອມ​ເປີດ​ກອງ​ປະຊຸມ​ໃຫຍ່​ຂອງ​ເມືອງ, ດ້ານ​ຈຳນວນອົງ​ປະກອບ​ບຸກ​ຄະລາ​ກອນໃຫ້ແບ່ງ​ຄວາມ​ຮັບ ຜິດຊອບ​ລະອຽດສົມສ່ວນ, ເອົາໃຈໃສ່ເວລາ​ເລືອກ​ຕັ້ງ​ເອົາ​ເລຂາ, ຮອງ​ເລຂາ, ການ​ອ່ານ​ເອກະສານ, ການ​ຊີ້​ນຳ​-​ນຳພາ​ການ​ກະກຽມ ການ​ດຳເນີນ​ຕ້ອງ​ກຳ​ແໜ້ນ​ນິຕິ​ກຳ​ຕ່າງໆ​ລະອຽດ.

Medialaos