ລາສີໃດຊະຕາຈະຮຸ່ງເຮືອງ ດວງຈະລວຍ ປີ2020

0
225

ກ້າວເຂົ້າສູ່ປີໃໝ່ 2020 ແລ້ວ ດວງຂອງທ່ານຈະມີທິດທາງໄປທາງໃດແດ່ ຈະຮຸ່ງເຮືອງ ຫຼື ຕົກອັບຕ້ອງຮີບຫາວິທີແກ້ໄຂ ມື້ນີ້ເຮົາມາເບີ່ງດວງລາຍປີ 2020 ຂອງຄົນ 12 ລາສີ ມີເລື່ອງວຽກງານ ການເງີນ ຄວາມຮັກ ແລະ ສຸຂະພາບ ພ້ອມກັບການເຜີຍແຜ່ແນວທາງດຳລົງຊີວິດ ຂອງແຕ່ລະລາສີໃຫ້ເດີນທາງຢ່າງຖືກຕ້ອງໝົດບັນຫາກວນໃຈ ນອກຈາກນີ້ຍັງມາເບີ່ງລາສີໃດຈະຮຸ່ງເຮືອງ ລາສີໃດຈະລວຍ ໃນປີ 2020 ຕາມໄປເບີ່ງຄໍາຕອບພ້ອມໆ ກັນເລີຍ.

ລາສີມັງກອນ (15 ມັງກອນ – 12 ກຸມພາ) ເປັນລາສີມີການປ່ຽນແປງ ຂອງເລື່ອງວຽກງານ ແລະ ການເງີນ ຊ່ວງຕົ້ນປີຈະເມື່ອຍລ້າ ແຕ່ເປັນລາສີດວງຂື້ນໆ ລົງໆ ໂດຍຈະເອົາຕົວລອດໄດ້ ຕ້ອງລະວັງເລື່ອງສຸຂະພາບ ມີໂອກາດເລື່ອງການລົງທຶນ ເລື່ອງຄວາມຮັກຫາກເລີ່ມຕົ້ນໃໝ່ ເລື່ອງຄູ່ຈະມີຂ່າວດີ.

ລາສີກຸມ (13 ກຸມພາ – 14 ມີນາ) ການເງີນຈະດີຂື້ນ ເປັນລາສີຄົນລວຍ ໃນປີ 2020 ລາຍໄດ້ເພີ່ມຂື້ນ ມີໂອກາດເຮັດວຽກໃໝ່ໆ ດີຂື້ນຫຼາຍ ແຕ່ຫຼັງປີໃໝ່ລາວ ກາງປີຕ້ອງລະວັງລາຍຈ່າຍກ້ອນໃຫຍ່ ແລະ ຝາກເຕືອນເລື່ອງສຸຂະພາບ ຍາດພີ່ນ້ອງຜູ້ໃຫຍ່ ຄົນໃກ້ຊິດ ຄວາມຮັກກໍ່ເປັນກາງໆ ໃຜທີ່ສະຫຼະໂສດຈະພົບຮັກແບບບັງເອີນ.

ລາສີມີນ (15 ມີນາ – 12 ເມສາ) ເປັນລາສີທີ່ເມື່ອຍຫຼາຍ ໃນປີ 2019 ແຕ່ຈະມີຂ່າວດີດວງຜັນແປໄປໃນທາງທີ່ດີ ມີໂອກາດກ້າວໜ້າກັບວຽກງານ ໃຜມີບັນຫາ ແລະ ສັດຕູ ຄົນຄິດຮ້າຍຈະອອກຈາກຊີວິດໄປ ແລະ ເລີ່ມຕົ້ນສີ່ງໃໝ່ທີ່ດີຂື້ນ ສ່ວນຄວາມຮັກຈະມີເລື່ອງດີໆ ເຂົ້າມາມີລຸ້ນສະລະໂສດ ຄົນໃກ້ຕົວປ່ຽນສະຖານະເປັນແຟນ ສ່ວນເລື່ອງການເງີນຈະມີຄວາມໝັ້ນຄົງຈາກນໍ້າພັກນໍ້າແຮງຂອງຕົນເອງ.

ລາສີເມກ (13 ເມສາ – 14 ພຶດສະພາ) ໃນປີ 2019 ພົບເລື່ອງໜັກຫຼາຍຊີວິດພົບແຕ່ທາງແຍກແຕ່ໃນປີ 2020 ຈະເປັນລາສີທີ່ມີດວງດີໆ ເຂົ້າມາສົ່ງຜົນເລື່ອງວຽກງານເຮັດໃຫ້ເກີດຄວາມກ້າວໜ້າ ເປັນລາສີເລື່ອງວຽກງານຮຸ່ງເຮືອງ ໝັ້ນຄົງ ລົງຕົວບາງທີອາດຈະໄດ້ປ່ຽນເຮືອນໃໝ່ ເຮັດທຸລະກິດໃໝ່ ປ່ຽນສີ່ງແວດລ້ອມແລ້ວດີ ຊ່ວງເຄີ່ງປີຫຼັງ ແລະ ປາຍປີເສຍເງີນໜັກຫຼາຍຕ້ອງລະວັງ.

ລາສີພຶດສົບ (15 ພຶດສະພາ – 14 ມິຖຸນາ) ເປັນລາສີທີ່ໄດ້ຜົນກະທົບຈາກການປ່ຽນແປງຂອງດວງ ປີ 2020 ຫຼາຍ ຈະເມື່ອຍພໍສົມຄວນ ເພາະຈະພົບທັງຣາຫູ ແລະ ດວງບໍ່ໝູນນຳ ແຕ່ໂຊກຍັງດີເປັນລາສີທີ່ມີຄວາມອົດທົນ ຕ້ອງລະວັງການປ່ຽນແປງເລື່ອງວຽກງານແບບກະທັນຫັນ ຕ້ອງລະວັງເລື່ອງສຸຂະພາບຂອງຕົນເອງ ແລະ ຄົນໃນຄອບຄົວມີໂອກາດເຈັບປ່ວຍ ແຕ່ເລື່ອງວຽກງານກ່ຽວກັບອອນລາຍ ແລະ ເດີນທາງຈະມີຄວາມຮຸ່ງເຮືອງຕ້ອງ ລະວັງເລື່ອງຄວາມຮັກຊ່ວງເຄີ່ງປີຫຼັງ ເພາະບັນຫາຈະຕາມມາ.

ລາສີເມຖຸນ (15 ມິຖຸນາ – 14 ກໍລະກົດ) ເປັນລາສີຮຸ່ງເຮືອງ ໃນປີ 2020 ຫຼັງຈາກພົບເລື່ອງໜັກໆ ແລະ ພາລະຫຼາຍ ແຕ່ໃນປີໜ້າຈະມີຕົວຊ່ວຍໃຫ້ຈັງຫວະຂອງວຽກງານ ແລະ ອຸປະສັກໝົດໄປ ບັນຫາແກ້ໄຂໄດ້ ດາວເສົາ ແລະ ຣາຫູຈະໝົດໄປ ແຕ່ຈະບໍ່ດີຕະຫຼອດໝົດປີ ບາງຊ່ວງຕ້ອງດຸໝັ່ນຕັ້ງໃຈ ແລະ ຈີ່ງຈະປະສົບຜົນສໍາເລັດ ສ່ວນເລື່ອງຄວາມຮັກ ຄົນບໍ່ດີຈະອອກຈາກຊີວິດໄປ ສຸຂະພາບຈະດີຂື້ນ ເລື່ອງການເງີນມີເກນເສຍເງີນກ້ອນໃຫຍ່ແບບຈຳເປັນ.  

ລາສີກໍລະກົດ (15 ກໍລະກົດ – 15 ສິງຫາ) ໃນປີ 2019 ມີການປ່ຽນແປງຫຼາຍ ແຕ່ໃນປີ 2020 ອາດມີເລື່ອງໃຫຍ່ທີ່ຕ້ອງຕັດສິນໃຈໃນການເຮັດວຽກ ເພາະຈະມີອຸປະສັກ ແລະ ບັນຫາຖ້າຢູ່ ເວລາດວງແຮງຫຼັງປີໃໝ່ລາວ ຈະໄດ້ຮັບຂໍ້ສະເໜີໃໝ່ ແລະ ຈະເມື່ອຍຫຼາຍ ແຕ່ຈະມີຄວາມສຳເລັດຕາມມາຕ້ອງໃຈເຢັນໆ ຂະນະດຽວກັນເລື່ອງການເງີນກໍ່ໄປໄດ້ແຕ່ຕ້ອງລະວັງການສໍ້ໂກງ ແລະ ສຸດຈະລິດ ໂດຍອາດຈະຄົ້ນພົບຄວາມຈີງຕ້ອງລະວັງເລື່ອງເອກະສານຕ້ອງສູ້ຕ້ອງລຸຍຕ້ອງຕັດສິນໃຈ.

ລາສີສີງ (16 ສິງຫາ – 16 ກັນຍາ) ໃນປີ 2019 ຈະມີຄວາມວຸ້ນວາຍໃນຄອບຄົວ ແຕ່ໃນປີ 2020 ຈະມີຄວາມກ້າວໜ້າໃນເລື່ອງການງານຊ່ວງກາງປີ ແຕ່ຕ້ອງລະວັງເລື່ອງການໃຊ້ຊີວິດທີ່ພໍດີ ຂໍ້ຄວນລະວັງຫຼັງປີໃໝ່ລາວ ອາດມີສັດຕູ ແລະ ຖ້າເຮັດຫັຍງໃໝ່ໆ ອາດຈະຕິດຄັດແດ່ບໍ່ຄວນອອກໜ້າເອງ ຄວນຢູ່ເບື້ອງຫຼັງແລ້ວທຸກຢ່າງຈະດີ ແຕ່ຈະຜ່ານໄປໄດ້ ປີໜ້າເໝາະກັບການຂະຫຍາຍຄອບຄົວ ແຕ່ງງານ ຫຼື ມີລູກ.

ລາສີກັນ (17 ກັນຍາ – 16 ຕຸລາ) ດວງຈະປ່ຽນແປງໄປໃນທາງທີ່ດີຂື້ນ ເລື່ອງວຽກວຸ້ນວາຍໜ້ອຍລົງ ຫາກຈະຂະຫຍາຍກໍ່ມີຕົວຊ່ວຍເຂົ້າມາ ດວງເໝາະກັບເຮັດທຸລະກິດ ແລະ ລົງທຶນ ການເງີນມີໂອກາດລົງຕົວອາດຈະບໍ່ລວຍ ແຕ່ຈະດີກ່ວາທີ່ຜ່ານມາ ມີລາຍໄດ້ໝູນວຽນ ສ່ວນຄວາມຮັກກໍ່ຈະຫວານ 2020 ໃຜທີ່ມີຄູ່ ແລະ ຢາກມີບຸດເປັນປີທີ່ມີຂ່າວດີເຂົ້າມາ.

ລາສີຕຸນ (17 ຕຸລາ – 15 ພະຈິກ) ເປັນລາສີທີ່ມີຂ່າວດີເຂົ້າມາປ່ຽນແປງໄປໃນທາງທີ່ດີ ເປັນປີແຫ່ງການສານຕໍ່ ສາມາດເລີ່ມຕົ້ນໃນປີ 2020 ລາສີນີ້ບໍ່ມີດວງດາວຮ້າຍໆ ເຂົ້າມາ ແຕ່ຕ້ອງລະວັງເລື່ອງວຽກງານຈະມີບັນຫາ ເພາະດວງຂັດແຍ້ງກັບຫຸ້ນສ່ວນມີເຂົ້າມາ ແຕ່ຈະມີໂຊກຈາກເລື່ອງເຮັດທຸລະກິດ ສ່ວນເລື່ອງຄວາມຮັກແມ່ນເສີຍໆ.

ລາສີພິຈິກ (16 ພະຈິກ – 15 ທັນວາ) ເປັນລາສີດວງແຮງ ທາງບວກ ການເງີນຈະດີຂື້ນ ຈະຮັບຊັບໄດ້ເງີນກ້ອນ ຄືເປັນຄົນລວຍ ໃນປີ 2020 ລວຍທັງເງີນ ແລະ ລາຍໄດ້ ແລະ ຍັງມີໂອກາດໄດ້ໂຊກລາບທີ່ດີດ້ວຍ ຍີ່ງເຮັດຍີ່ງລຸຍ ໂອກາດໄດ້ຜົນຕອບແທນເຂົ້າມາແນ່ນອນ ແຕ່ຕ້ອງບໍ່ໄປຫຍຸ້ງກ່ຽວກັບອະບາຍຍະມຸກ ສີ່ງທີ່ຜິດກົດໝາຍ ໃນປີ 2020 ເປັນປີທີ່ພະຣາຫູເຂົ້າມາໃນລາສີຫຼາຍ ຫາກໄປຫຍຸ້ງດ້ານມືດ ອາດມີເລື່ອງຟ້ອງຮ້ອງຄະດີຄວາມໄດ້ ຄວາມຮັກບໍ່ແຂງແຮງຈະມີປັນຫາ.

ລາສີທະນູ (16 ທັນວາ – 14 ມັງກອນ) ເປັນລາສີຄົນລວຍ 2020 ເປັນລາສີທີ່ຈັງຫວະການເງີນດີຂື້ນຫຼາຍ ມີຂ່າວດີເລື່ອງການເງີນ ດວງດາວການເງີນເຂົ້າມາຕະຫຼອດໝົດປີ ວຽກງານເຮັດໃຫ້ໂອກາດໄດ້ເງີນກ້ອນ ຈະມີລາຍຈ່າຍ ຂະຫຍາຍເຮືອນ ບ່ອນເຮັດວຽກ ຍີ່ງດຸໝັ່ນຍີ່ງຕັ້ງໃຈຄວາມສຳເລັດຖ້າຢູ່ ເລື່ອງຄວາມຮັກປ່ຽນແປງໃນທາງທີ່ດີຂື້ນ ໃຜໂສດ ແລະ ຢາກແຕ່ງງານເປັນຈັງຫວະທີ່ດີ ເລື່ອງສຸຂະພາບກໍ່ຈະດີຂື້ນ.

ເປັນແນວໃດ ດວງລາຍປີ 2020 ທີ່ເຮົານໍາມາໃຫ້ອັບເດດ ດວງຂອງທ່ານມີແນວໂນ້ມໄປທາງໃດແດ່ ເຖີງຢ່າງໃດກໍ່ຕາມດີ ຫຼື ບໍ່ດີ ກໍ່ຢ່າລືມເຮັດຕາມຄຳແນະນຳຄຳທຳນາຍ ຂອງແບບນີ້ກັນໄວ້ດີກ່ວາແກ້.