ມາຮູ້ຈັກນົມສົ້ມ (ໂຍເກີດ)

ຖ້າເວົ້າເຖິງນົມສົ້ມທຳມະດາໃຜໆ ກໍ່ອາດຈະຮູ້ ແຕ່ຖ້າເວົ້າວ່າລອງໃຊ້ນົມສົ້ມໂຍເກີດເປັນເມນູອາຫານເພື່ອຄວບຄຸມນໍ້າໜັກຫຼາຍຄົນອາດສັບສົນ ມີຫຼາຍຄົນສົງໄສວ່ານົມສົ້ມໂຍເກີດແມ່ນຫຍັງ? ນົມສົ້ມໂຍເກີດແມ່ນນົມສົ້ມຊະນິດໜຶ່ງ ເຊີ່ງສ່ວນປະກອບບໍ່ມີຄວາມແຕກຕ່າງຫຼາຍກັບນົມສົ້ມທົ່ວໄປເຊັ່ນ: ນົມ ກັບເຊື້ອແບັດທີເຣຍ ນັ້ນແມ່ນມີຜົນປະໂຫຍດຕໍ່ຮ່າງກາຍ ແຕ່ຄວາມພິເສດຂອງນົມສົ້ມໂຍເກີດແມ່ນວ່າມັນຕ້ອງໄດ້ມາຈາກນົມສົ້ມທຳມະດາທີ່ດູດຊຶມດ້ວຍນໍ້າ ເຊິ່ງເປັນທາດແຫຼວທີ່ບັນຈຸທາດໂປຼຕີນ ແລະ lactose ເຮັດໃຫ້ນົມສົ້ມເຂັ້ມຂຸ້ນກວ່ານົມສົ້ມປົກກະຕິ ມັນມີທາດໂປຼຕີນສູງ ແລະ ເນື້ອໃນ probiotic ຫຼາຍກວ່ານົມສົ້ມທົ່ວໄປ.

ວິທີເຮັດສະຫຼັດໝາກໄມ້ໂຍເກີດໃຫ້ແຊບ

ແທ້ຈິງແລ້ວມັນບໍ່ຈຳເປັນຕ້ອງເປັນຂະບວນການທີ່ສັບສົນ ຫຼື ວຸ້ນວາຍເລີຍ ວັດຖຸດິບທີ່ຕ້ອງກຽມແມ່ນພຽງແຕ່ໝາກໄມ້ທີ່ພວກເຮົາຕ້ອງການ ເຊິ່ງແນະນຳໃຫ້ເປັນໝາກໄມ້ທີ່ແຊບໃນການເຮັດສະຫຼັດປະກອບດ້ວຍ  ໝາກໂປມຂຽວ, ໝາກນັດ, ສະຕໍເບີຣີ, ໝາກກ້ຽງ ແລະ ໝາກບູເບີລີພ້ອມກັບນົມສົ້ມໂຍເກີດ.

ຂັ້ນຕອນການເຮັດສະຫຼັດໝາກໄມ້ໂຍເກີດ

  1. ລ້າງຫມາກໄມ້ຕ່າງໆ ໃຫ້ສະອາດ ແລະ ຕັດເປັນຕ່ອນຕາມຄວາມເໝາະສົມ ໝາກແອບເປີ້ນລ້າງນໍ້າ ແລະ ຕັດເປັນຕ່ອນນ້ອຍໆ, ໝາກນັດປອກເປືອກ ແລ້ວຕັດເປັນກ້ອນຂະໜາດນ້ອຍທີ່ພໍດີຄຳ, ສະຕໍເບີຣີ 1 ໜ່ວຍຕັດເປັນ 4 ປ່ຽງ, ໝາກກ້ຽງປອກເປືອກ ແລະ ປອກເປັນກີບດອກ ສ່ວນບູເບີລີໃຫ້ເດັດອອກເທື່ອລະໜ່ວຍແລ້ວລ້າງນໍ້າໃຫ້ສະອາດ.
  2. ເອົາໝາກໄມ້ທັງໝົດໃສ່ໃນວັດຖຸທີ່ຈະຄົນ.
  3. ໃສ່ໂຍເກີດໃນປະລິມານທີ່ເໝາະສົມກັບໝາກໄມ້ ຢ່າໃສ່ຫລາຍເກີນໄປເພາະມັນຈະບໍ່ເຮັດໃຫ້ຮູ້ສຶກເຖິງລົດຊາດຂອງໝາກໄມ້ທີ່ໃສ່ ປະສົມທຸກຢ່າງໃຫ້ເຂົ້າກັນ ແຕ່ຖ້າຫາກໃຜຕ້ອງການຫວານຕື່ມນໍ້າຕານໃສ່ອີກ.

ສຳລັບເມນູນີ້ຈະມີລົດສົ້ມນໍາ ຈາກໝາກໄມ້ຊະນິດຕ່າງໆ ທີ່ໃສ່ລົງໄປພ້ອມກັບລົດຫວານຈkກນົມສົ້ມໂຍເກີດທີ່ເຮົາໃສ່ ທ່ານສາມາດເອົາໄປເຮັດເອງໄດ້.