ວັນທີ 28 ມັງກອນ 2020 ນີ້, ຢູ່ທີ່ຄ້າຍຄຸມຂັງ-ດັດສ້າງແຂວງເຊກອງ ໄດ້ຈັດພິທີປະກາດອະໄພຍະໂທດ, ຜ່ອນໂທດ ແລະ ປ່ອຍຕົວນັກໂທດ ປະຈຳປີ 2019 ຈຳນວນ 19 ຄົນ, ຍິງ 5 ຄົນ, ໂດຍການເປັນປະທານຂອງທ່ານ ປອ ສົມນິດ ສີລິບຸນລ້ຽງ ກໍາມະການພັກແຂວງ, ຫົວໜ້າອົງການໄອຍະການປະຊາຊົນແຂວງ, ຮອງປະທານຄະນະກໍາມະການອະໄພຍະໂທດຂັ້ນແຂວງ, ມີທ່ານ ພັນເອກ ແຄນທອງ ປຶມມະນີ ຮອງພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ນາງ ແກ້ວອຸດອນ ເຜິງແກ້ວມະນີ ຫົວໜ້າຂະແໜງຕິດຕາມກວດກາຄ້າຍຄຸມຂັງ-ດັດສ້າງ ໃຫ້ຮູ້ວ່າ: ຜູ້ທີ່ໄດ້ຮັບອະໄພຍະໂທດ ຫຼຸດຜ່ອນໂທດ, ອະໄພຍະໂທດ ປ່ອຍຕົວ ທັງໝົດມີຈຳນວນ 19 ຄົນ, ຍິງ 5 ຄົນ, ໃນນັ້ນ ຜູ້ທີ່ໄດ້ຮັບອະໄພຍະໂທດ ຫຼຸດຜ່ອນໂທດ ຈໍານວນ 16 ຄົນ, ຈາກຂໍ້ຫາຄ້າຂາຍຢາເສບຕິດ ຈຳນວນ 13 ຄົນ, ຍິງ 1 ຄົນ, ຄ້າມະນຸດ 3 ຄົນ, ຍິງ 3 ຄົນ ແລະຜູ້ທີ່ໄດ້ຮັບອະໄພຍະໂທດ ປ່ອຍຕົວ ມີ 3 ຄົນ, ຍິງ 1 ຄົນ, ຈາກຂໍ້ຫາຄ້າຂາຍຢາເສບຕິດ ຈຳນວນ 2 ຄົນ, ຍິງ 1 ຄົນ ແລະຈາກຂໍ້ຫາພະຍາຍາມຄາດຕະກໍາ ແລະໂຕນໜີຈາກຄ້າຍຄຸມຂັງ-ດັດສ້າງ 1 ຄົນ;

ຊຶ່ງບຸກຄົນດັ່ງກ່າວແມ່ນມີຄວາມກ້າວໜ້າປະພຶດດີ ຈຶ່ງມີການໃຫ້ອະໄພຍະໂທດ ຕໍ່ບຸກຄົນທີ່ຫລົງໄຫລກະທຳຜິດ, ມີຄວາມຮູ້ສຶກກິນແໜງແຄງໃຈ ຕໍ່ການກະທຳຜິດຂອງຕົນ ແລະ ມີຄວາມຈິງໃຈໃຊ້ແທນຄ່າເສຍຫາຍ, ຄ່າປັບໃໝ່ຕາມຄຳຕັດສິນຂອງສານ.

Medialaos Sekong ຂ່າວເຊກອງ
ຂ່າວ:ພຸດທະສອນ