ກອງປະຊຸມໃຫ່ຍຄັ້ງທີ່ X ຂອງອົງຄະນະພັກເມືອງຜົ້ງສາລີໄຂຂື້ນຢ່າງເປັນທາງການແລ້ວໃນວັນທີ 28 ມັງກອນ 2020 ໂດຍການເປັນປະທານຂອງສະຫາຍ ທອງສຸກ ເປົາສຸລີ ກຳມະການພັກແຂວງ ເລຂາພັກເມືອງ, ເຈົ້າເມືອງຜົ້ງສາລີ ໃຫ້ກຽດເຂົ້າຮ່ວມຂອງສະຫາຍ ຄໍາຜອຍ ວັນນະສານ ຮັກສາການເລຂາພັກແຂວງ, ຮັກສາການເຈົ້າແຂວງມີຄະນະປະຈໍາພັກແຂວງ, ກໍາມະການພັກແຂວງ,ຮອງເລຂາພັກເມືອງ ຄະນະປະຈຳພັກເມືອງກຳມະການພັກເມືອງ ແຂກຖຶກເຊີນ ພ້ອມດ້ວຍຜູ້ແທນສົມບູນເຂົ້າຮ່ວມ.

ສໍາລັບກອງປະຊຸມໃຫຍ່ ຄັ້ງທີ X ນີ້ ຈະໄດ້ຄົ້ນຄ້ວາ ແລະ ຮັບຮອງເອົາຮ່າງລາຍງານການເມືອງ ແລະ ແຜນພັດທະນາເສດຖະກິດ-ສັງຄົມ ຂອງເມືອງ ໄລຍະ 2020-2024 ແລະ ບົດສໍາຫຼວດການນໍາພາລວມຂອງຄະນະພັກ, ພ້ອມກັນນັ້ນກໍຈະໄດ້ເລືອກຕັ້ງເອົາຄະນະບໍລິຫານງານພັກເມືອງຊຸດໃຫມ່ ເພື່ອສືບຕໍ່ຊີ້ນໍາ-ນໍາພາພາລະກິດໃນການປົກປັກຮັກສາ ແລະ ສ້າງສາພັດທະນາເມືອງຜົ້ງສາລີໃຫ້ກ້າວຂຶ້ນ
ກອງປະຊຸມໃຫ່ຍຜູ້ແທນອົງຄະນະພັກເມືອງຄັ້ງທີ X ຈະໄດ້ດຳເນີນເປັນເວລາ 2 ວັນຈື່ງຈະສຳເລັດ.

MediaLaos phohgsaly
ພາບ-ຂ່າວ ສົມຈັນ ຄຸນແກ້ວ