ໃນວັນທີ 12 ມັງກອນ 2020 ນີ້, ຢູ່ທີ່ສະໂມສອນຫ້ອງວ່າການປົກຄອງເມືອງໄຊບູລີ ໄດ້ຈັດພິທີປະກາດການຈັດຕັ້ງໜ້າທີ່ຕໍາແໜ່ງໃໝ່ຂອງຄະນະບໍລິຫານງານພັກເມືືອງໄຊບູລີສະໄໝທີ VII ໂດຍການໃຫ້ກຽດເຂົ້າຮ່ວມເປັນປະທານຂອງ ທ່ານ ທອງທ່ຽງ ສີດາວົງ ກໍາມະການປະຈໍາພັກແຂວງ ຫົວໜ້າຄະນະຈັດຕັ້ງແຂວງ ມີບັນດາພະແນກການທີ່ມາຈາກແຂວງ, ການນໍາຂັ້ນເມືອງ, ບັນດາໃນຄະນະປະຈໍາພັກເມືອງ ກໍາມະການພັກເມືອງ,ຫົວໜ້າຫ້ອງການ ເລຂາພັກບ້ານໃນທົ່ວເມືອງໄຊບູລີເຂົ້າຮ່ວມ.

ໂອກາດດຽວກັນນີ້ ທ່ານ ຈອມສີ ພະທິທັກ ອະດິດຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ກໍ່ໄດ້ຂື້ນຜ່ານຂໍ້ ຕົກລົງເຈົ້າແຂວງ ສະບັບເລກທີ 2490 / ຈຂ.ສຂ ລົງວັນທີ 26 ທັນວາ 2019 ວ່າດ້ວຍການແຕ່ງຕັ້ງພະນັກງານ ເຈົ້າແຂວງສະຫວັນນະເຂດຕົກລົງແຕ່ງຕັ້ງ ຮອງເຈົ້າເມືອງໄຊບູລີ ຈໍານວນ 2 ທ່ານ ຄື: ທ່ານ ສຸລິວົງ ສີວໍລະວົງ ກໍາມະການປະຈໍາພັກເມືອງ ຫົວໜ້າຫ້ອງການສາທາລະນະສຸກເມືອງ ເປັນຮອງເຈົ້າເມືອງໄຊບູລີ ຊີ້ນໍາວຽກງານວັດທະນະທໍາສັງຄົມ, ທ່ານ ສີວິໄລ ອິນທະລືໄຊ ກໍາມະການພັກເມືອງ ຫົວໜ້າຫ້ອງການກະສິກໍາ-ປ່າໄມ້ເມືອງ ເປັນຮອງເຈົ້າເມືອງ ຊີ້ນໍາ ວຽກງານເສດຖະກິດ ແລະ ຜ່ານຂໍ້ຕົກລົງຂອງທ່ານ ເຈົ້າເມືອງໄຊບູລີ ວ່າດ້ວຍການແຕ່ງຕັ້ງ ແລະຍົກຍ້າຍພະນັກງານ ເຈົ້າເມືອງໄຊບູລີ ຕົກລົງ ອະນຸມັດແຕ່ງຕັ້ງ ທ່ານ ນາງ ຈັນສະໝອນ ອິນທິລາດ ປະທານສະຫະພັນແມ່ຍິງເມືອງ ເປັນປະທານກວດກາພັກ-ລັດເມືອງ, ທ່ານ ຄໍາຈັນ ຂັນຕິວົງ ກໍາມະການ ພັກເມືອງ ຫົວໜ້າຫ້ອງການແຮງງານ ແລະສະຫວັດດີການສັງຄົມເມືອງ ເປັນຮອງເລຂາພັກເມືອງ, ທ່ານ ສົນທະນາ ສິງສຸພົນ ກໍາມະການປະຈໍາພັກເມືອງ ປະທານກວດກາພັກ-ລັດເມືອງ ເປັນຫົວໜ້າຄະນະຈັດຕັ້ງເມືອງ, ທ່ານ ນາງ ສົມລານ ອິນທິສານ ກໍາມະການປະຈໍາພັກເມືອງ ປະທານສະຫະພັນກໍາມະບານເມືອງ ເປັນປະທານແນວລາວສ້າງຊາດເມືອງ, ທ່ານ ພົງສະຫວັນ ບຸບຜາວົງສອນ ກໍາມະການພັກເມືອງ ຫົວໜ້າຫ້ອງວ່າການປົກຄອງເມືອງ ເປັນຫົວໜ້າຫ້ອງການແຮງງານ ແລະສະຫວັດດີການສັງຄົມເມືອງ, ທ່ານ ຄໍາໝັ້ນ ສຸພິຫາລາດ ກໍາມະການພັກເມືອງຫົວໜ້າຫ້ອງການຊັບພະຍາກອນທໍາຊາດ ແລະສິ່ງແວດລ້ອມເມືອງ ເປັນຫົວໜ້າຫ້ອງວ່າການປົກຄອງເມືອງ ແລະ ແຕ່ງຕັ້ງ ທ່ານ ແສງສະຫວັນ ພົມມະບຸດ ກໍາມະການພັກເມືອງ ຮອງຫົວໜ້າຫ້ອງການຊັບພະຍາກອນທໍາມະຊາດ ແລະສິ່ງແວດລ້ອມເມືອງ ຂື້ນເປັນຫົວໜ້າຫ້ອງການຊັບພະຍາກອນທໍາມະຊາດ ແລະສິ່ງແວດລ້ອມເມືອງ ແລະ ທ່ານ ວັນໄຊ ສີປັດໃຈ ກໍາມະການພັກເມືອງ ຮອງຫົວໜ້າຫ້ອງການໂຍທາທິການ ແລະຂົນສົ່ງ ຂື້ນເປັນຫົວໜ້າຫ້ອງການໂຍທາທິການ ແລະຂົນສົ່ງເມືອງ ແລະອະນຸມັດ ທ່ານ ບຸນມາ ໄຊຍະວົງສາ ກໍາມະການພັກເມືອງ ຮອງຫົວໜ້າຫ້ອງການພາຍໃນເມືອງ ເປັນປະທານສະຫະພັນກຳມະບານເມືອງ, ທ່ານ ນາງ ພິດສະໄໝ ອິນທະວົງ ກໍາມະການພັກເມືອງ ຮອງຫົວໜ້າຫ້ອງການ ຖະແຫຼງຂ່າວ, ວັດທະນະທໍາ ແລະທ່ອງທ່ຽວເມືອງ ເປັນ ຫົວໜ້າຫ້ອງການໂຄສະອົບຮົມເມືອງ ແລະອະນຸມັດ ທ່ານ ນາງ ສົມເດັດ ແພງວົງສັກ ກໍາມະການພັກເມືອງ ຮອງຫົວໜ້າຄະນະຈັດຕັ້ງເມືອງ ເປັນປະທານສະຫະພັນແມ່ຍິງເມືອງ.

ໃນໂອກາດດຽວກັນນີ້ ທ່ານ ທອງທ່ຽງ ສີດາວົງ ກໍ່ໄດ້ໃຫ້ຄໍາໂອວາດຕໍ່ຜູ້ທີ່ຖືກແຕ່ງຕັ້ງ ແລະ ໄດ້ຮັບໜ້າທີ່ຕໍາ
ແໜ່ງໃໝ່ໂດຍທ່ານ ໄດ້ເໜັ້ນໃຫ້ ເອົາໃຈໃສ່ເຮັດໜ້າທີ່ຂອງຕົນ ດ້ວຍຄວາມປອດໃສຍຸດຕິທໍາ, ນໍາພາຮອບດ້ານ, ເຮັດໜ້າທີ່ຂອງຕົນທີ່ພັກ-ລັດຂັ້ນເທິ່ງມອບໝາຍໃຫ້ ດ້ວຍຄວາມຮັບຜິດຊອບສູງ, ເພື່ອໃຫ້ລະບົບການບໍລິຫານງານພັກເມືອງຊຸດໃໝ່ມີຄວາມໜັກແໜ້ນປອດໃສ,ເຂັ້ມແຂງ ນໍາພາເມືອງໄຊບູລີພັດທະນາເປັນກ້າວໆ.

savannakhet medialaos