ດ້ວຍຄວາມເປັນຫ່ວງເປັນໄຍຂອງຄະນະພັນລະຍາການນຳຂັ້ນແຂວງທີ່ມີຕໍ່ອົງການປົກຄອງເມືອງກໍ່ຄືພໍ່ແມ່ປະຊາຊົນບັນດາເຜົ່າທີ່ຢູ່ເຂດຫ່າງໄກຊອກຫລີກນັ້ນ. ມາໃນນັ້ນຕອນເຊົ້າຂອງວັນທີ່ 30 ມັງກອນ 2020 ນີ່, ທາງຄະນະພັນລະຍາການນຳຂັ້ນແຂວງເຊີ່ງນຳໂດຍທ່ານ ທ່ານ ນາງ ສົມສຸກ ໄຊພະຈັນ ກຳມະການພັກແຂວງ, ປະທານສະຫະພັນແມ່ຍີງແຂວງ ໄດ້ນຳເອົາເຄື່ອງນຸ່ງຫົ່ມຈຳນວນ 15 ແກັດ ແລະ ລໍ້ຍູ້ຄົນເຈັບ 3 ລໍ້ ມອບໃຫ້ກັບຫ້ອງວ່າການປົກເມືອງບູນໃຕ້.

ໂດຍການກ່າວມອບຂອງທ່ານ ສົມສຸກ ໄຊພະຈັນ ປະທານສະຫະພັນແມ່ຍີງແຂວງ ແລະ ກ່າວຮັບໂດຍ ທ່ານ ອ່ອນຄຳ ອີນແສງ ກຳມະການພັກແຂວງ, ເລຂາພັກເມືອງເຈົ້າເມືອງໆບູນໃຕ້ ຈາກນັ້ນທາງຄະນະພັນລະຍາການນຳຂັ້ນແຂວງກໍ່ໄດ້ເດີນທາງໄປມອບຕໍ່ທີ່ບ້ານທ້າວດວງ ເຊີ່ງບ້ານດັ່ງກ່າວຫ່າງຈາກເທດສະບານເມືອງບູນໃຕ້ 47 ກິໂລແມັດ, ມີພົນລະເມືອງທັງໝົດ 225 ຄົນ, ຍີງ 126 ຄົນ, ມີ 61 ຫຼັງຄາ, 71 ຄອບຄົວ, ມີຄອບຄົວທຸກຍາກ 14 ຄອບຄົວ, ພົນລະເມືອງທຸກຍາກ 58 ຄົນ, ຍີງ 19 ຄົນ. ອາຊີບຕົ້ນຕໍຂອງປະຊາຊົນແມ່ນເຮັດນາ, ປູກກາເຟ, ໝາກແໜ່ງ ແລະ ລ້ຽງສັດນ້ອຍ, ສັດໃຫຍ່ ແລະ ຫາເຄື່ອງປ່າຂອງດົງເປັນອາຊີບເສີມ. ສາມາດສ້າງລາຍຮັບໝົດບ້ານໃນປີ 2019 ໄດ້ 1 ຕື້ 782 ລ້ານກ່ວາກີບ, ສະເລ່ຍໃສ່ຫົວຄົນໝື່ງໄດ້ 6 ລ້ານກ່ວາກີບ.

ມີນັກຮຽນແຕ່ຊັ້ນອະນຸບານເຖີ່ງ ປໍ 5 ທັງໝົດ 22 ຄົນ, ຍີງ 9 ຄົນ. ເຄື່ອງທີ່ນຳໄປມອບໃຫ້ກັບບ້ານລົງທາງປະກອບມີ ເຄື່ອງນຸ່ງຫົມຈຳນວນ 15 ແກັດ, ປື້ມຂຽນ 400 ຫົວ, ບີກຂຽນ 240 ກ້ານ ແລະ ເງີນກອງທືນບ້ານຈຳນວນ 1 ລ້ານກີບ. ລວມມູນຄ່າເຄື່ອງທັງໝົດທີ່ນຳໄປມອບໃນຄັ້ງນີ່ແມ່ນ 9.100.000 ກີບ. ໂດຍການກ່າວມອບຂອງທ່ານ ນາງ ສົມສຸກ ໄຊພະຈັນ ປະທານສະຫະພັນແມ່ຍີ່ງແຂວງ ແລະ ກ່າວຮັບໂດຍທ່ານ ເລຂາພັກນາຍບ້ານໆຫ້າວດວງ ພ້ອມດ້ວມພໍ່ແມ່ປະຊາຊົນພາຍໃນບ້ານເຂົ້າຮ່ວມເປັນສັກຂີພະຍານ.

ໂອກາດນີ່ທ່ານ ຍັງໄດ້ກ່າວສະແດງຄວາມຍ້ອງຍໍຊົມ ເຊີຍມາຍັງອົງການປົກຄອງບ້ານ ແລະ ພໍ່ແມ່ປະຊາຊົນ ທີ່ໄດ້ພ້ອມກັນສ້າງສາພັດທະນາບ້ານຂອງຕົນໃນຕະຫຼອດໄລຍະທີ່ຜ່ານມາ, ພ້ອມທັງຮຽກຮ້ອງໃຫ້ສືບຕໍ່ເຕົ່າໂຮມຄວາມສາມັກຄີພາຍໃນບ້ານໃຫ້ເປັນປືກແຜນ, ສົ່ງເສີມວຽກງານບົດບາດຍີງຊາຍໃຫ້ຫຼາຍຂື້ນ, ພ້ອມກັນຮັກສາສີ່ງແວດລ້ອມພາຍ ໃນບ້ານ, ເຝົ້າລະວັງພະຍາດຕ່າງໆທີ່ຈະເກີດຂື້ນ, ເອົາໃຈໃສ່ຕ້ານ ແລະ ສະກັດກັ້ນບັນດາບັນປະກົດການຫຍໍ້ດ້ານຕ່າງໆ ເປັນຕົ້ນຂີ້ລັກງັດແງະ, ບັນຫາຫາຢາເສບຕີດ, ການເຊື້ອຖືສາສະໝາທີ່ບໍ່ສອດຄ່ອງກັບຮີດຄອງປະເພນີ, ສືບຕໍ່ສ້າງອາຊີບຖາວອນໃຫ້ຫຼາຍຂື້ນ, ພ້ອມກັນສ້າງສາເສດຖະກິດຂອງບ້ານກະຄືຂອງຄອບຄົວໃຫ້ເຂັ້ມແຂງກ່ວາເກົ່າເພື່ອເຮັດໃຫ້ຫຼູດຜ່ອນອອກຈາກຄວາມທຸກຢາກເທື່ອລະກ້າວ.

medialaos phongsaly
ພາບ – ຂ່າວ: ແສງຄຳ ສາລີວັນ