ໃນໂອກາດທີ່ເດີນທາງໄປຢ້ຽມຢາມ ແລະ ຊຸກຍູ້ວຽກງານ ການກະກຽມກອງປະຊຸມໃຫຍ່ 3 ຂັ້ນ ຂອງພັກ ແລະ ຊຸກຍູ້ໂຄງການກໍ່ສ້າງ ທາງ ລົດໄຟລາວ-ຈີນ ຢູ່ ແຂວງວຽງຈັນ ໃນວັນທີ 16 ມັງກອນ 2020 ສະຫາຍ ປອ.ບຸນທອງ ຈິດມະນີ ກໍາມະການກົມການເມືອງສູນກາງພັກ, ຄະນະເລຂາທິການສູນ ກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດ ຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ຫົວໜ້າຄະນະ ຊີ້ນໍາໂຄງການກໍ່ສ້າງ ທາງລົດ ໄຟລາວ-ຈີນ ໄດ້ໃຫ້ກຽດໂອ້ລົມ ພະນັກງານຫຼັກແຫຼ່ງຊອງເມືອງວັງວຽງຕື່ມ ອີກ. ເຂົ້າຮ່ວມຮັບ ຟັງມີ ສະຫາຍ ປອ ບຸນຈັນ ສິນທະວົງ ກໍາມະການສູນກາງພັກ, ລັດຖະມົນຕີກະຊວງໂຍທາ ທິການ ແລະ ຂົນສົ່ງ, ຮອງຫົວໜ້າ, ຜູ້ປະຈຳການຄະນະຊີ້ນໍາໂຄງການກໍ່ສ້າງທາງລົດໄຟ ລາວ-ຈີນ. ສະຫາຍ ບຸນຈັນ ມາລາວົງ ຮັກສາການເຈົ້າເມືອງວັງວຽງ, ມີຄະນະປະຈໍາພັກ, ຄະນະພັກ, ພະນັກງານຫຼັກແຫຼ່ງ ບັນດາ ຫ້ອງການອ້ອມຂ້າງ ເມືອງວັງວຽງເຂົ້າຮ່ວມຮັບຟັງ.

ໂອກາດນີ້ສະຫາຍໄດ້ຮັບຟັງການລາຍງານສະພາບການພັດທະນາເສດຖະກິດ-ສັງຄົມ, ສະພາບ ການກໍ່ສ້າງທາງລົດໄຟ ລາວ-ຈີນ, ທາງດ່ວນ ຜ່ານເມືອງວັງວຽງ, ສະພາບການສົ່ງເສີມການທ່ອງທ່ຽວ ຂອງເມືອງ, ການກະກຽມ ແລະ ດໍາເນີນກອງປະຊຸມໃຫຍ່ 2 ຂັ້ນ. ສໍາລັບສະພາບການກະກຽມ ແລະ ດໍາເນີນ ກອງປະ ຊຸມໃຫຍ່ ຄັ້ງທີ VII; ພາຍຫຼັງ ໄດ້ຮັບການຈັດຕັ້ງເຜີຍແຜ່ເຊື່ອມຊຶມ ຄຳສັ່ງ, ຄໍາແນະນໍາ ຂອງຂັ້ນເທິງແລ້ວ ຄະນະປະຈຳພັກເມືອງ ພາກສ່ວນທີ່ກ່ຽວຂ້ອງ ໄດ້ຄົ້ນຄ້ວາ ຈັດຕັ້ງຜັນຂະຫຍາຍ ເປັນຕົ້ນແມ່ນໄດ້ສ້າງ ແຜນການເຄື່ອນໄຫວ ແລະ ຈັດຕັ້ງປະຕິບັດຕາມບາດກ້າວ, ຂັ້ນຕອນ ທີ່ໄດ້ກຳນົດໄວ້ ໂດຍໄດ້ເລີ່ມ ກະກຽມດຳເນີນຊີວິດການເມືອງ ແລະ ດຳເນີນກອງປະຊຸມໃຫຍ່ໜ່ວຍພັກ, ຄະນະພັກຮາກຖານ ບ້ານ, ກອງປະຊຸມອົງການປົກຄອງບ້ານ, ເລືອກຕັ້ງນາຍບ້ານ, ຮອງນາຍບ້ານ ແລະ ປັບປຸງໜ່ວຍງານຊ່ວຍ ວຽກຂັ້ນບ້ານ, ຈາກນັ້ນສືບຕໍ່ ກະກຽມດຳເນີນຊີວິດການເມືອງ ແລະ ດຳເນີນກອງ ປະຊຸມໃຫຍ່ໜ່ວຍພັກ, ຄະນະພັກຮາກຖານສຳນັກງານ-ອົງການ ຂັ້ນເມືອງ ໄປພ້ອມກັນກັບການປັບປຸງ ແລະ ດຳເນີນກອງ ປະຊຸມໃຫຍ່ ຂອງອົງການຈັດຕັ້ງມະຫາຊົນ ໄດ້ສຳເລັດ. ໃນທົ່ວເມືອງ ມີ 11 ຄະນະພັກ ຮາກຖານ, ມີ 123 ໜ່ວຍພັກ, ມີສະມາຊິກພັກທັງໝົດ 2.019 ສະຫາຍ ມີໜ່ວຍພັກ ປອດໃສ ເຂັ້ມແຂງ ແລະ ໜັກແໜ້ນ 74 ໜ່ວຍພັກ (ແຂງຮູ້ນຳພາຮອບດ້ານ) ເທົ່າກັບ 60,16 %.

ຄຽງຄູ່ກັນນີ້ຍັງໄດ້ ຊຸກຍູ້ ຂະບວນການດ້ານຕ່າງ ເພື່ອຮັບໃຊ້ໃຫ້ແກ່ການກະກຽມ ແລະ ດຳເນີນກອງປະຊຸມໃຫຍ່ ຄັ້ງທີ VII ຜູ້ແທນ ອົງຄະນະພັກເມືອງ ເຊິ່ງມາຮອດປັດຈຸບັນນີ້ໄດ້ສຳເລັດ ການທາບທາມເນື້ອໃນ, ບຸກຄະບະກອນ ຮອບ 2, 3 ແລ້ວ ແລະ ກະ ກຽມເຂົ້າສູ່ກອງປະຊຸມຄົບຄະນະບໍລິຫານງານພັກເມືອງ ທ້າຍສະໄໝ ແລະ ຄາດຄະເນ ເປີດກອງປະຊຸມໃຫຍ່ອົງຄະນະພັກເມືອງ ໃນລະຫວ່າງ ທ້າຍເດືອນ ມັງກອນ ຫຼື ຕົ້ນເດືອນ ກຸມພາ 2020 ນີ້ພາຍຫຼັງທີ່ໄດ້ຮັບຟັງການລາຍງານສະພາບການຕ່າງໆແລ້ວ ສະຫາຍ ປອ ບຸນທອງ ຈິດມະນີ ກໍ່ໄດ້ ໃຫ້ກຽດ ໂອ້ລົມ ແລະ ມີທິດຊີ້ນຳຕໍ່ຄະນະພັກ-ຄະນະນໍາ ຂອງເມືອງ, ໂດຍໄດ້ສະ ແດງຄວາມຍ້ອງຍໍ ຊົມເຊີຍຕໍ່ຄະນະພັກ, ຄະນະນຳ ເມືອງ ທີ່ໄດ້ມີຄວາມຕັດສິນໃຈສູງໃນການຊີ້ນຳ-ນຳພາວຽກ ງານຮອບ ດ້ານ, ໂດຍສະເພາະແມ່ນຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ການກະກຽມກອງ ປະຊຸມໃຫຍ່ 3 ຂັ້ນ, ນອກຈາກນີ້ກໍ່ໄດ້ເນັ້ນໃຫ້ອົງການປົກຄອງແຕ່ລະຂັ້ນຈົ່ງພ້ອມກັນ ສືບຕໍ່ນຳພາ-ຊີ້ນຳ ການພັດ ທະນາຕາມຂອບເຂດຄວາມຮັບຜິດຊອບຂອງຕົນໃຫ້ມີຄວາມກ້າວໜ້າຢ່າງ ເປັນຮູບປະທຳ, ຕໍ່ ກັບການກະກຽມກອງປະຊຸມ 3 ຂັ້ນແມ່ນມີສາມວຽກໃຫຍ່ຄື: ໜຶ່ງ ວຽກງານຊຸກຍູ້ ຂະບວນການແມ່ນ ໃຫ້ຕິດພັນ ກັບຂະບວນການແຂ່ງຂັນ ຮັກຊາດ ແລະ ພັດທະນາ ແລະ ວຽກງານສາມ ສ້າງໃຫ້ຄຽງຄູ່ກັນໄປ ໂດຍສະເພາະແມ່ນການແຂ່ງຂັນລົບລ້າງຄວາມທຸກຍາກຂອງປະຊາຊົນ, ສໍາລັບ ສໍານັກງານອົງການແມ່ນ ສ້າງຂະບວນການ ປະຕິບັດລະບຽບກົດໝາຍ, ການແຂ່ງຂັນກັນປະຕິບັດໜ້າທີ່ ວິຊາສະເພາະ ແລະ ຄາດໝາຍ ສູ້ຊົນຕ່າງໆ; ສອງ ດ້ານເນື້ອ ໃນຕ້ອງກະກຽມບົດລາຍງານການເມືອງ, ແຜນພັດທະນາ ເສດຖະກິດ-ສັງຄົມ, ບົດສຳຫຼວດການນຳພາລວມຂອງຄະນະພັກຕ້ອງຕີລາຄາ ໃຫ້ຖືກຕ້ອງ ເພື່ອຊອກໃຫ້ ເຫັນທ່າແຮງທີ່ບົ່ມຊ້ອນ ແລະ ວາງທິດທາງໃນການພັດທະນາຕໍ່ໜ້າໃຫ້ແທດ ຕົວຈິງກັບທ່າແຮງແຕ່ລະຂົງເຂດ ກໍ່ຄືຂອງເມືອງ; ສາມ ການກະກຽມບຸກຄະລາກອນຕ້ອງ ໄດ້ມີການດຳເນີນຊີວິດການເມືອງ ສຳຫຼວດກວດກາສະມາຊິກພັກ, ພະນັກງານໃຫ້ເລິກເຊິ່ງຕິດພັນກັບ ຄວາມຮັບຜິດຊອບຂອງສະມາຊິກພັກ ແຕ່ລະສະຫາຍ; ຮັບປະກັນທາງດ້ານມາດຖານ, ເງື່ອນໄຂ ແລະ ປະຕິບັດຕາມທິດຫັນເປັນໜຸ່ມ, ເພດ, ເຜົ່າ ໃຫ້ສົມສ່ວນໃນແຕ່ລະຂົງເຂດວຽກງານ.

ສ່ວນວຽກງານທ່ອງທ່ຽວສະຫາຍໄດ້ເນັ້ນໜັກໃຫ້ອໍານາດການປົກຄອງເມືອງເອົາໃຈໃສ່ໃນການປັບປຸງມຕົວເມືອງໃຫ້ມີມົນສະເໜ່ໜ້າຈັບອົກຈັບໃຈແກ່ນັກທ່ອງທ່ຽວ, ພັດທະນາແຫຼ່ງທ່ອງທ່ຽວໃຫ້ຈັບໃຈ, ຮັບປະກັນຄວາມປອດໄພແກ່ນັກທ່ອງທ່ຽວ ຄຽງຄູ່ກັນນີ້ກໍ່ຕ້ອງພັດທະນາບຸກຄະລາກອນທ່ອງທ່ຽວ ລວມທັງບໍລິສັດທ່ອງທ່ຽວໃຫ້ມີຄຸນນະພາບສາມາດຮອງຮັບນັກທ່ອງທ່ຽວແຕ່ລະປະເທດ.
ສໍາລັບການກໍ່ສ້າງທາງລົດໄຟ ລາວ-ຈີນ, ທາງດ່ວນວຽງຈັນວັງວຽງ ໃຫ້ຄະນະຮັບຜິດຊອບສືບຕໍ່ແກ້ໄຂຈຸດທີ່ຍັງຄ້າງຄາໃຫ້ສໍາເລັດ ເພື່ອອໍານວຍຄວາມສະດວກໃຫ້ການກໍ່ສ້າງທັງສອງເສັ້ນໃຫ້ສໍາເລັດຕາມກໍານົດເວລາ.
ໂອກາດນີ້ ສະຫາຍຮອງນາຍົກລັດຖະມົນຕີ ພ້ອມຄະນະ ຍັງໄດ້ໄປຢ້ຽມຊົມສະຖານທີ່ທ່ອງທ່ຽວຂອງເມືອງວັງວຽງຄື ຖໍ້າປູຄໍາ, ຖໍ້ານາງຟ້າ ແລະ ລົງຕິດຕາມເບິງໂຄງການກໍ່ສ້າງຂົວຂ້າມນໍ້າຊອງແຫ່ງໃໝ່ ເພື່ອອໍານວຍຄວາມສະດວກໃຫ້ປະຊາຊົນ ແລະ ນັກທ່ອງທ່ຽວ.

ໂດຍ: ແສງເພັດ ແຊ່ຈ່າວ
Medialaos Mass Media