ກະຊວງ ປກຊ ສຳເລັດກອງປະຊຸມ ວຽກງານພັກ-ວຽກງານການເມືອງທ່ົວກອງທັບ ຄັ້ງທີ I

0
485

ພາຍຫຼັງ​ດຳເນີນ​ກອງ​ປະ ຊຸມ​ມາ​ເປັນ​ເວລາ 2 ວັນ​ເຕັມ (30-31/12/2019), ກອງ​ປະ ຊຸມ​ວຽກ​ງານ​ພັກ​ວຽກ​ງານ​ການ ເມືອງ​ທົ່ວ​ກອງທັບ ຄັ້ງ​ທີ I ໄດ້​ປິດ​ລົງ​ດ້ວຍ​ຜົນ​ສໍາ​ເລັດ​ໃນ​ວັນ​ທີ 31 ທັນວາຜ່ານມາ, ພາຍ​ໃຕ້​ການ​ເປັນປະທານຂອງສະຫາຍ ພົນ​ເອກ ຈັນ​ສະໝອນ ຈັນ​ຍາ​ລາດ ກໍາ​ມະ​ການ​ກົມ​ການເມືອງ​ສູນ​ກາງ​ພັກ ລັດຖະມົນຕີ​ກະຊວງ​ປ້ອງ​ກັນ​ປະເທດ ພ້ອມ ດ້ວຍ​ຕາງໜ້າ​ຄະ​ນະ​ນໍາ​ກົມ ກອງທົ່ວ​ກອງທັບ​ເຂົ້າ​ຮ່ວມ.

ໃນ​ກອງ​ປະຊຸມ ຜູ້​ເຂົ້າ​ຮ່ວມ​ໄດ້​ພ້ອມ​ກັນ​ຮັບ​ຟັງ ແລະ ຄົ້ນຄວ້າ​ປະ​ກອບ​ຄໍາ​ຄິດ​ຄໍາ​ເຫັນ​ເຂົ້າ​ໃສ່​ເນື້ອ​ໃນ​ຕ່າງໆ​ຂອງ​ກອງ​ປະຊຸມ ໂດຍ​ສະເພາະ​ຕໍ່​ບົດ​ສະຫຼຸບ​ຕີ​ລາຄາ​ການ​ເຄື່ອນ ໄຫວ​ວຽກ​ງານ​ພັກ​ວຽກ​ງານ​ການເມືອງ ໃນ​ຊຸມ​ປີຜ່ານມາ ຊຶ່ງ​ໄດ້​ນໍາ​ເອົາ​ບົດຮຽນ​ພຶດຕິ​ກໍາ​ຕົວ​ຈິງ​ຂອງ​ອົງການ, ກົມ​ກອງ​ມາ​ແລກ​ປ່ຽນ​ນໍາ​ກັນ​ຢ່າງ​ຖືກຕ້ອງ ພ້ອມ​ທັງ​ໄດ້​ໄຈ້​ແຍກ​ສາເຫດ​ຈຸດ​ດີ, ຈຸດ​ອ່ອນ, ຂໍ້ຄົງຄ້າງຢ່າງ ​ກົງ​ໄປ​ກົງ​ມາ ແລະ ຖອດ​ຖອນບົດ​ ຮຽນ​ຈໍາ​ນວນ​ໜຶ່ງ ແລະ ເປັນເອ ກະ​ພາບ​ຕໍ່​ທິດ​ທາງ, ແຜນການ ​ວຽກ​ງານ​ພັກ​ວຽກ​ງານ​ການ ເມືອງໃນ​ຊຸມ​ປີ​ຕໍ່​ໜ້າ.

ໃນ​ໂອກາດ​ນີ້, ພົນ​ເອກ ຈັນ​ສະໝອນ ຈັນ​ຍາ​ລາດ ກໍ​ໄດ້​ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່​ຜົນ​ສໍາ​ເລັດ​ຂອງ​ການຈັດຕັ້ງ​ຜັນ​ຂະຫຍາຍ​ບັນດາ​ມະ​ຕິ​ຄໍາ​ສັ່ງ​ຂອງ​ພັກ ໂດຍ​ສະເພາະ​ຕໍ່​ວຽກ​ງານ​ສຶກສາ​ອົບຮົມ​ການເມືອງ​ແນວ​ຄິດ​ຂອງ​ບັນດາ​ກົມ​ກອງ​ທ້ອງຖິ່ນ ໃນ​ໄລຍະ​ຜ່ານມາ​ເຫັນ​ວ່າ​ມີ​ບາດກ້າວ​ຫັນປ່ຽນ​ໃໝ່​ດີ​ສົມຄວນ​ແຕ່​ກໍ​ຍັງ​ຈະ​ຕ້ອງ​ປັບປຸງ​ໃຫ້​ຮັດກຸມ, ຄົມ​ແຫຼມ, ເລິກເຊິ່ງ ແລະ ຖືກ​ເປົ້າ​ໝາຍ​ທັນ​ເວລາ ເພື່ອ​ເປັນ​ທິດ​ທາງ​ໃນ​ການຈັດຕັ້ງ​ປະຕິບັດ​ໃນຕໍ່ໜ້າ​ສະຫາຍ​ໄດ້​ເນັ້ນ​ໜັກ 4 ບັນຫາ​ຄື:

1/. ຕ້ອງ​ເອົາໃຈໃສ່​ສຶກສາ​ອົບຮົມ​ການເມືອງ​ແນວ​ຄິດ​ໃຫ້​ພະນັກງານ​ນັກຮົບ​ໃຫ້​ມີ​ຄວາມ​ຕື່ນ​ຕົວ​ປະຕິບັດ​ແນວທາງ​ນະໂຍບາຍ​ຂອງ​ພັກ, ມີ​ນໍ້າ​ໃຈ​ຮັກ​ຊາດ, ຮັກ​ລະບອບ​ໃໝ່, ເຊື່ອ​​ໝັ້ນ​ຕໍ່​ອຸດົມ​ການ​ຂອງ​ພັກ, ມີ​ຄວາມ​ຈົງ​ຮັກ​ພັກດີ​ຕໍ່​ພັກ, ຕໍ່​ປະຊາຊົນ​ບັນດາ​ເຜົ່າ. 2/. ສືບຕໍ່​ແຜນການ​ຫັນ​ລົງ​ກໍ່ສ້າງ​ຮາກ​ຖານ​ການເມືອງ, ຕິດ​ພັນ​ກັບ​ການ​ພັດທະນາ​ຊົນນະບົດ​ຮອບດ້ານ, ປະຕິບັດ 4 ເນື້ອ​ໃນ 4 ຄາດໝາຍ ແລະ 3 ສ້າງ​ທີ່​ກົມ​ການເມືອງ​ສູນ​ກາງ​ພັກ​ວາງ​ອອກ. 3/. ຕັ້ງໜ້າ​ປະຕິບັດ, ກໍ່​ສ້າງ​ກໍາ​ລັງ​ໃຫ້​ເຂັ້ມແຂງ​ຮອບດ້ານ ໃນ​ນີ້​ຖື​ເອົາ​ຄຸນ​ນະ​ພາບ​ເປັນຕົ້ນ​ຕໍ, ຄຸນ​ນະ​ພາບ​ການເມືອງ​ແນວ​ຄິດ​ເປັນ​ກົກ. 4/. ປະຕິບັດ​ແນວທາງ ການ​ຕ່າງປະເທດ​ຂອງ​ພັກ​ເຮົາ ໃນ​ໄລຍະ​ໃໝ່​ໃຫ້​ຖືກຕ້ອງ, ພົວພັນ​ຮ່ວມ​ມື​ຢ່າງ​ຕັ້ງໜ້າ​ກັບ​ເພື່ອນ​ມິດ​ຍຸດທະສາດ, ຍາດ​ແຍ່ງ​ເອົາ​ການ​ສະໜັບສະໜູນ​ຈາກ​ປະເທດ​ອ້ອມ​ຂ້າງ​ໃກ້​ຄຽງ ແລະ ບັນດາ​ປະເທດ​ອື່ນໆ ເພື່ອ​ເພີ່ມ​ມິດ​ຫຼຸດຜ່ອນ​ສັດຕູ, ເດັດດ່ຽວ​ຕໍ່ສູ້​ກັບ​ການ​ລະເມີດ​ອະທິປະ​ໄຕ​ທີ່​ຈະ​ກໍ່​ຄວາມ​ເສຍ​ຫາຍ, ເສຍ​ຜົນ​ປະໂຫຍດ​ແກ່​ປະເທດ​ຊາດ.

ຢາກ​ເຮັດ​ໄດ້​ຄື​ແນວ​ນັ້ນ, ຕ້ອງ​ເອົາໃຈໃສ່​ເພີ່ມ​ທະວີ​ການ​ນໍາ​ພາ​ຂອງ​ພັກ, ເດັດຂາດ ໂດຍ​ກົງ ແລະ ຮອບດ້ານ​ຕໍ່​ກອງທັບ, ນັ້ນ​ແມ່ນ​ຄວາມ​ຈໍາ​ເປັນພາວະ ​ວິໄສ, ສ້າງ​ພະນັກງານ, ສະມາ ຊິກ​ພັກ​ເຂັ້ມແຂງ, ເປັນ​ແບບ​ຢ່າງ​ນໍາ​ພາ​ທຸກ​ຂະບວນ​ການ​ວຽກ​ງານ; ປຸກ​ລະ​ດົມ​ນໍ້າ​ໃຈຮັກ ​ຊາດ, ນໍ້າ​ໃຈ​ຕັ້ງ​ຕໍ່​ບໍລິສຸດ​ຕໍ່​ພັກ, ຕໍ່​ປະຊາຊົນ; ບໍາ​ລຸງ​ສ້າງ​ພະນັກ ງານ​ດ້ານ​ຕ່າງໆ​ໃຫ້​ມີ​ຄຸນ​ນະ​ພາບ ໂດຍ​ຕິດ​ພັນ​ກັບ​ການ​ປະຕິບັດ​ໜ້າທີ່​ວຽກ​ງານ​ຕົວ​ຈິງ​ຂອງ​ກົມ​ກອງ.

Medialaos