ກົງສູນໃຫຍ່ ສສ ຫວຽດນາມ ສະເຫຼີມສະຫຼອງວັນປີໃໝ່ປະຈໍາປີ 2020

0
113

ເນື່ອງໃນໂອກາດວັນປີໃໝ່ຫວຽດນາມທີ່ຈະມາເຖິງໃນມໍ່ໆນີ້, ກົງສູນໃຫຍ່ແຫ່ງ ສສ ຫວຽດນາມປະຈໍາແຂວງສະຫວັນນເຂດ ໄດ້ຈັດງານລ້ຽງສາມັກຄີເພື່ອຕ້ອນຮັບປີໃໝ່ຫວຽດນາມປະຈໍາປີ 2020ໃນຕອນຄໍ່າວັນທີ 15 ມັງກອນ 2020 ຢູ່ທີ່ພັດຕະຄານດາວຮຸ່ງ 1. ໂດຍການເຂົ້າຮ່ວມ ຂອງທ່ານ ຫວູ ແອັງຢຸ໋ງ ກົງສູນໃຫຍ່ແຫ່ງ ສສ ຫວຽດນາມປະຈໍາແຂວງສະຫວັນນະເຂດ, ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ, ທ່ານ ພົມມາ ພັນທະລັງສີ ຮອງເຈົ້າແຂວງຄໍາມ່ວນ, ທ່ານ ບຸນຄໍາ ໄຊເຍຍລໍວື ປະທານຄະນະກວດກາພັກແຂວງບໍລິຄໍາໄຊ, ທ່ານ ວໍລະວຸດ ພົງປຣະພາພນ ກົງສູນໃຫຍ່ແຫ່ງຣາຊະອານາຈັກໄທ ພ້ອມດ້ວຍການນໍາຂອງທັງ 3 ແຂວງພາກກາງ, ມີນັກທຸລະກິດ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ຫວູ ແອັງຢຸ໋ງ ໄດ້ເລົ່າຄືນມູນເຊື້ອການຮ່ວມມືລະຫວ່າງສອງຊາດໃນໄລຍະຜ່ານມາ ເຊິ່ງໃຫ້ຮູ້ວ່າ: ສອງຊາດລາວ-ຫວຽດນາມ ມີສາຍພົວພັນພິເສດຮ່ວມກັນມາແຕ່ສະໄໝອະດີດ ເປັນຕົ້ນແມ່ນການສູ້ຮົບຮ່ວມກັນ, ມີຊາຍແດນຕິດຈອດກັນ ດັ່ງນັ້ນ, ຈຶ່ງມີຄວາມສະໜິດສະໝົມກັນເປັນຢ່າງດີ ໃຫ້ການຊ່ວຍເຫຼືອ ເຊິ່ງກັນ ແລະ ກັນຕະຫຼອດມາຈົນບໍ່ສາມາດຕັດຂາດໄດ້ ເພື່ອໃຫ້ສອງຊາດພັດທະນາກ້າວໄປພ້ອມໆກັນ, ເນື່ອງໃນໂອກາດຕ້ອນຮັບປີໃໝ່ຫວຽດນາມປະຈໍາປີ 2020 ຂໍກ່າວອວຍພອນໄຊອັນປະເສີດມາຍັງບັນດາການນໍາຂອງແຂວງພາກກາງ ແລະທຸກທ່ານຈົ່ງມີພາລະນາໄມແຂງແຮງ, ປະສົບຜົນສໍາເລັດໃນທຸກດ້ານ, ອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່ລະຫວ່າງສອງຊາດລາວ-ຫວຽດນາມຈົ່ງໝັ້ນຄົງທະນົງແກ່ນຕະຫຼອດໄປ.

ໂອກາດດຽວກັນນີ້ ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ກໍ່ໄດ້ມີຄໍາເຫັນແລະອວຍພອນປີໃໝ່ ຫວຽດນາມວ່າ: ໃນທ່າມກາງບັນຍາກາດທີ່ພວມເບີກບານມ່ວນຊື່ນເພື່ອຊົມເຊີຍສະເຫຼີສະຫຼອງຜົນງານ ແລະ ບັນດາຜົນສຳເລັດທີ່ຍາດມາໄດ້ໃນໄລຍະປີ 2019 ຜ່ານມາທົ່ວການນຳພັກ-ລັດປະຊາຊົນບັນດາເຜົ່າຂອງ2ອ້າຍນ້ອງກໍ່ຄືຜົນງານອັນໃຫຍ່ຫຼວງຂອງສະຖາປານາສັງຄົມນິຍົມຫຫວຽດນາມຕະຫຼອດໄລຍະ1ປີເຊິ່ງພໍດີກັບຊາດລາວອ້າຍນ້ອງໃນຕ່າງປະເທດພວມກະກຽມສະເຫຼີມສະຫຼອງປີໃໝ່ຂອງຕົນທີ່ຈະມາຮອດອີກຄັ້ງໜຶ່ງ, ເນື່ອງໃນໂອກາດປີໃໝ່ຊາວຫວຽດນາມປີນີ້ຕາງຫນ້າການນຳພັກ-ລັດພະນັກງານະຫານຕຳຫຼວດແລະປະຊາຊົນ
ລາວບັນດາເຜົ່າຊາວແຂວງສະຫວັນນະເຂດ,ຄຳມ່ວນ ແລະ ແຂວງບໍລິຄຳໄຊຂໍອວຍພອນອັນປະເສີດແກ່ການນຳພັກ-ລັດພະນັກງານທະຫານຕຳຫຼວດປະຊາຊົນບັນດາເຜົ່າຊາວຫວຽດນາມທຸກທົ່ວໜ້າໃຫ້ປະສົບຜົນສຳເລັດເພື່ອສ້າງສາປະເທດຊາດ,ໃຫ້ມີຄວາມພາສຸກ,ກ້າວສູ່ຄວາມຮຸ່ງເຮືອງສີວີໄລຢ່າງບໍ່ຢຸດຢັ້ງ.

savannakhet medialaos