ຕອນເຊົ້າວັນທີ 22 ມັງກອນ 2019 ນີ້ເມືອງ ໄຊຍະບູລີ ໄດ້ຈັດກອງປະຊຸມສະຫຼຸບຂະບວນການແຂ່ງຂັນຮັກຊາດ ແລະ ພັດທະນາ. ທີ່ຫ້ອງປະຊຸມຫ້ອງວ່າການເມືອງໄຊຍະບູລີໂດຍການໃຫ້ກຽດເຂົ້າຮ່ວມຂອງທ່ານນາງ ບຸນພັກ ອິນທະປັນຍາ ຄະນະປະຈຳພັກແຂວງ ຮອງເຈົ້າແຂວງ ໄຊຍະບູລີ, ທ່ານ ບຸນແທນ ທີແກ້ວ ກໍຳມະການພັກແຂວງ ເລຂາພັກເມືອງ ເຈົ້າເມືອງ ໄຊຍະບູລີ, ມີແຂກຮັບເຊີນຈາກແຂວງ, ຫົວໜ້າ, ຮອງຫົວໜ້າຫ້ອງການຂອງເມືອງ, ນັກທຸລະກິດ-ຜູ້ປະກອບການຕະຫຼອດຮອດນາຍບ້ານພາຍໃນເມືອງໄຊຍະບູລີເຂົ້າຮ່ວມ.

ໃນກອງປະຊຸມພາຍຫຼັງທ່ານ ບຸນແທນ ທີແກ້ວ ກໍຳມະການພັກແຂວງ ເລຂາພັກເມືອງ ເຈົ້າເມືອງ ໄຊຍະບູລີ ກ່າວເປີດກອງປະຊຸມຢ່າງເປັນທາງການແລ້ວຈາກນັ້ນ ທ່ານ ຄຳຜາຍ ແກ້ວບົວຮອງເລຂາພັກເມືອງ ຜູ້ຊີ້ນຳວຽກງານການເມືອງແນວຄິດ ແລະ ວຽກງານວັດທະນະທໍາສັງຄົມກໍ່ໄດ້ຂື້ນຜ່ານບົດສະຫຼຸບຜົນການຈັດຕັ້ງປະຕິບັດຂະບວນການແຂ່ງຂັນຮັກຊາດ ແລະ ພັດທະນາ ທ່ານກ່າວວ່າ: ເພື່ອຜັນຂະຫຍາຍແນວທາງນະໂຍບາຍຂອງພັກ-ລັດໃຫ້ເຂົ້າສູ່ຊີວິດຕົວຈີງ ໂດຍສະເພາະແມ່ນແຜນພັດທະນາເສດຖະກິດ-ສັງຄົມຂອງເມືອງວາງອອກໃນຂົງເຂດວຽກງານຕ່າງໆ ແລະ ເພື່ອເປັນການສ້າງຂະບວນການຮອບດ້ານກະກຽມໃຫ້ແກ່ການດຳເນີນກອງປະຊຸມໃຫ່ຍຄັ້ງທີ IX ຂອງອົງຄະນະພັກເມືອງໃຫ້ມີເນື້ອໃນອຸດົມສົມບູນ ແລະ ຄົບຖ້ວນ ດັ່ງນັ້ນອົງຄະນະພັກເມືອງໄຊຍະບູລີ ຈື່ງໄດ້ເປີດຂະບວນການແຂ່ງຂັນຮັກຊາດ ແລະ ພັດທະນາໂດຍເລີ່ມຈາກບຸກຄົນ, ຄອບຄົວ, ຫົວໜ່ວຍຜະລິດ, ໜ່ວຍງານ, ບ້ານ ແລະ ສໍານັກງານ, ອົງການອ້ອມຂ້າງເມືອງຢ່າງເປັນຂະບວນການກ້ວາງຂວາງ ແຕ່ວັນທີ 1 ຕຸລາ 2013ເປັນຕົ້ນມາ, ໂດຍໄດ້ຖືເອົາຂໍ້ແຂ່ງຂັນເປັນໄມ້ຫຼາວັດແທກ ແລະ ປະເມີນຜົນຕາມ 4 ເນື້ອໃນ 4 ຄາດໝາຍ, ຜ່ານການແຂ່ງຂັນເຫັນວ່າແຕ່ລະຄອບຄົວແມ່ນມີການຜະລິດເປັນສີນຄ້າ, ມີຄວາມສາມັກຄີປອງດອງ, ບໍ່ລະເມີດກົດໝາຍ ສະແດງອອກຄື:

ຄອບຄົວມີການຜະລິດເປັນສີນຄ້າມີ 1.720 ຄອບຄົວ, ຄອບຄົວມີວຽກເຮັດງານທໍາ, ມີແຫຼ່ງລາຍຮັບໜັ້ນທ່ຽງ ແລະ ຫຼຸດພົ້ນຈາກຄວາມທຸກຍາກມີ 1.790 ຄອບຄົວ, ໄດ້ຮັບໃບຢັ້ັ້ງຢືນເປັນຄອບຄົວພັດທະນາແລ້ວ 10.094ຄອບຄົວ, ເປັນຄອບຄົວແບບຢ່າງປະຕິບັດກົດໝາຍໄດ້ 15.000 ກວ່າຄອບຄົວ,ເປັນຄອບຄົວປ້ອງກັນຊາດດີ 14.351 ຄອບຄົວ, ສາມາດຮັບຮອງເປັນບ້ານປະຕິບັດກົດໝາຍແລ້ວ 78 ບ້ານເທົ່າກັບ 100%, ບ້ານແບບຢ່າງປ້ອງກັນຄວາມສະຫງົບດີ 78 ບ້ານເທົ່າກັບ 100%, ບ້ານແບບຢ່າງປ້ອງກັນຊາດເຂັ້ມແຂງໄດ້ 78 ບ້ານເທົ່າກັບ 100%, ບ້ານສາທາລະນະສຸກແບບຢ່າງ 77 ບ້ານ ເທົ່າກັບ 98,77%, ບ້ານແບບຢ່າງແມ່ຍິງ 3 ດີ 78 ບ້ານເທົ່າກັບ 100%, ບ້ານຍຸດຕິການຖາງປ່າເລື່ອນລອຍ 78 ບ້ານເທົ່າກັບ 100%, ບ້ານວັດທະນະທໍາ 71 ບ້ານ ເທົ່າກັບ 91% ບ້ານແບບຢ່າງລືບລ້າງຄວາມທຸກຍາກ, ຄອບຄົວພໍກີນພໍໃຊ້ ແລະ ຂາຍເປັນສີນຄ້າໃຫ້ຮັ່ງມີຂື້ນໄດ້ 78 ບ້ານເທົ່າກັບ 100% ຕໍ່ກັບຜົນງານດັ່ງກ່າວສາມາດແບ່ງປະເພດຂອງຄອບຄົວຊາວກະສິກອນປະເພດ I ມີ 9.287 ຄອບຄົວ, ປະເພດ II ມີ 470 ຄອບຄົວ, ປະເພດIII ມີ 71 ຄອບຄົວແລະ ບໍ່ຈັດປະເພດ 13 ຄອບຄົວ( ສາເຫດອອກເຮືອນໃໝ່), ຄອບຄົວນັກທຸລະກິດຜູ້ປະກອບການໄດ້ປະເພດ I ມີ 1.781 ຄອບຄົວ, ປະເພດ II ມີ 38 ຄອບຄົວ, ປະເພດIII ມີ 3 ຄອບຄົວ, ບໍ່ຈັດປະເພດ ມີ 3 ຄອບຄົວ, ຄອບຄົວພະນັກງານຫຼືພະນັກງານສົ້ນໜື່ງປະເພດ I ມີ 3.484 ຄອບຄົວ, ປະເພດ II ມີ 20 ຄອບຄົວ, ປະເພດIII ມີ 2 ຄອບຄົວ, ປະເພດໜ່ວຍຄອບຄົວປະເພດ I ມີ 1.313 ໜ່ວຍ, ປະເພດ II ມີ 68 ໜ່ວຍ, ປະເພດຂໍ້ແຂ່ງຂັນຂອງບ້ານປະເພດ I ມີ 15 ບ້ານ, ປະເພດ II ມີ 63 ບ້ານ, ປະເພດຂໍ້ແຂ່ງຂັນພະນັກງານລັດຖະກອນໄດ້ປະເພດ I ມີ 288 ທ່ານ, ປະເພດ IIມີ 480 ທ່ານ, ປະເພດຂໍ້ແຂ່ງຂັນຂອງສຳນັກງານປະເພດ I ມີ 22 ຫ້ອງການ, ປະເພດ II ມີ 7 ຫ້ອງການ, ປະເພດຂໍ້ແຂ່ງຂັນຂອງເມືອງໄດ້ປະເພດ I. ຈາກນັ້ນໃນກອງປະຊຸມກໍ່ໄດ້ມອບໃບຍ້ອງຍໍຂອງທ່ານເຈົ້າແຂວງ, ທ່ານເຈົ້າເມືອງໃຫ້ບຸກຄົນທີ່ມີຜົນງານດີເດັ່ນໃນການຈັດຕັ້ງປະຕິບັດຂະບວນແຂ່ງຂັນຮັກຊາດ ແລະ ພັດທະນາ ໃຫ້ກຽດມອບໂດຍທ່ານ ນາງບຸນພັກ ອິນທະປັນຍາ ຄະນະປະຈຳພັກແຂວງ ຮອງເຈົ້າແຂວງ ໄຊຍະບູລີ ແລະ ທ່ານ ບຸນແທນ ທີແກ້ວ ກໍຳມະການພັກແຂວງ ເລຂາພັກເມືອງ ເຈົ້າເມືອງ ໄຊຍະບູລີ.

ໂດຍ: ສົມພົງ ສີສະຫັວດ.
Medialaos xayaboury