12 ໜ່ວຍພັກທີ່ຂຶ້ນກັບເມືອງ ອາດສະພັງທອງ ຈັດພິທີເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ

0
269

ໃນວັນທີ 23 ມັງກອນ 2020 ນີ້; ຢູ່ທີ່ສະໂມສອນຂອງເມືອງ ອາດສະພັງທອງ ໄດ້ຈັດພິທີເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນຂຶ້ນຢ່າງເປັນທາງການ.ໂດຍພາຍໃຕ້ການເຂົ້າຮ່ວມຂອງສະຫາຍ ສຸລິໂຍ ສີລາວົງ ຮອງເລຂາຄະນະບໍລິຫານງານພັກເມືອງ ອາດສະພັງທອງ, ມີຄະນະກວດກາພັກລັດເມືອງ, ຄະນະຈັດຕັ້ງເມືອງ, ເລຂາໜ່ວຍພັກ, ຕະຫຼອດຮອດສະມາຊິກພັກພາຍໃນ 12 ໜ່ວຍພັກຄື; ໜ່ວຍພັກຫ້ອງວ່າການ, ໜ່ວຍພັກໂຄສະນາອົບຮົມ, ໜ່ວຍພັກແຮງງານສະຫວັດດີການສັງຄົມ,ໜ່ວຍພັກຈັດຕັ້ງ, ໜ່ວຍພັກຖະແຫຼງຂ່າວວັດທະນະທໍາທ່ອງທ່ຽວ, ໜ່ວຍພັກອຸດສາຫະກໍາການຄ້າ, ໜ່ວຍພັກກໍາມະບານ, ໜ່ວຍພັກໂຮງຮຽນມັດທະຍົມສາມັກຄີໄຊ, ໜ່ວຍພັກພະແນກເສນາທິການ, ໜ່ວຍພັກສານປະຊາຊົນເຂດ 4 ແລະ ໜ່ວຍພັກທະນາຄານ ພ້ອມດ້ວຍແຂກທີ່ຖືກເຊີນຈາກພາກສ່ວນຕ່າງໆ ກໍ່ໄດ້ເຂົ້າຮ່ວມ.

ໂດຍປະຕິບັດຕາມ ມະຕິຕົກລົງຂອງຄະນະປະຈໍາພັກເມືອງ ອາດສະພັງທອງ ວ່າດ້ວຍການອະນຸມັດເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນໂດຍອີງຕາມກົດລະບຽບຂອງພັກປະຊາຊົນປະຕິວັດລາວສະໄໝທີ X ທີ່ກໍານົດໄວ້ໃນໝວດທີ I ມາດຕາທີ 2 ວ່າດ້ວຍກົດລະບຽບການຂະຫຍາຍພັກ, ດັ່ງນັ້ນ ຄະນະປະຈໍາພັກເມືອງຈຶ່ງຕົກລົງເຫັນດີໃຫ້ 15 ສະຫາຍ, ຍິງ 9 ສະຫາຍ ເລື່ອນຂຶ້ນເປັນສະມາຊິກພັກສົມບູນນັບແຕ່ມື້ລົງລາຍເຊັ່ນເປັນຕົ້ນໄປ. ໃນພິທີກໍ່ໄດ້ມີການກ່າວຮັບສະມາຊິກພັກສໍາຮອງເລື່ອນຂຶ້ນເປັນສະມາຊິກພັກສົມບູນຢ່າງເປັນທາງການ. ຈາກນັ້ນກໍ່ໄດ້ຈັດພິທີຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສໍາຮອງໂດຍປະຕິບັດຕາມມະຕິຕົກລົງຂອງຄະນະປະຈໍາພັກເມືອງວ່າດ້ວຍການອະນຸມັດຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສໍາຮອງໂດຍອີງຕາມກົດລະບຽບຂອງພັກປະຊາຊົນປະຕິວັດລາວສະໄໝທີ X ທີ່ກໍານົດໄວ້ໃນໝວດທີ I ມາດຕາທີ 2 ວ່າດ້ວຍກົດລະບຽບການຂະຫຍາຍພັກ, ຂອງ 5 ໜ່ວຍພັກຄື: ໜ່ວຍພັກສານປະຊາຊົນເຂດ 4, ໜ່ວຍພັກທະນາຄານ, ໜ່ວຍພັກກໍາມະບານ ແລະ ໜ່ວຍພັກໂຮງຮຽນມັດທະຍົມສາມັກຄີໄຊ, ຄະນະປະຈໍາພັກເມືອງຈຶ່ງຕົກລົງເຫັນດີໃຫ້ 9 ສະຫາຍ, ຍິງ 5 ສະຫາຍ ເຂົ້າເປັນສະມາຊິກພັກສໍາຮອງ.

ເພື່ອໃຫ້ພິທີມີຄວາມໝາຍຄວາມສໍາຄັນຂຶ້ນຕື່ມໃນຕອນທ້າຍຂອງພິທີ ສະຫາຍ ສຸລິໂຍ ສີລາວົງ ຮອງເລຂາຄະນະບໍລິຫານງານພັກເມືອງ ອາດສະພັງທອງກໍ່ໄດ້ໃຫ້ກຽດໂອ້ລົມຕໍ່ພິທີເຊິ່ງສະຫາຍໄດ້ເນັ້ນໃສ່ ສິດ ແລະ ໜ້າທີ່ຂອງສະມາຊິກພັກສົມບູນ ແລະ ຂໍ້ 9 ຂໍ້ຫ້າມຂອງສະມາຊິກພັກ ແລະ ສະຫາຍຍັງໄດ້ຮຽກຮ້ອງໃຫ້ບັນດາໜ່ວຍພັກ ແລະ ສາມາຊິກພັກຈົ່ງພ້ອມຮ່ວມແຮງຮ່ວມໃຈກັນເອົາໃຈໃສ່ໃນການສຶບຕໍ່ຂະຫຍາຍພັກ ແລະ ຈົ່ງພ້ອມກັນເອົາໃຈໃສ່ໃນໜ້າທີ່ວຽກງານຂອງຕົນເຮັດໃຫ້ໜ່ວຍພັກກາຍເປັນໜ່ວຍພັກເຂັ້ມແຂງ, ປອດໄສ ແລະ ໜັກແໜ້ນຕື່ມອີດດ້ວຍ.

ພາບ ແລະ ຂ່າວໂດຍ: ສາຍສະໝຸດ ສິມພະລີວົງ
savannakhet medialao
s