ກອງ​ປະຊຸມ​ໃຫຍ່ ຄັ້ງ​ທີ III ຂອງ​ໜ່ວຍ​ພັກ​ສ່ວຍ​ສາ​ອາກອນ​ປະ​ຈໍາ​ແຂວງຄໍາ​ມ່ວນ ເປີດ​ຂຶ້ນ​ ໃນວັນ​ທີ 6 ມັງກອນ ໂດຍ​ການ​ເປັນ​ປະທານ​ຂອງ​ສະຫາຍ ບຸນ​ທະ​ນິດ ວົງ​ມະນີ​ວັນ ເລຂາ​ໜ່ວຍ​ພັກ​ສ່ວຍ​ສາ​ອາກອນ​ ປະຈຳ​ແຂວງ​ຄໍາ​ມ່ວນ, ເປັນ​ກຽດ​ເຂົ້າ​ຮ່ວມ​ມີ​ສະຫາຍ  ບຸນ​ເລັ່ງ  ກຸນ​ອາ​ວົງ  ເລຂາ​ຄະນະ​ພັກ​ຮາກ​ຖານ​ພະແນກການ​ເງິນ​ແຂວງ, ຕະຫຼອດ​ເຖິງ​ສະມາຊິກ​ພັກ​ພາຍ​ໃນ​ໜ່ວຍ​ເຂົ້າ​ຮ່ວມ.


ສະຫາຍ  ບຸນ​ທະ​ນິດ ວົງ​ມະນີ​ວັນ  ເລຂາ​ໜ່ວຍ​ພັກ​ໄດ້​ ຜ່ານ​ຮ່າງ​ບົດ​ລາຍ​ງານການເມືອງ  ຊຶ່ງ​ໜ່ວຍ​ພັກ​ສ່ວຍ​ສາອາກອນ​ປະຈຳ​ແຂວງ​ຄຳມ່ວນມີສະມາ ຊິກ​ພັກ​ທັງ​ໝົດ 67 ສະ​ຫາຍ ໃນ​ນັ້ນ, ສະມາຊິກ​ພັກ​ສົມບູນ 48 ສະຫາຍ, ສຳຮອງ 9 ສະ​ຫາຍ ໃນ​ໄລຍະ  5  ປີຜ່ານມາ​ສາມາດ​ຂະຫຍາຍ​ມະຫາຊົນ​ກ້າວໜ້າ​ເຂົ້າ​ຮຽນ​ສະໜັບສະໜູນ  ແລະ ກົດ​ລະບຽບ​ພັກ​ໄດ້ 10 ສະຫາຍ, ນຳ​ສະເໜີ​ຂັ້ນ​ເທິງ​ຂໍ​ອະນຸມັດ​ເຂົ້າ​ເປັນ​ສະມາຊິກ​ພັກ​ສຳຮອງ ແລະ ສຳຮອງ​ຂຶ້ນ​ສົມບູນ​ຈຳ ນວນ 5 ສະ​ຫາຍ.

ທາງ​ດ້ານ​ວຽກ​ງານ​ວິຊາ​ສະເພາະ​ໄດ້​ສົມທົບ​ກັບ​ພາກສ່ວນ​ທີ່​ກ່ຽວຂ້ອງ​ສຳ ຫຼວດ​ຖານ​ຂໍ້​ມູນ​ລາຍ​ຮັບ ແລະ ສາມາດ​ສະຫຼຸບ​ສັງ​ລວມໄດ້ ໂດຍ​ພື້ນຖານ​ຮອດ​ປີ  2018 ມີຈຳນວນ​ທັງ​ໝົດ 3.939 ຫົວ ​ໜ່ວຍ ໃນ​ນັ້ນ ຖື​ບັນຊີ ແລະ ເຂົ້າ ​ໃນ​ລະບົບ​ອາກອນມູນຄ່າເພີ່ມ 633 ຫົວໜ່ວຍ, ຫົວໜ່ວຍທຸລະ​ກິດ​ແບບ​ມອບ​ເໝົາ 3.306 ຫົວ​ໜ່ວຍ.

ດ້ານ​ການເຄື່ອນໄຫວ​ຊີ້​ນຳ​-​ນຳພາ​ຈັດ​ຕັ້ງ​ປະຕິບັດ​ແຜນ​ລາຍ​ຮັບ​ງົບປະມານ​ແຫ່ງ​ລັດໄລ ຍະ 5 ປີຜ່ານມາ ປະຕິບັດ​ໄດ້​ຄື: ສົກ​ປີ 2015 ແຜນການ​ຈັດ​ເກັບ​ລາຍ​ຮັບ​ທັງ​ໝົດ  283  ຕື້​ກວ່າ​ກີບ,  ສາມາດ​ປະຕິບັດ​ໄດ້  218 ຕື້​ກວ່າ​ກີບ ເທົ່າ​ກັບ 77,15% ຂອງ​ ແຜນການ ທຽບໃສ່ປີກ່ອນເພີ່ມ​ ຂຶ້ນ 10,45%, ປີ 2016 ແຜນ ການ 243 ຕື້​ກວ່າ​ກີບ, ປະຕິບັດ ​ໄດ້ 204 ຕື້​ກວ່​າກີບເທົ່າ​ກັບ 84,16% ທຽບໃສ່​ປີ​ກ່ອນ​ຫຼຸດ​ ລົງ 6,61%, ປີ 2017 ແຜນ ການ 260 ຕື້​ກວ່າ​ກີບ, ປະຕິບັດ​ ໄດ້ 230 ຕື້​ກວ່າ​ກີບ ເທົ່າ​ກັບ 88,50%  ທຽບໃສ່​ປີ​ກ່ອນເພີ່ມ​ ຂຶ້ນ 12,52%, ປີ 2018 ແຜນ ການ 303 ຕື້​ກວ່າ​ກີບ, ປະຕິບັດ​ໄດ້ 302 ຕື້​ກວ່າ​ກີບ  ເທົ່າ​ກັບ 99,76%  ທຽບໃສ່​ປີ​ກ່ອນ​ແມ່ນ​ເພີ່ມ​ຂຶ້ນ  31,45%  ແລະ  ປີ 2019 ແຜນການ 281 ຕື້​ກວ່າ​ກີບ  ຜ່ານ​ການຈັດຕັ້ງ​ປະຕິບັດ​ໃນ​ໄລຍະ 9 ເດືອນ ປະຕິບັດ​ໄດ້ 186 ຕື້​ກວ່າ​ກີບ ເທົ່າ​ກັບ 66,10% ຂອງ​ແຜນການ​ປີ ແລະ  ທຽບໃສ່​ໄລຍະ​ດຽວກັນຂອງ​ ປີ​ກ່ອນ​ແມ່ນ​ຫຼຸດ​ລົງ 13,60%.

ໃນ​ໂອກາດ​ດັ່ງກ່າວ​ຍັງ​ໄດ້​ຜ່ານ​ບົດ​ສຳຫຼວດ​ການ​ນຳພາ​ລວມ​ຂອງ​ຄະນະ​ໜ່ວຍ​ພັກ​ສ່ວຍ​ສາ​ອາກອນ​ແຂວງ​ໃນ​ໄລຍະ 5 ປີ ຜ່ານ​ມາ  ຊຶ່ງ​ໄດ້​ຕີ​ລາຄາ​ດ້ານ​ດີ, ດ້ານ​ອ່ອນ​-​ຂໍ້ຄົງຄ້າງ ແລະ ມາດ​ຕະການ,  ວິທີ​ແກ້​ໄຂ​ ໃນ​ຕໍ່​ໜ້າ.

ຈາກ​ນັ້ນ​  ຕາງໜ້າ​ຄະນະ​ຈັດ​ຕັ້ງ​ແຂວງ​ໄດ້​ຂຶ້ນ​ຜ່ານ​ມາດຖານ​ເງື່ອນໄຂ​ຜູ້​ທີ່​ຈະ​ລົງ​ສະໝັກ​ເປັນ​ຄະນະ​ພັກ​ໃນ​ຊຸດ​ໃໝ່  ເພື່ອ​ຊີ້​ນຳ​-​ນຳພາ​ໃນ​ຂົງເຂດ​ສ່ວຍ​ສາ​ອາກອນ​ປະຈຳ​ແຂວງ​ຄຳ​ມ່ວນ​ໃນຕໍ່ໜ້າ  ພ້ອມ​ທັງ​ດຳເນີນ​ການ​ປ່ອນ​ບັດ  ຊຶ່ງ​ກອງ​ປະຊຸມ​ຄັ້ງ​ປະ ຖົມ​ມະລືກ​ໄດ້​ເປັນ​ເອກະສັນ​ເລືອກ​ເອົາ​ສະຫາຍ ບຸນ​ທະ​ນິດ ວົງ​ມະນີ​ວັນ  ເປັນ​ເລຂາ​ໜ່ວຍ​ພັກ, ສະຫາຍ  ເກດ​ສະກັນ  ແສງ​ປະດິດ ເປັນ​ຮອງ​ເລຂາ ທັງ​ເປັນ​ປະທານ​ກວດກາ,   ສະຫາຍ   ອຸໄລ ລັດ​ຖະ​ຈັກ  ເປັນກຳມະການໜ່ວຍ​ ພັກ ​​ຊຸດ​ໃໝ່.

Medialoas