ໃນຕອນເຊົ້າວັນທີ 16 ມັງກອນ 2020 ນີ້ ຢູ່ທີ່ຫ້ອງປະຊຸມຫ້ອງວ່າການປົກຄອງແຂວງສະຫວັນນະເຂດ ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ, ໄດ້ເຄື່ອນໄຫວໂອ້ລົມການນໍາແຂວງສະຫວັນນະເຂດ ແລະ ພະນັກງານຫຼັກແຫຼ່ງ ເຂົ້າຮ່ວມຮັບຟັງມີທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ, ມີບັນດາທ່ານເຈົ້າເມືອງ 14 ເມືອງ ແລະເຈົ້ານະຄອນໄກສອນ ພົມວິຫານ ເຂົ້າຮ່ວມ.

ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ກໍ່ໄດ້ລາຍງານ ໂດຍສັງເຂບກ່ຽວກັບ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປະຈຳປີ 2019 ແລະ ການດຳເນີນກອງປະຊຸມໃຫຍ່ 3 ຂັ້ນຂອງແຂວງວ່າ : ເຖິງແມ່ນວ່າ ສະພາບເງື່ອນໄຂພາຍໃນຫຼາຍດ້ານຍັງບໍ່ທັນເອື້ອອຳນວຍ ໂດຍສະເພາະໃນປີ 2019 ແຂວງຂອງພວກເຮົາ ໄດ້ປະເຊີນກັບຄວາມຫຍຸ້ງຍາກຫຼາຍປະການເປັນຕົ້ນ ສະພາບເສດຖະກິດ-ການເງິນ ຍັງສືບຕໍ່ມີຄວາມຫຍຸ້ງຍາກ, ການຂາດດຸນງົບປະມານ, ພະຍາດລະບາດ ໂດຍສະເພາະແມ່ນພະຍາດ(ອະຫິວາໝູອາຟຣິກກາ ແລະ ໄຂ້ຍຸງລາຍ), ເກີດໄພພິບັດທາງທຳມະຊາດ ທັງແຫ້ງແລ້ງ ແລະ ນໍ້າຖ້ວມຢ່າງຮ້າຍແຮງ ຢູ່ໃນ 04 ເມືອງ,ໄດ້ສົ່ງຜົນເສຍຫາຍຢ່າງໜັກໜ່ວງຕໍ່ເນື້ອທີ່ການຜະລິດ, ພື້ນຖານໂຄງລ່າງ, ທີ່ຢູ່ອາໃສແລະ ຊັບສິນຈໍານວນໜຶ່ງຂອງປະຊາຊົນຊຶ່ງໄດ້ສົ່ງຜົນກະທົບທັງທາງກົງ ແລະ ທາງອ້ອມຕໍ່ກັບການຈັດຕັ້ງປະຕິບັດແຜນພັດທະນາເສດຖະກິດສັງຄົມປະຈຳປີ 2019 ຂອງແຂວງພວກເຮົາ.ຕໍ່ສະພາບການຄືແນວນັ້ນ ອໍານາດການປົກຄອງແຕ່ລະຂັ້ນ ກໍ່ໄດ້ມີມາດຕະການຢ່າງທັນການ ໃນການແກ້ໄຂໄພພິບັດສຸກເສີນ ແລະ ຟື້ນຟູຫຼັງໄພພິບັດ ເຮັດໃຫ້ບັນດາພື້ນຖານໂຄງລ່າງການຜະລິດ, ການດຳລົງຊີວິດຂອງປະຊາຊົນກັບຄືນສູ່ສະພາບປົກກະຕິ ໂດຍການມີສ່ວນຮ່ວມຂອງທຸກພາກສ່ວນ ກໍ່ຄືສັງຄົມ ທັງພາຍໃນແຂວງ, ພາຍໃນປະເທດ ແລະ ຕ່າງປະເທດ.

ຈາກນັ້ນ ທ່ານ ປອ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ ກໍ່ໄດ້ມີຄໍາເຫັນໂອ້ລົມຕໍ່ການນໍາແຂວງ ແລະ ພະນັກງານຫຼັກແຫຼ່ງກ່ອນອື່ນກໍ່ໄດ້ສະແດງຄວາມຍ້ອງຍໍຊົມເຊີຍ ຕໍ່ຄວາມບຸກບືນສູ້ຊົນຂອງການນໍາຂັ້ນແຂວງໃນການຈັດຕັ້ງໃນບັນດາຄາດໝາຍໃຫຍ່ໆໃນມະຕິຂອງກອງປະຊຸມໃຫຍ່ຄັ້ງທີ 10 ຂອງພັກກໍ່ຄືກອງປະຊຸມໃຫຍ່ຂອງອົງຄະນະພັກແຂວງທີ່ຜ່ານມາ, ແລະບັນດາຄາດໝາຍຂອງແຜນເສດຖະກິດສັງຄົມຂອງແຂວງທີ່ ຕິດພັນກັບວຽກງານຂອງຂະແໜງການຂັ້ນແຂວງ ເຖິງແມ່ນວ່າສະພາບການເງິນໂລກ ແລະ ພາກພື້ນມີຄວາມສັບສົນ ສິ່ງເຫຼົ່ານັ້ນກໍ່ຫຼີກລ້ຽງບໍ່ໄດ້ມັນ ມີຜົນກະທົບທາງກົງ ແລະ ທາງອ້ອມຕໍ່ປະເທດເຮົາ,ໂດຍສະເພາະຢ່າງຍິ່ງບັນຫາເລື່ອງອັດຕາ ສົງຄາມ ຂອງຈີນ-ອະເມລິກາ ກໍ່ເຮັດໃຫ້ເສດຖະກິດຂະຫຍາຍຕົວຊ້າລົງ, ຄຽງຄູ່ກັນນັ້ນແຂວງສະຫວັນນະເຂດປີຜ່ານມາຖືກຜົນກະທົບຢ່າງໜັກໜ່ວງຈາກໄພພິບັດນໍ້າຖ້ວມ ຍ້ອນການນຳພາຂອງອົງຄະນນະພັກແຂວງ ການຮັບຜິດຊອບເປັນເຈົ້າການຂອງປະຊາຊົນບັດເຜົ່າຂັ້ັນແຂວງ,ເມືອງ ເຫັນວ່າສະພາບດັ່ງກ່າວໄດ້ຖືກແກ້ໄຂ, ພ້ອມທັງສະເໜີຄືນກ່ຽວກັບວຽກເສດຖະກິດທີ່ເປັນໃຈກາງ, ວຽກກໍ່ສ້າງຮາກຖານການເມືອງ, ວຽກການບໍລິການ, ເບິ່ງຕື່ມມະຕິກອງປະຊຸມໃຫຍ່ຂອງແຂວງ ໃຫ້ເຮັດຕາມແຜນການ, ໂດຍສະເພາະຂະແໜງກະສິກຳຜະລິດປຸ່ງແຕ່ງເພື່ອສະໜອງພາຍໃນສົ່ງອອກຕ່າງປະເທດ,ຂະແໜງການຄ້າ ການຊອກ ຕະຫຼາດ ວຽກງານທ່ອງທ່ຽວ , ການພັດທະນາດ້ານສັງຄົມຕາມທິດສີຂຽວຢືນຢົງ, ຮັບປະກັນຄວາມສອດຄ່ອງກົມກຽວລະຫວ່າງເສດຖະກິດກັບວັດທະນະທຳ-ສັງຄົມ ການປົກປັກຮັກສາສິ່ງແວດລ້ອມ ແລະ ບັນຫາຕົ້ນຕໍ່ແມ່ນຟື້ນຟູທາງດ້ານກະສິກໍາ ປູກຝັງ-ລ້ຽງສັດຫຼັງນໍ້າຖ້ວມ, ພ້ອມມີວິທີການຮັບມືກັບໄພທຳມະຊາດຢ່າງທັນການ , ການພັດທະນາຄວາມທຸກຍາກປະຊາຊົນຮອບດ້ານຕິດແໜ້ນຕາມທິດສາມສ້າງ, ນອກນັ້ນ ແນໃສ່ແກ້ໄຂ ເປົ້າໝາຍການພັດທະນາ ດ້ານສາທາລະນາສຸກ,ດ້ານການສຶກສາທີ່ບໍ່ທັນບັນລຸຄາດໝາຍ.

savannakhet medialaos