ປິດຊຸດຝຶກອົບຮົມ ການສ້າງຕັ້ງສະມາຄົມ ໃຫ້ແກ່ຜູ້ຮັບຜິດຊອບວຽກງານອົງການຈັດຕັ້ງສັງຄົມຂັ້ນແຂວງ ຢູແຂວງໄຊສົມບູນ

0
185

ກະຊວງພາຍໃນ ຮ່ວມກັບພະແນກພາຍໃນ ແຂວງໄຊສົມບູນ ໄດ້ຈັດຊຸດຝຶກອົບຮົມ ການສ້າງຕັ້ງສະມາຄົມ ໃຫ້ແກ່ຜູ້ຮັບຜິດຊອບວຽກງານອົງການຈັດຕັ້ງສັງຄົມຂັ້ນແຂວງ ໄດ້ສຳເລັດລົງຢ່າງຈົບງາມ ໃນຕອນເຊົ້າຂອງວັນທີ 23 ມັງກອນ ນີ້ ພາຍຫລັງທີ່ໄດ້ດຳເນີນມາເປັນເວລາ 2 ວັນ ທີ່ຫ້ອງປະຊຸມພະແນກສຶກສາທິການ ແລະ ກິລາ ແຂວງໄຊສົມບູນ ໂດຍການເຂົ້າຮ່ວມຂອງທ່ານ ອຳພາ ສິມພະສອນ ຄະນະພັກກະຊວງພາຍໃນ, ຫົວໜ້າກົມພັດທະນາບໍລິຫານລັດ, ມີທິມງານຄູຝຶກຈາກກະຊວງພາຍໃນ ແລະ ສຳມະນາກອນທີ່ຈາກພະແນກການອ້ອມຂ້າງແຂວງ ແລະ ຫ້ອງການພາຍໃນທັງ 5 ເມືອງ ເຂົ້າຮ່ວມ.

ຕະຫລອດໄລຍະການຝຶກອົບຮົມ ບັນດາວິທະຍາກອນ ແລະ ສຳມະນາກອນ ໄດ້ພ້ອມກັນສຸມສະຕິປັນຍາ ເຫື່ອແຮງຂອງຕົນ ເຂົ້າໃນການຝຶກອົບຮົມດ້ວຍຄວາມຮັບຜິດຊອບສູງ ເຮັດໃຫ້ບັ້ນຝຶກອົບຮົມໃນຄັ້ງນີ້ ປະສົບສຳເລັດຕາມລະດັບຄາດໝາຍ. ຊຸດຝຶກອົບຮົມໃນຄັ້ງນີ້ ສຳມະນາກອນໄດ້ຮຽນຮູ້ກ່ຽວກັບການນຳໃຊ້ປຶ້ມຄູມືການຈັດຕັ້ງປະຕິບັດວຽກງານສະມາຄົມ, ການຂໍອະນຸມັດສ້າງຕັ້ງ, ຈົດທະບຽນ ແລະ ຕໍ່ທະບຽນສະມາຄົມຂອງບຸກຄົນ, ນິຕິບຸກຄົນ ຫລື ການຈັດຕັ້ງ, ການພິຈາລະນາສ້າງຕັ້, ຈົດທະບຽນ ແລະ ຕໍ່ທະບຽນສະມາຄົມ, ກິດຈະກຳເພື່ອຈຳລອງສະຖານະການ ໃນການສະເໜີ ແລະ ພິ ຈາລະນາຂໍສ້າງຕັ້ງສະມາຄົມ, ການພິຈາລະນາຂໍຮັບຮອງການແຕ່ງຕັ້ງຄະນະຂົນຂວາຍສ້າງຕັ້ງສະມາຄົມ ແລະ ການພິຈາລະນາອະນຸມັດເປີດກອງປະຊຸມສ້າງຕັ້ງສະມາຄົມ, ການພິຈາລະນາອະນຸມັດສ້າງຕັ້ງສະມາຄົມ, ຮັບຮອງກົດລະບຽບ ແລະ ຄະນະບໍລິຫານສະມາຄົມ ແລະ ການພິຈາລະນາຈົດທະບຽນສະມາຄົມ.

ຊຶ່ງໃນການຝຶກອົບຮົມແມ່ນໄດ້ຈັດແບ່ງອອກເປັນກຸ່ມເພື່ອຄົ້ນຄົ້ວາ ທັງນີ້ ກໍ່ເພື່ອເປັນການເປັນການຍົກລະດັບຄວາມຮູ້ ຄວາມສາມາດ ໃຫ້ແກ່ຜູຮັບຜິດຊອບວຽກງານອົງການຈັດຕັ້ງສັງຄົມຂັ້ນແຂວງ ໄດ້ຮັບຮຸ້ ແລະ ເຂົ້າໃຈຢ່າງເລິກເຊິ່ງ ກ່ຽວກັບການສ້າງຕັ້ງສະມາຄົມ ເພື່ອນຳເອົາບົດຮຽນໄປນຳໃຊ້ເຂົ້າໃນການປະຕິບັດໜ້າທີ່ວຽກງານໃຫ້ມີປະສິດທິພາບ ແລະ ປະສິດທິຜົນຫລາຍສູງຂຶ້ນໃນຕໍ່ໜ້າ.

MediaLao xaysomboun
ພາບ-ຂ່າວ: ນາງ ພຸດສະສອນ ເວດສະວົງ