ເປີດການເດີນສຳຫຼວດຂອບເຂດ, ເນື້ອທີ່ ແລະ ປັກຫຼັກເຂດສວນອຸທິຍານພຶກສາສາດສັນແກ້ວອຸດອນ

0
309

ໃນຕອນເຊົ້າວັນທີ 14 ມັງກອນ 2019 ນີ້ #ເມືອງໄຊຍະບູລີ ໄດ້ຈັດພິທີເປີດການສໍາຫຼວດຂອບເຂດເນື້ອທີ່ ແລະ ປັກຫຼັກເຂດສວນອຸທິຍານພຶກສາສາດສັນແກ້ວອຸດອນຂື້ນ. ທີ່ແຫຼ່ງທ່ອງທ່ຽວຖ້ຳລອດບ້ານຖ້ຳລອດ.ໂດຍການເປັນກຽດເຂົ້າຮ່ວມຂອງ ທ່ານ ຄຳຜາຍ ແກ້ວບົວ ຮອງເລຂາພັກເມືອງ ຜູ້ຊີ້ນຳວຽກການເມືອງແນວຄິດ ແລະ ວຽກງານວັດທະນະທຳສັງຄົມຂັ້ນເມືອງ, ທ່ານ ລີນທອງ ແກ້ວບົວ ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງໄຊຍະບູລີ, ມີກຳມະການພັກເມືອງ, ຫົວໜ້າ,ຮອງຫົວໜ້າຫ້ອງການ, ພະນັກງານວິຊາການ, ນາຍບ້ານພາຍໃນເມືອງ ແລະ ພໍ່ແມ່ປະຊາຊົນພາຍໃນບ້ານຖ້ຳລອດເຂົ້າຮ່ວມ 230 ຄົນ.

ໃນພິທີ ທ່ານ ສຸລິຍາ ພັນມະນີ ຮອງຫົວໜ້າຫ້ອງການວິທະຍາສາດ ແລະ ເຕັກໂນໂລຊີເມືອງໄຊຍະບູລີ ໄດ້ຂື້ນຜ່ານຂໍ້ຕົກລົງຂອງທ່ານເຈົ້າແຂວງໄຊຍະບູລີສະບັບເລກທີ 1222/ຈຂ.ຊຍ ລົງວັນທີ 11 ຕຸລາ 2019 ວ່າດ້ວຍການມອບສິດນໍາໃຊ້ທີ່ດີນປ່າປ້ອງກັນແຫ່ງຊາດເຂດສັນແກ້ວອຸດອນໃຫ້ເມືອງໄຊຍະບູລີສ້າງເປັນສວນອຸທິຍານພຶກສາສາດມີລວງຍາວ 24,50 ກິໂລຕາແມັດ,ລວງກວ້າງ 18,20 ກິໂລແມັດລວມເນື້ອທີ່ທັງໝົດ 17.955 ກິໂລຕາແມັດ, ຜ່ານຂໍ້ຕົກລົງຂອງທ່ານເຈົ້າເມືອງໄຊຍະບູລີສະບັບເລກທີ 519/ຈມ.ຊຍ ລົງວັນທີ 26 ພະຈີກ 2019 ວ່າດ້ວຍການອານຸມັດໃຫ້ຫ້ອງການວິທະຍາສາດ ແລະ ເຕັກໂນໂລຊີເມືອງໄຊຍະບູລີຈັດພິທີເປີດການສຳຫຼວດຂອບເຂດເນື້ອທີ່ ແລະ ປັກຫຼັກເຂດສວນອຸທິຍານພຶກສາສາດສັນແກ້ວອຸດອນ.

ຈາກນັ້ນທ່ານ ນາງສີທອນ ຄໍາອ່ອນ ຫົວໜ້າຫ້ອງການວິທະຍາສາດ ແລະ ເຕັກໂນໂລຊີເມືອງໄຊຍະບູລີໄດ້ຂື້ນຜ່ານບົດລາຍງານສະພາບລວມສວນອຸທິຍານພຶກສາສາດສັນແກ້ວອຸດອນເມືອງໄຊຍະບູລີວ່າ: ເຂດປ່າໄມ້ສັນແກ້ວອຸດອນໃນເມື່ອກ່ອນໄດ້ກຳນົດເປັນເຂດປ່າສະຫງວນແຫ່ງຊາດເຊີ່ງມີເນື້ອທີ່ທັງໝົດ 46.392 ເຮັກຕາ ແຕ່ມາປະຈຸບັນອົງຄະນະພັກເມືອງໄຊຍະບູລີໄດ້ເຫັນດີຕົກລົງກຳນົດເອົາສະເພາະເນື້ອທີ່ປ່າປົກຫຸ້ມກຳນົດເປັນສວນອຸທິຍານພືກສາສາດຂອງເມືອງໄຊຍະບູລີ ເຊີ່ງມີຊາຍແດນທາງທິດເໜືອຕິດກັບຫ້ວຍແດງ, ທາງທິດໃຕ້ຕິດກັບເທດສະບານເມືອງ ໄຊຍະບູລີ, ທາງທິດຕາເວັນອອກຕິດກັບແມ່ນ້ຳຂອງ ແລະ ທາງທິດຕາເວັນຕົກຕິດກັບເສັ້ນທາງຈາກເມືອງ ໄຊຍະບູລີຫາເມືອງຫົງສາ ເປັນເຂດທີ່ມີຊັບພະຍາກອນປ່າໄມ້ ແລະ ຊີວະນາໆພັນຫຼາຍສະນິດທີ່ຍັງອຸດົມສົມບູນເປັນບ່ອນຜະລິດອົກຊີແຊນໃຫ້ແກ່ເມືອງ ໄຊຍະບູລີມີເນື້ອທີ່ປົກຫຸ້ມທີ່ຂຽວສົດງົດງາມ, ເປັນບ່ອນທີ່ຢູ່ອາໄສຂອງສັດສາວາສີ່ງນາໆສະນິດທັງສັດນ້ຳ ແລະ ສັດບົກ. ຈຸດປະສົງກໍ່ແມ່ນເພື່ອເປັນການອານຸລັກຮັກສາຊັບພະຍາກອນທໍາມະຊາດໃຫ້ອຸດົມສົມບູນ, ຮັກສາລະບົບນິເວດວິທະຍາໃຫ້ມີຄວາມສົມດູນ, ຮັກສາແຫຼ່ງນໍ້າບໍ່ໃຫ້ບົກແຫ້ງເປັນແຫ່ງການຮຽນຮູ້ ແລະ ສຶກສາຄົ້ນຄ້ວາທາງວິທະຍາສາດທຳມະຊາດຂອງນັກຮຽນ, ນັກສຶກສາສາປັນຍາຊົນຄົນຮຸ່ນໃຫມ່, ເປັນບ່ອນຜະລິດອົກຊີແຊນ, ຮັກສາຊັ້ນໂອໂຊນບໍໃຫ້ຖືກທຳລາຍ, ເປັນບ່ອນທີ່ຢູ່ອາໄສ ແລະ ແຜ່ພັນຂອງສັດສາວາສີ່ງ ແລະ ພັນພືດນາໆສະນິດບໍ່ໃຫ້ສູນພັນໄປຈາກແຜ່ນດີນລາວເວົ້າລວມເວົ້າສະເພາະກໍ່ຄືຜືນແຜ່ນດີນຂອງຊາວໄຊຍະບູລີ, ເປັນສະຖານທີ່ແຫຼ່ງທ່ອງທ່ຽວທາງທຳມະຊາດທີ່ສຳຄັນໃຫ້ແຂກທັງພາຍໃນ ແລະ ຕ່າງປະເທດ. ຈາກນັ້ນໃນພິທີທ່ານຄຳຜາຍ ແກ້ວບົວ ຮອງເລຂາພັກເມືອງ ຜູ້ຊີ້ນຳວຽກການເມືອງແນວຄິດ ແລະ ວຽກງານວັດທະນະທຳສັງຄົມຂັ້ນເມືອງກໍ່ໄດ້ໃຫ້ກຽດໂອ້ລົມພ້ອມທັງເຂົ້າຮ່ວມປັກຫຼັກໝາຍເຂດແດນ ແລະ ປູກຕົ້ນໄມ້ເພື່ອເປັນສັນຍາລັກໃນງານດັ່ງກ່າວ.

ພາບ-ຂ່າວ: ສົມພົງ ສີສະຫັວດ.
Medialaos xayaboury