ເພື່ອເປັນການທົບທວນບົດບັນທຶກຊ່ວຍຈຳ ລະຫວ່າງຄະນະບໍລິຫານງານຊາວໜູ່ມ ປະຊາຊົນ ປະຕິວັດລາວ ແຂວງສະຫວັນນະເຂດ ແຫ່ງ ສປປລາວ ກັບ ຄະນະບໍລິຫານງານຊາວໜູ່ມກອມມູນິດໂຮຈີມີນ ແຂວງກວາງຈິ ແຫ່ງ ສ.ສ ຫວຽດນາມ.
ໃນລະຫວ່າງ ວັນທີ່ 20-23 ສິງຫາ 2019 ທີ່ຜ່ານມານີ້ທາງຄະນະບໍລິຫານງານ ແຂວງສະຫວັນນະເຂດ ນໍາໂດຍ ສະຫາຍ ພູລຳພອນ ສີຫາວົງ ເລຂາຄະນະບໍລິຫານງານຊາວໜູ່ມ ແຂວງສະຫວັນນະເຂດ ພ້ອມດ້ວຍຄະນະຊາວໜຸ່ມຮາກຖານຊາວໜຸ່ມ ພະແນກການອ້ອມຂ້າງແຂວງ ແລະ ເມືອງ ແລະ ວິຊາການ ເຂົ້າຮ່ວມທັງໝົດ 15 ສະຫາຍ ໄດ້ເດີນທາງໄປແຂວງກວາງຈິ ເພື່ອຈັດງານພົບປະກັບຄະນະບໍລິຫານງານແຂວງກວາງຈິ ແຫ່ງ ສ.ສ ຫວຽດນາມ ຢ່າງເປັນທາງການໃຫ້ກຽດຕ້ອນຮັບຂອງສະຫາຍ ຫວຽນແຂັງວູ໊ ເລຂາຄະນະຊາວໜຸ່ມພ້ອມຄະນະ ແລະ ບັນດາສະມາຊິກຊາວໜຸ່ມ-ເຍົາວະຊົນ ແຂວງກວາງຈິ ໃນວັນດຽວກັນນັ້ນກໍ່ໄດ້ເດີນທາງ ໄປເຂົ້າວາງພວງມາລາຮູບບັ້ນອະດິດເລຂາທິການໃຫຍ່ ແຫ່ງ ສ.ສ ຫວຽດນາມ ເພື່ອຈ່າລຶກບຸນຄຸນຜົນງານຂອງເພີ່ນທີ່ມີຕໍ່ປະເທດຊາດ.

ໃນຕອນແລງຂອງວັນທີ 22ສິງຫາ 2019 ໄດ້ເຂົ້າພົບປະກັບຄະນະບໍລິຫານງານຊາວໜຸ່ມ ລະຫວ່າງ 02 ແຂວງກວາງຈິ-ສະຫວັນນະເຂດຢູ່ທີ່ຫ້ອງປະຊູມຫ້ອງການແຂວງກວາງຈິ, ພາຍໃຕ້ການເຂົ້າຮ່ວມຂອງສະຫາຍ ຫງຽນດັງກວາງ ຮອງເລຂາພັກ ແຂວງກວາງຈິ ຜູ້ປະຈຳການ, ພາຍໃຕ້ການເປັນປະທານ ຂອງສະຫາຍ ຫວຽນ ແຂັງວູ໊ ເລຂາຄະນະຊາວໜຸ່ມແຂວງກວາງຈິ ສ.ສ ຫວຽດນາມ, ສະຫາຍ ພູລຳພອນ ສີຫາວົງ ເລຂາຄະນະບໍລິຫານງານຊາວໜຸ່ມແຂວງສະຫວັນນະເຂດ, ເຊິ່ງມີຜູ້ເຂົ້າຮ່ວມທັງໝົດຊາວໜຸ່ມລາວ ແລະ ຊາວໜຸ່ມ ສສຫວຽດນາມ ຈຳນວນ 58 ກວ່າສະຫາຍ, ການພົບປະຕັ້ງນີ້ ທັງສອງຝ່າຍແມ່ນໄດ້ແລກປ່ຽນບົດຮຽນເຊິ່ງກັນ ແລະ ກັນໂດຍສະເພາະແມ່ນວຽກງານການສຶກສາອົບຮົມຊາວໜຸ່ມ,

ສະພາບການເຄື່ອນໄຫວຂອງຊາວໜຸ່ມ, ການດຳລົງຊິວີດຂອງໄວໜຸ່ມໃນສື່ສັງຄົມອອນລາຍ ແລະ ມິດຕະພາບລະຫວ່າງ 02 ແຂວງ ກວາງຈິ-ສະຫວັນນະເຂດ ໃຫ້ມີຄວາມແໜ້ນແຟ້ນຂຶ້ນຕື່ມ, ມາໃນວັນດຽວກັນນີ້ທາງ ຄະະນະບໍລິຫານງານຊາວໜຸ່ມ ແຂວງສະຫວັນນະເຂດກໍ່ໄດ້ເຂົ້າຢ້ຽມຊົມບໍລິສັດໂຮງງານຜະລິດໄຟຟ້າດ້ວຍແສງອາທິດ.ຈາກນັ້ນ ທ່ານ ຫງຽນດັງກວາງ ຮອງເລຂາພັກແຂວງຜູ້ປະຈຳການ ແຂວງ ກວາງຈິ, ທ່ານຍັງໄດ້ເນັ້ນໜັກເຖິງຄວາມສາມັກຄີ ລະຫວ່າງ 2 ຊາດລາວ ແລະ ຫວຽດນາມ ໃຫ້ມີຄວາມໜັກແໜ້ນເຂັ້ມແຂງ, ຊ່ວຍເຫຼືອເຊິ່ງກັນ , ຕໍ່ມາກໍ່ໄດ້ລົງນາມບົດບັນທຶກຊ່ວຍຈຳ ລະຫວ່າງຄະນະບໍລິຫານງານຊາວໜຸ່ມແຂວງສະຫວັນນະເຂດ ແລະ ຄະນະຊາວໜຸ່ມແຂວງ ກວາງຈິ ສ.ສ ຫວຽດນາມ. ມາໃນວັນທີ 23 ສິງຫາ 2019 ຄະນະຜູ້ແທນຊາວໜຸ່ມແຂວງຈຶ່ງໄດ້ເດີນທາງກັບສູ້ແຂວງ ສະຫວັນນະເຂດ.