ການເລືອກຂອງຂວັນປີໃໝ່ຈີນ ແມ່ນລະອຽດອ່ອນຫຼາຍສຳລັບຄົນຈີນ ໂດຍສະເພາະແມ່ນວັນບຸນສຳຄັນເຊັ່ນ: ບຸນປີໃໝ່ຈີນ ເນື່ອງຈາກວ່າຖ້າສິ່ງທີ່ພວກເຮົາສະໜອງໃຫ້ກົງກັນຂ້າມກັບຄວາມເຊື່ອ ຫຼື ໂຊກລາງ ບາງເທື່ອເບິ່ງຄືວ່າເຮົາບໍ່ໃສ່ໃຈກັບຜູ້ທີ່ໄດ້ຮັບເທົ່າທີ່ຄວນ ແລະ ຍັງອາດຈະຖືກປະຕິເສດໂດຍຜູ້ຮັບເຊັ່ນກັນ ສະນັ້ນມື້ນີ້ມານຳສະເໜີເຄັດລັບໃນການເລືອກສີ່ງມົງຄຸນເພື່ອເປັນ “ຂອງຂວັນປີໃໝ່ຈີນ” ໄວ້ເປັນແນວທາງໃນການຊື້.

ແນ່ນອນວ່າສີສັນຂອງບຸນປີໃໝ່ຈີນແມ່ນສິ່ງທີ່ຫຼີກລ້ຽງບໍ່ໄດ້ ໂດຍສະເພາະແມ່ນສີແດງຈະໂດດເດັ່ນສະດຸດຕາ ເຊີ່ງມາໃນຮູບແບບຂອງອຸປະກອນເສີມເຊັ່ນ: ເຄື່ອງປະດັບ, ເຄື່ອງນຸ່ງຫົ່ມ ແລະ ຂອງໄຫວ້ຕ່າງໆ ເພາະວ່າສີແດງແມ່ນສີສັນຂອງໄວລຸ້ນ, ແສງສະຫວ່າງ ແລະ ສົດໃສຕາມຄວາມເຊື່ອຂອງຄົນບູຮານມີພະລັງໃນການຂັບໄລ່ຄວາມບໍ່ດີອອກຈາກຕົນເອງ.

ຄຳ

ຕາມຄວາມເຊື່ອຂອງຊາວຈີນ ຄຳສະແດງເຖິງຄວາມຈະເລີນຮຸ່ງເຮືອງຂອງຊີວິດ ມາຮອດປັດຈຸບັນມັນໄດ້ກາຍເປັນສ່ວນໜຶ່ງຂອງທຸກໆ ພິທີກຳຂອງຊາວຈີນ ໂດຍສະເພາະກັບງານບຸນທີ່ສຳຄັນເຊັ່ນ: ບຸນປີໃໝ່ຈີນ ຄໍາແມ່ນຍັງເປັນຕົວຊີ້ບອກຄວາມໝັ້ນຄົງດ້ານການເງິນ.

ໝາກກ້ຽງ

ໝາກກ້ຽງ ແມ່ນໝາກໄມ້ທີ່ສັກສິດຂອງຄົນຈີນ ແລະ ເປັນໝາກໄມ້ທີ່ນິຍົມໃຊ້ເປັນຂອງຂັວນໃນທຸກໆ ວັນງານສຳຄັນ ນອກຈາກນັ້ນຍັງໃຊ້ໄຫວ້ພະເຈົ້າ ແລະ ສິ່ງສັກສິດ ເຊັ່ນດຽວ ກັນກັບປີໃໝ່ຈີນ ຫຼື ບຸນກຸດຈີນ, ງານດອງ, ການສະເຫຼີມສະຫຼອງ ແລະ ການອວຍພອນໃຫ້ແກ່ຜູ້ເຖົ້າຜູ້ແກ່ທີ່ນັບຖື ຄົນຈີນມັກຖືໝາກກ້ຽງໄປເປັນຂອງຂັວນຕະຫຼອດ.

ຊາ

ຊາວຈີນມີປະຫວັດການດື່ມນໍ້າຊາຫຼາຍກ່ວາສີ່ພັນປີ ມາຮອດປະຈຸບັນການດື່ມນໍ້າຊາໄດ້ກາຍເປັນສ່ວນໜຶ່ງຂອງຊີວິດປະຈຳວັນ ໂດຍສະເພາະແມ່ນປະເພນີການດື່ມນໍ້າຊາຂອງຜູ້ເປັນເຈົ້າພາບ ເມື່ອແຂກມາເຮືອນ ທຸກໆ ຫຼັງຄາເຮືອນກໍ່ຕ້ອງມີຊາໄວ້ເຮືອນ.

ເລກມົງຄຸນ

ຕົວເລກໃນຄວາມເຊື່ອຂອງຄົນຈີນແມ່ນມີຄວາມສຳຄັນຄືກັນກັບສິ່ງອື່ນໆ ດັ່ງນັ້ນພວກເຮົາຈີ່ງຕ້ອງຮູ້ຈັກຕົວເລກທີ່ດີທີ່ສຸດ ເຊິ່ງໃນພາສາຈີນແມ່ນ “SiLi” ຫຼື ໝາຍເຖີງເລກ 4 ທີ່ມີຄວາມໝາຍເປັນມົງຄຸນ ດັ່ງນັ້ນພວກເຮົາມີຈີ່ງມັກເຫັນການໃຫ້ເງີນ ຈຳນວນເງິນ 400 ຫຼືຖ້າຕ້ອງການເພີ່ມເຕີມ ກໍ່ຕ້ອງເພີ່ມຂື້ນເປັນ 2 ແລະ 3 ເທົ່າຂອງຈຳນວນ.