ໃນຕອນເຊົ້າຂອງວັນທີ 22 ມັງກອນ 2020 ເມືອງບາຈຽງຈະເລີນສຸກ,​ ແຂວງຈຳປາສັກ​ ປະກາດຮັບຮອງ8 ຫ້ອງການ 3 ບ້ານພັດທະນາໃຫ້ກຽດເປັນປະທານຂອງທ່ານ ສົມສະໜິດ ບຸດຕິວົງ ຮອງເຈົ້າແຂວງໆຈຳປາສັກ , ເປັນກຽດເຂົ້າຮ່ວມຂອງທ່ານ ໂສມ ບຸດຕະກຸນ ເຈົ້າເມືອງໆ ບາຈຽງຈະເລີນສຸກ ມີການນຳຂັ້ນແຂວງ,ການຂັ້ນນຳເມືອງ ,ຫົວຫນ້າຫ້ອງການ,ຮອງຫ້ອງການ ,ພະນັກງານລັດຖະກອນ, ອຳນາດການປົກຄອງບ້ານແລະພໍ່ແມ່ປະຊາຊົນໃນ 3 ບ້ານເຂົ້າຮ່ວມ.

ໃນພິທີ ທ່ານ ເກິນ ສັກບົວວົງ ຮອງເຈົ້າເມືອງໆບາຈຽງຈະເລີນ​ສຸກ ຜ່ານບົດລາຍງານ ການນຳພາສ້າງ 8 ຫ້ອງການແລະ 3 ບ້ານເປັນຫ້ອງການ-ບ້ານພັດທະນາວ່າ: ນັບແຕ່ເດືອນ ກໍລະກົດ 2018 ຮອດເດືອນທັນວາ 2019 ໂດຍສຸມໃສ່ສາມວຽກເປັນຕົ້ນແມ່ນ: ການສ້າງບ້ານ-ສ້າງກົມກອງພັດທະນາແລະສ້າງບ້ານໃຫ່ຍໃຫ້ກາຍເປັນຕົວເມືອງນ້ອຍໃນຊົນນະບົດ ຕິດພັນກັບການຈັດຕັ້ງປະຕິບັດຂະບວນແຂ່ງຂັນ ຮັກຊາດແລະພັດທະນາ ໃຫ້ເປັນຂະບວນດຟົດຟື້ນ ຈິ່ງສາມາດຮັບນາມມະຍົດເປັນຫ້ອງການພັດທະນາໄດ້ 8 ຫ້ອງການຄື: ຫ້ອງວ່າການ, ຫ້ອງການຈັດຕັ້ງ, ຫ້ອງການກວດກາລັດ, ຫ້ອງການຍຸຕິທຳ,ຫ້ອງການຊາວໜຸ່ມ, ຫ້ອງການສະຫະພັນແມ່ຍີງ, ຫ້ອງການແນວລາວສ້າງຊາດແລະ 3ບ້ານພັດທະນາຄື:

ບ້ານໜອງຫົວຄວາຍ, ບ້ານແກ້ງຕື້ນ ແລະ ບ້ານໂນນສອນ, ພ້ອມນັ້ນທ່ານ ຄຳໄຫຼ ລາດຊາບັນດິດ ຫົວໜ້າຫ້ອງການພາຍໃນເມືອງ ຍັງໄດ້ຜ່ານ ຂໍ້ຕົກລົງຂອງທ່ານ ເຈົ້າແຂວງໆຈຳປາສັກ ວ່າດ້ວຍການຮັບຮອງນາມມະຍົດເອົາ 8 ຫ້ອງການແລະ 3 ບ້ານພັດທະນາ ພ້ອມທັງມີການມອບໃບຢັ້ງຢືນບ້ານສາມັກຄີປອງດອງ,ໃບຢັ້ງຢືນຮັບຮອງເອົາເມືອງບາຈຽງຈະເລີນສຸກເປັນເມືອງ ສະຫະພັນແມ່ຍິງ 3 ດີ,ໃບຢັ້ງຢືນ8ຫ້ອງການແລະ3ບ້ານພັດທະນາຈາກນັ້ນ ໃນກອງປະຊຸມຍັງໄດ້ມອບໃບຢັ້ງຢືນນາມມະຍົດ 8 ຫ້ອງການແລະ 3 ບ້ານ ເປັນບ້ານພັດທະນາ ແລະມອບໃບຢັ້ງຢືນ

ເມືອງ ບາຈຽງ ເປັນເມືອງ 3 ດີ ຂອງທ່ານ ສົມສະໜິດ ບຸດຕິວົງ ຮອງເຈົ້າແຂອງ​ໆ​ຈຳປາສັກ ພ້ອມນັ້ນທ່ານຍັງໄດ້ຍ້ອງຍໍຊົມເຊີຍຕໍ່ຜົນງານການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງພັດທະນາຊົນນະບົດຮອບດ້ານເວົ້າລວມເວົ້າສະເພາະແມ່ນການສ້າງຜົນສ້າງຂະບວນການຂໍ່ານັບຮັບຕ້ອນກອງປະຊຸມ3ຂັ້ນຂອງພັກກໍ່ຄືກອງປະຊຖມໃຫຍ່ຄັ້ງທີVIIIຂອງອົງຄະນະ​ພັກ​ເມືອງ​ທີ່​ຈະ​ມາເຖິງ ເຊິ່ງເປັນການຢັ້ງຢືນເຖິງການພັດທະນາໃນແຕ່ລະຂົງເຂດວຽກງານຢູ່ຂັ້ນຮາກຖານທີ່ຖືກຕ້ອງຕາມຄຳສັ່ງແນະນຳຂອງພັກວາງງອອກ ນອກ​ນັ້ນທ່ານ ສົມສະໜິດ ບຸດຕິວົງພ້ອມການນຳຂອງແຂວງ-ເມືອງຍັງໄດ້ເປີດປ້າຍຕັດແທບຜ້າແລະລັ່ນຄ້ອງ9ບາດເພືາອເປັນສີລິມຸງຄຸນອິກ​ດ້ວຍ.

ສື່ມວນຊົນແຂວງຈຳປາສັກ
MEDIALAOS
ຂ່າວ: ນາງ ວຽງ​ອ​ຳ​ໄພ ຖວທເມືອງ