ໃນວັນທີ3ມັງກອນ2020ກຳມະບານຮາກຖານພະແນກແຜນການແລະການລົງທຶນແຂວງ ໄດ້ສຳເລັດກອງປະຊຸມໃຫຍ່ຄັ້ງທີ VII ຂອງຮາກຖານຕົນຢ່າງເປັນທາງການ ໂດຍການເປັນປະທານຂອງສະຫາຍ ຄຳຕັນ ສີໂພໄຊ ຮອງປະທານຄະນະບໍລິຫານງານສະຫະພັນກຳມະບານແຂວງ ,ມີສະຫາຍ ວາລີຍະ ສີຈັນທອງທິບຫົວໜ້າພະແນກແຜນການການລົງທຶນແຂວງບັນດາທ່ານແຂກຖືກເຊີນຈາກກຳມະບານຮາກຖານອ້ອມຂ້າງພ້ອມດ້ວຍສະມາຊິກກຳມະບານທີ່ເປັນຜູ້ແທນສົມບູນເຂົ້າຮ່ວມໃນກອງປະຊຸມແມ່ນໄດ້ຮັບຟັງການຜ່ານບົດລາຍງານການເມືອງຍົກໃຫ້ເຫັນຜົນງານການຈັດຕັ້ງປະຕິບັດມະຕິກອງ ປະຊຸມໃຫຍ່ຄັ້ງທີ06 ແລະທິດທາງລວມຄາດໝາຍສູ້ຊົນແຕ່ນີ້ຫາປີ2024 ,ຈາກສະຫາຍ ລຳພັນ ພັນພົມຊະນະ ປະທານກຳ ມະບານຮາກຖານພະແນກແຜນການ ແລະການລົງທຶນແຂວງ ປັດຈຸບັນທົ່ວຮາກຖານມີສະມາ ຊິກກຳມະບານທັງ ໝົດ43 ສະຫາຍ,ຍິງ 17 ສະຫາຍ,ເຊິ່ງຖືເອົາວຽກງານສຶກສາອົບຮົມການເມືອງແນວຄິດເປັນບັນຫາສຳຄັນ,ວຽກງານ 5 ເປັນເຈົ້າ ໄດ້ຮັບທຸງໄຊກຳມະບານ01 ຄັ້ງ ແລະໃບຢັ້ງຢືນກຳມະບານຮາກຖານ5ເປັນເຈົ້າ ຕິດຕໍ່ກັນເຖິງ 05 ຄັ້ງ .ກອງປະຊຸມຍັງໄດ້ມອບໃບຊົມເຊີຍ ຈຳນວນ 24 ສະຫາຍ,ຍິງ 12ສະຫາຍ,ໃບຍ້ອງຍໍ 36 ສະຫາຍ,ຍິງ 14 ສະຫາຍ ແກ່ຜູ້ທີ່ມີຜົນງານດີເດັ່ນ ຕື່ມອີກ.ກອງປະຊຸມຄັ້ງປະຖົມມະລຶກຍັງໄດ້ຮັບຮອງເອົາສະຫາຍນາງ ປອ ທິບໄຕຍາ ສີດາວົງ ເປັນປະທານກຳມະບານຮາກຖານຊຸດໃໝ່,ສະຫາຍອານຸສິນ ພິມມະສານ ເປັນຮອງປະທານ ແລະ ສະຫາຍ ເດດປະຊາ ພົມມະສອນ ເປັນຮອງປະທານ ທັງເປັນປະທານກວດກາ.ໂອກາດຕອນທ້າຍ ທ່ານຮອງປະທານສະຫະພັນກຳມະບານແຂວງກໍ່ໄດ້ເປັນກຽດກ່າວມອບໃບຢັ້ງຢືນແລະມອບທຸງໄຊ ຮາກຖານ 5 ເປັນເຈົ້າ ພ້ອມທັງຮ່ວມກັນເປີດແຜ່ນປ້າຍຮາກຖານ 5 ເປັນເຈົ້າແລະ ກ່າວໂອ້ລົມຄະນະກໍາມະບານຮາກຖານຊຸດໃໝ່ ພ້ອມດ້ວຍ ສະມາຊິກກຳມະບານພາຍໃນຮາກຖານ, ກໍມະບານພະແນກແຜນການ ແລະ ການລົງທຶນແຂວງຕື່ມອີກ.

ຂ່າວ / ພາບ : ວຽງສະໄໝ ຊົມຊອບ
savannakhet medialaos