ໃນວັນທີ 17 ມັງກອນ 2020 ທີ່ນະຄອນຫລວງວຽງຈັນ, ສະຖານທູດຈີນປະຈໍາ ສປປ ລາວ ໄດ້ຈັດງານລ້ຽງສະເຫລີມ ສະຫລອງບຸນກຸດຈີນ 2020, ພ້ອມສະຫລຸບວຽກງານ ອັນພົ້ນເດັ່ນຂອງປະເທດຈີນ ແລະ ວຽກງານການຮ່ວມມື ພັດທະນາຂອງສອງປະເທດ ລາວ-ຈີນ, ໂດຍມີ ທ່ານ ຈ່ຽງ ຈ່າຍ ຕົ່ງ ເອກອັກຄະລັດ ຖະທູດຈີນປະຈໍາລາວ, ມີບັນດາລັດຖະມົນຕີ ແລະ ການນໍາລາວທີ່ໄດ້ຮັບການເຊື້ອເຊີນ, ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.

ທ່ານ ຈ່ຽງ ຈ່າຍ ຕົ່ງ ໄດ້ຕີລາຄາສູງ ແລະ ຊົມເຊີຍຕໍ່ຜົນສໍາເລັດອັນໃຫຍ່ຫລວງ ຂອງພັກ-ລັດ ແລະ ປະຊາຊົນລາວ ທົ່ວປະເທດທີ່ຍາດມາໄດ້ໃນປີ 2019 ເຊິ່ງການເຕີບໂຕ ທາງດ້ານເສດທະກິດ ຂອງລາວບັນລຸເປົ້າໝາຍ 6,4% ທຽບໃສ່ຫົວຄົນແມ່ນ 2.683 ໂດລາສະຫະລັດ, ທຽບໃສ່ປີຜ່ານມາ ແມ່ນມີການເພີ່ມຂຶ້ນ, ພ້ອມດຽວກັນນັ້ນ ພື້ນຖານໂຄລ່າງ, ເສດຖະກິດ-ສັງຄົມ ແລະ ດ້ານອື່ນໆກໍມີ ການພັດທະນາເພີ່ມຂຶ້ນ, ສິ່ງເຫລົ່ານີ້ສະແດງໃຫ້ເຫັນ ເຖິງປະເທດລາວ ກໍມີການນໍາພາ ອັນສະຫລາດສ່ອງໃສ ແລະ ຮັບໃຊ້ປະຊາຊົນຢ່າງຈິງຈັງ.

ນອກຈາກນັ້ນ, ທ່ານທູດຍັງໄດ້ສະຫລຸບ ແລະ ຕີລາຄາສູງຕໍ່ວຽກງານ ການພົວພັນການຮ່ວມມືລະຫວ່າງ ຄູ່ຮ່ວມຊາຕາກໍາ ສອງຊາດລາວຈີນ, ໂດຍທ່ານໄດ້ຍົກ ໃຫ້ເຫັນບາງດ້ານທີ່ພົ້ນເດັ່ນ ຄື: ໃນປີຜ່ານມາການຮ່ວມມື ພັດທະນາລະຫວ່າງ ລາວ-ຈີນ ໄດ້ມີຄວາມ ກ້າວໜ້າຢ່າງວ່ອງໄວ ນັບແຕ່ທ່ານ ສີຈີ້ນຜິງ ເລຂາທິການໃຫຍ່ພັກກອມມູນິດຈີນ ປະທານປະເທດ ສປ ຈີນ ແລະ ທ່ານ ບຸນຍັງ ວໍລະຈິດ ເລຂາທິການໃຫຍ່ ພັກປະຊາຊົນ ປະຕິວັດລາວ ປະທານປະ ເທດ ສປປ ລາວ ໄດ້ລົງນາມແຜນແມ່ບົດ ວ່າດ້ວຍການສ້າງສາຄູ່ຮ່ວມຊາຕາກໍາ ລາວ-ຈີນ ເຊິ່ງຊີ້ໃຫ້ເຫັນຢ່າງຊັດເຈນ ກ່ຽວກັບທິດທາງ ການຮ່ວມມື ພັດທະນາຂອງສອງຊາດ ລາວ-ຈີນ ໄປພ້ອມໆກັນຈົນເຖິງອະນາຄົດຕໍ່ໄປ. ນອນນັ້ນ, ການນໍາລະດັບສູງຂອງສອງປະເທດລາວ-ຈີນ ຍັງໄດ້ເດີນທາງ ໄປມາຢ້ຽມຢາມ ແລະ ພົວພັນການຮ່ວມມືກັນໃນຫລາຍດ້ານ ໄດ້ຮັບຜົນສໍາເລັດທີ່ຈົບງາມ ໂດຍສະເພາະທັງສອງຝ່າຍໄດ້ ສະແດງຄວາມຊົມເຊີຍ ຕໍ່ຜົນງານໂຄງການ ກໍ່ສ້າງເສັ້ນທາງລົດໄຟ ທີ່ໃກ້ຈະສໍາເລັດ ໃນອະນາຄັດອັນໃກ້.

ສໍາລັບປີ 2020 ນີ້ ສປ ຈີນ ແລະ ສປປ ລາວ ຈະສືບຕໍ່ດຳເນີນວຽກງານ ອັນສໍາຄັນຫລາຍດ້ານ ໂດຍສະເພາະແມ່ນ ວຽກງານຍົກລະດັບຄວາມສາມາດ ໃນການປົກຄອງ ແລະ ພັດທະນາປະເທດ ພ້ອມທັງຮ່ວມກັນປົກປັກ ຮັກສາຜົນປະໂຫຍດຂອງປະເທດ ແລະ ສືບຕໍ່ພັດທະນາດ້ານອື່ນ ໃຫ້ສໍາເລັດທັນເວລາ.

ທ່ານ ຈ່ຽງຈ່າຍຕົງ ໃຫ້ຮູ້ຕື່ມວ່າ: ໃນທົ່ວໂລກມີປະຊາຊົນ 3 ຕື້ຄົນ ທີ່ມີ GDP ເຖິງຫລາຍກວ່າ 10 ພັນໂດລາ; ສໍາລັບປະຊົນຊົນຈີນໃນປີ 2019 ບັນລຸ GDP ເຖິງ 1.0276 ໂດລາ ເຊິ່ງເປັນຄັ້ງປະຫວັດສາດຂອງຈີນ ທີ່ມີຄວາມໝາຍຄວາມສໍາຄັນ, ນອກນັ້ນອັດຕາເຕີບໂຕ ທາງດ້ານເສດຖະກິດ ໄດ້ບັນລຸ 6,1% ຖ້າທຽບໃສ່ ເສດຖະກິດ ຂອງປະເທດ ທີ່ພັດທະນາຕ່າງໆໃນໂລກ, ອັດຕາເຕີບໂຕຂອງເສດຖະກິດຈີນ ແມ່ນໄວກວ່າໝູ່ ເຊິ່ງກວມເອົາ 16% ຂອງ GDP ໂລກ. ສໍາລັບວຽກງານ 2020 ລັດ ຖະບານຈີນ ຈະສືບຕໍ່ໃຫ້ປະຊາຊົນມີຊີວິດ ການເປັນຢູ່ທີ່ດີ ແລະ ພັດທະນາທຸກດ້ານ ເພື່ອໃຫ້ປະຊາຊົນທົ່ວປະເທດ ຫລຸດພຸ້ນອອກຈາກ ຄວາມທຸກຍາກຢ່າງແທ້ຈິງ.

Medialaos