ບໍລິໂພກອາຫານທີ່ມີຄຸນນະໂຫຍດບໍ່ຈຳເປັນຕ້ອງໄປພົບແພດເລື້ອຍໆ

0
305

ໃນປັດຈຸບັນໂພຊະນາການແມ່ນມີຄວາມສຳຄັນຫຼາຍສຳລັບທຸກໄວ ທຸກເພດ ແລະ ມົນລະພິດກໍ່ຫຼາຍ ດັ່ງນັ້ນຖ້າທ່ານກິນສິ່ງໃດກໍ່ຕາມຕ້ອງຄຳເນີງເຖີງຜົນທີ່ຕາມມາ ທ່ານຕ້ອງເບີ່ງແຍງຮັກສາສຸຂະພາບໃຫ້ດີຂື້ນເປັນປະຈຳ.

ສຳລັບທ່ານໃດທີ່ກຳລັງຊອກຫາອາຫານທີ່ມີປະໂຫຍດທີ່ຈະຮັບປະທານ ມື້ນີ້ພວກເຮົາຈະພາທ່ານໄປເບີ່ງນຳກັນເລີຍ.

ໝາກກ້ຽງ
  • ໝາກກ້ຽງ ເປັນໝາກໄມ້ທີ່ມີຄຸນນະພາບສູງ, ມີວິຕາມິນຊີ ເຊິ່ງເປັນຜົນດີຕໍ່ການຜະລິດເມັດເລືອດຂາວ, ຊ່ວຍສ້າງພູມຕ້ານທານ, ມີເສັ້ນໃຍສູງ, ເປັນແຫຼ່ງຂອງສານຕ້ານອະນຸມູນອິດສະຫຼະທີ່ຊ່ວຍປົກປ້ອງຈຸລັງຜິວໜັງຈາກການຖືກທຳລາຍ ແລະ ຊ່ວຍເສີມສ້າງ collagen ໃນຜິວອີກດ້ວຍ.
ດອກກະລໍ່າຂຽວ
  • ດອກກະລໍ່າຂຽວ ເປັນແຫຼ່ງວິຕາມິນຊີ, ວິຕາມິນເອ ແລະ CAB Broccoli ມີ beta-carotene ສູງ ຊ່ວຍບໍາລຸງສາຍຕາ, ມີສານ isothiocyanates ຊ່ວຍຕ້ານມະເຮັງປອດ, ກະເພາະລຳໃສ້ ແລະ ໝາກໄຂ່ຫຼັງ, ວິຕາມິນ K ແມ່ນສານອາຫານທີ່ຊ່ວຍເສີມສ້າງຄວາມເຂັ້ມແຂງໃຫ້ແກ່ກະດູກ.
ໄຂ່
  • ໄຂ່ໄກ່ ແມ່ນແຫຼ່ງຂອງທາດໂປຼຕີນທີ່ມີຄຸນນະພາບສູງເຮັດໃຫ້ທ່ານມີກຳລັງແຮງແຕ່ບໍ່ມີໄຂມັນ, ມີຄຸນປະໂຫຍດໃນການບຳລຸງສາຍຕາ, ມີ lutein ເຊິ່ງຈະຊ່ວຍປ້ອງກັນຜິວຈາກການທຳລາຍຂອງແສງແດດ ສະນັ້ນໄຂ່ໄກ່ຈຶ່ງເປັນອາຫານທີ່ດີ ທີ່ຫາໄດ້ງ່າຍບວກກັບລາຄາງົບປະມານສາມາດປຸງແຕ່ງອາຫານຫຼາຍເມນູ ແລະ ສາມາດກິນໄດ້ທຸກໆ ມື້ ໂດຍບໍ່ມີເບື່ອແນ່ນອນ.
ນົມສົ້ມ
  • ນົມສົ້ມ ມີສານອາຫານຫຼາຍຢ່າງທີ່ຈຳເປັນຕໍ່ຮ່າງກາຍເຊັ່ນ: ໂພແທດຊຽມ, ຟົດສະຟໍ, ສັງກະສີ, ວິຕາມິນ B12 ແລະ ໂປຼຕີນ ທ່ານຄວນກິນນົມສົ້ມມື້ລະ 1 ຈອກ ເພື່ອໃຫ້ມີສຸຂະພາບແຂງແຮງ ແລະ ສຸຂະພາບຂອງທ່ານດີຂື້ນແນ່ນອນ.
ປາ
  • ປາ ນອກຈາກການໃຫ້ທາດໂປຼຕີນສູງ ມັນຍັງມີໂອເມກ້າ 3 ເຊິ່ງເປັນກົດໄຂມັນທີ່ຈໍາເປັນຕໍ່ຮ່າງກາຍຂາດບໍ່ໄດ້ ເພາະມີສ່ວນສຳຄັນຕໍ່ສະໝອງ, ຕັບ, ລະບົບປະສາດ ກ່ຽວກັບການຮຽນຮູ້ ແລະ Retina ພ້ອມທັງຊ່ວຍຫຼຸດລະດັບຄໍເລສເຕີຣອນ ປາທີ່ມີໂອເມກ້າສູງແມ່ນປາໃນທະເລ ເຊັ່ນ: ປາແຊລມອນ, ປາມຶກ, ປາທູນາ ລວມທັງປານໍ້າຈືດ ເຊັ່ນ: ປາສະວາຍເປັນຕົ້ນ.
ໝາກຖົ່ວ
  • ໝາກຖົ່ວ ນອກຈາກມີໂປຕີນສູງແລ້ວ ຍັງເປັນແຫຼ່ງຂອງທາດເຫຼັກ ເຊິ່ງເປັນສານອາຫານທີ່ຊ່ວຍໃນການຖ່າຍທອດອົກຊີເຈນຈາກປອດໄປຫາຈຸລັງຂອງຮ່າງກາຍ ນອກຈາກນີ້ໝາກຖົ່ວຍັງມີເສັ້ນໃຍເຊິ່ງຊ່ວຍໃຫ້ຮ່າງກາຍຂັບຖ່າຍໄດ້ງ່າຍ.
ຜັກກາດນາ
  • ຜັກກາດນາ ມີສານເບຕ້າແຄໂຣທີນສູງໃນຜັກກາດນາ ຊ່ວຍຫຼຸດຄວາມສ່ຽງຈາກການເປັນກະເພາະລຳໄສ້, ປອດ ແລະ ມີວິຕາມິນເອ ທີ່ຊ່ວຍເຮັດໃຫ້ກ້າມຊີ້ນແຂງ ແຮງ, ສ້າງລະບົບພູມຕ້ານທານທີ່ດີ ແລະ ແຄວຊ້ຽມຊ່ວຍເຮັດໃຫ້ກະດູກແຂງແຮງ.
ມັນຕົ້ນ
  • ມັນຕົ້ນ ແມ່ນແຫຼ່ງເບຕາແຄໂຣທີນທີ່ດີ ຊ່ວຍໃຫ້ລະບົບພູມຄຸ້ມກັນແຂງແຮງ, ບຳລຸງສາຍຕາ, ເຮັດໃຫ້ຕັບອ່ອນກັບມາແຂງແຮງໄດ້, ມີສານຕ້ານອະນຸມູນອິດສະຫຼະ, ວິຕາມິນ B6 ເຊິ່ງສົ່ງຜົນກະທົບໂດຍກົງຕໍ່ການສູນເສຍນໍ້າໜັກ, ເຮັດໃຫ້ຜິວງາມ, ເຮັດໃຫ້ຮ່າງກາຍສົດຊື່ນ ແລະ ສຸຂະພາບແຂງແຮງ ທີ່ສຳຄັນມັນຕົ້ນມີສານຕ້ານມະເຮັງສູງອີກດ້ວຍ.
ຊາ
  • ຊາ ການດື່ມນໍ້າຊາໃນປະລິມານທີ່ເໝາະສົມຈະຊ່ວຍຫຼຸດຜ່ອນຄວາມສ່ຽງ ຂອງພະຍາດອໍໄຊເມີ (Alzheimer), ສ້າງຄວາມເຂັ້ມແຂງໃຫ້ແຂ້ວ ແລະ ກະດູກແຂງແຮງຂື້ນ ເນື່ອງຈາກວ່າຊາມີສານຕ້ານອະນຸມູນອິດສະລະ ຫຼື ສານ flavonoids ທີ່ດີຕໍ່ລະບົບເຮັດວຽກໃນຮ່າງກາຍ.