ຕາມຂ່າວສານ ຫວຽດນາມ,  ລາຄານ້ຳມັນໂລກ ​ໃນ​ການ​ມອບສົ່ງ ​ເມື່ອ​ວັນ​ທີ 13 ມັງ​ກອນ ຫລຸດລົງ 1%  ເນື່ອງຈາກສະພາບຄວາມເຄັ່ງຕຶງ ທາງຕາເວັນອອກກາງຫລຸດ​ລົງ. 

ໂດຍ​ສະ​ເພາະ ລາຄາ ນ້ຳມັນ ແບຣນ ຫລຸດ​ລົງ 78 ​ເຊ​ນ​ໂດ​ລາ ​ເຫລືອ 64,20 ​ໂດ​ລາ​ສະຫະລັດຕໍ່ຖັງ, ລາຄານ້ຳມັນ WTI ຂອງອາເມລິກາ ຫລຸດລົງ 96 ​ເຊ​ນ​ໂດ​ລາ​​ເຫລືອ 58,08 ໂດລາສະຫະລັດ ຕໍ່ຖັງ.

ອ້າງ​ຕາມຜົນການສຳຫລວດ ເບື້ອງຕົ້ນ ຈາກອົງການຂ່າວ Reuters ສະແດງໃຫ້ເຫັນວ່າ: ຄັງນ້ຳມັນດີບ ສຳຮອງຂອງ ສ.ອາເມລິກາ ຫລຸດລົງ ​ເມື່ອອາທິດຜ່ານ​ມາ ໃນຂະນະທີ່ ຄັງນ້ຳມັນສຳຮອງ​ໄດ້ເພີ່ມຂື້ນ ເປັນອາທິດທີ 10 ຢ່າງຕິດຕໍ່ກັນ.

ບັນດາ​ຊ່ຽວຊານ ຄາດ​ວ່າຄັງ​ນ້ຳມັນ​ດິບສຳຮອງຂອງ ສ.ອາເມລິກາ ຈະຫລຸດລົງ ປະມານ 800.000 ຖັງ ​ແລະ ຄັງ​ນ້ຳມັນສຳຮອງ ຈະເພີ່ມຂື້ນ 4 ລ້ານຖັງ.

Medialaos