ເຊື່ອວ່າຫຼາຍຄົນມີເຫດຜົນຂອງຕົນເອງ ທີ່ຈະຂາຍໂທລະສັບເກົ່າ ໃນນັ້ນເຫດຜົນຫຼັກໆ ແມ່ນລຸ້ນໃໝ່ອອກມາ ສ່ວນຫຼາຍແມ່ນໃຜກໍ່ມັກເປັນ.

ແຕ່ກ່ອນທີ່ຈະຂາຍໂທລະສັບກໍ່ຕ້ອງໄດ້ເຄຍ ຫຼື ລຶບຂໍ້ມູນເກົ່າອອກ ເຊັ່ນ: ຂໍ້ມູນລັບ, ຮູບພາບ ແລະ ອື່ນໆ… ມື້ນີ້ຂ້ອຍຈະມາບອກວິທີການລຶບຂໍ້ມູນໂທລະສັບກ່ອນທີ່ຈະຂາຍ ລຶບງ່າຍ ທຸກສິ່ງທຸກຢ່າງຫາຍໝົດ ແລະ ບໍ່ຕ້ອງຢ້ານການສູນເສຍຂໍ້ມູນ ສະນັ້ນໄປເບິ່ງນຳກັນເລີຍ.

ເນື່ອງຈາກວ່າລະບົບສ່ວນໃຫຍ່ທີ່ໃຊ້ໃນໂລກນີ້ແມ່ນສອງລະບົບໃຫຍ່ຄື Android ແລະ iPhone ຂ້ອຍຈີ່ງມາແນະນຳທັງສອງຢ່າງ

ວິທີການລຶບຂໍ້ມູນໂທລະສັບສຳລັບ Android

  • ໃນເບື້ອງຕົ້ນ Back up ຫຼື ກ໊ອບປີ້ຟາຍທັງໝົດລົງໃນຄອມພິວເຕີກ່ອນ.
  • ແຕ່ຖ້າເປັນ Android ເຊັ່ນ: Samsung ສ່ວນຫຼາຍຈະໄປບ່ອນ Setting >> ການບໍລິຫານທົ່ວໄປ >> ເລືອກຕັ້ງຄ່າ >> ຕັ້ງຄ່າໂຮງງານ
  • ຫຼື ໃນ Huawei ເຂົ້າໄປ Setting >> System ແລະ update >> Reset phone

ວິທີການລຶບຂໍ້ມູນໂທລະສັບສຳລັບ iPhone

iPhone ແມ່ນງ່າຍເພາະວ່າ UI ແມ່ນຄືກັນກັບທຸກໆ ລຸ້ນ.

  • ເລີ່ມຕົ້ນສຳຮອງ (Back up) ໂທລະສັບຂອງທ່ານ ດ້ວຍສອງວິທີຄື: ສໍາຮອງຜ່ານຄາວຣ໌ ແລະ ກ໋ອບປີ້ລົງໃນຄອມພິວເຕີ ຜ່ານ iTune ເບິ່ງວິທີການສຳຮອງຂໍ້ມູນທີ່ https://support.apple.com/en-us/HT203977.
  • ເມື່ອສຳຮອງຂໍ້ມູນຮຽບຮ້ອຍໃຫ້ແນ່ໃຈວ່າຂໍ້ມູນສຳຄັນທັງໝົດໄດ້ຖືກເກັບໄວ້ແລ້ວ ຈາກນັ້ນກໍ່ປົດລ໊ອກ iCloud ເຂົ້າໄປບ່ອນການຕັ້ງຄ່າ >> ກົດບ່ອນ Apple ID ທາງເທີງສຸດ>> ເລື່ອນລົງໄປທາງລຸ່ມສຸດ ແລ້ວກົດປຸ່ມອອກ.
  • ຕໍ່ໄປເຂົ້າໄປ Settings >> General >> ເລື່ອນລົງໄປທາງລຸ່ມສຸດ ເລືອກ Reset >> ເລືອກບ່ອນທີ່ຈະລຶບເນື້ອຫາ ແລະ ການຕັ້ງຄ່າທັງໝົດ ຖ້າທ່ານກົດຟັງຊັນນີ້ ຂໍ້ມູນທັງໝົດໃນໂທລະສັບຈະຖືກລຶບອອກໝົດ ແລະ ເມື່ອເປີດໃຊ້ໂທລະສັບກໍ່ຈະຄືກັບວ່າໃຊ້ໂທລະສັບໃໝ່.