ໃນອາທິດທີ່ຜ່ານມານີ້ສະພາປະຊາຊົນແຂວງສາລະວັນໄດ້ສຳເລັດກອງປະຊຸມສະໃໝສາມັນເທື່ອທີ່ 8 ຂອງສະພາປະຊາຊົນແຂວງຊຸດທີ່ I ພາຍຫຼັງໄດ້ດຳເນີນມາເປັນເວລາ 3 ວັນແຕ່ວັນທີ 22-24 ມັງກອນ ປີ 2020 ຢູ່ທີ່ສະໂມສອນແຂວງໂດຍການເປັນປະທານຂອງ ຄຳເຫຼັກ ອິນດາວົງ ກຳມະການພັກແຂວງ ປະທານສະພາປະຊາຊົນແຂວງ, ເປັນກຽດເຂົ້າຮ່ວມຂອງທ່ານ ສີສຸວັນ ວົງຈອມສີ ກໍາມະການສູນກາງພັກ ເລຂາພັກແຂວງ ເຈົ້າແຂວງໆສາລະວັນ, ທ່ານ ນາງ ສວນສະຫວັນ ວິຍະເກດ ກຳມະການການສຳຮອງສູນກາງພັກ ຄະນະປະຈຳສະພາແຫ່ງຊາດ ເລຂາທິການສະພາແຫ່ງຊາດ, ມີບັນດາທ່ານສະມາຊິກສະພາແຫ່ງຊາດປະຈຳເຂດເລືອກຕັ້ງທີ່ 14, ສະມາຊິກສະພາປະຊາຊົນແຂວງ, ບັນດາທ່ານຫົວໜ້າພະແນກການຕ່າງໆອ້ອມຂ້າງແຂວງ ແລະອົງການຈັດຕັ້ງຕ່າງໆເຂົ້າຮ່ວມ

ເຊິ່ງກອງປະຊຸມຄັ້ງນີ້ກໍ່ໄດ້ຮັບຟັງການລາຍງງານຂອງທ່ານເຈົ້າແຂວງໂດຍສັງເຂບກ່ຽວກັບການຈັດຕັ້ງປະຕິບັດວຽກງານທີ່ພົ້ນເດັ່ນປະຈຳປີ 2019 ແລະທິດທາງແຜນການປະຈຳປີ 2020 ຂອງແຂວງ ແລະໄດ້ຮັບຟັງການຊີ້ແຈ້ງຈາກພະແນກການ, ອົງການຈຳນວນໜຶ່ງຊຶ່ງກອງປະຊຸມກໍ່ໄດ້ສຸມທຸສະຕິປັນຍາຢ່າງລວມສູນ, ຄົ້ນຄວ້າຖີຖ້ວນດ້ວຍຄວາມຮັບຜິດຊອບສູງ, ພ້ອມທັງໄດ້ລົງຄະແນນສຽງຮັບຮອງເອົາມະຕິກອງປະຊຸມຈຳນວນ 9 ສະບັບຄື: ໄດ້ຮັບຮອງເອົາບົດລາຍງານຂອງອົງການປົກຄອງແຂວງກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປະຈຳປີ 2019 ແລະທິດທາງແຜນການປະຈຳປີ 2020 ຂອງແຂວງ, ໄດ້ຮັບຮອງເອົາບົດລາຍງານຂອງອົງການປົກຄອງແຂວງກ່ຽວກັບການຈັດຕັ້ງປະຕິບັດແຜນງົບປະມານປະຈຳປີ 2019 ແລະທິດທາງແຜນການປະຈຳປີ 2020 ຂອງແຂວງ, ໄດ້ຮັບຮອງເອົາບົດລາຍງານກ່ຽວກັບການຈັດຕັ້ງປະຕິບັດແຜນການເຄື່ອນໃຫວປະຈຳປີ 2019 ແລະທິດທາງປີ 2020, ຜົນການກວດສອບສະຫຼຸບຂາດຕົວການຈັດຕັ້ງປະຕິບັດແຜນງົບປະມານຂອງແຂວງປະຈຳປີ 2018 ຂອງອົງການກວດສອບປະ ຈຳພາກໃຕ້ ແລະຜົນຂອງການແກ້ໄຂຜົນການກວດສອບບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານຂອງແຂວງປະຈຳປີ 2017 ຂອງພະແນກກວດກາລັດແຂວງ, ໄດ້ຮັບຮອງເອົາບົດລາຍງານກ່ຽວກັບການຈັດຕັ້ງປະຕິບັດແຜນ ການເຄື່ອນໃຫວວຽກງານປະຈຳປີ 2019 ແລະແຜນການເຄື່ອນໃຫວວຽກງານປະຈຳປີ 2020 ຂອງອົງການໄອຍະການປະຊາຊົນແຂວງ ແລະສານປະຊາຊົນແຂວງ, ໄດ້ຮັບຮອງເອົາບົດລາຍງານກ່ຽວກັບການຈັດຕັ້ງປະຕິບັດແຜນການເຄື່ອນໃຫວວຽກງານປະຈຳປີ 2019 ແລະທິດທາງແຜນການເຄື່ອນໃຫວວຽກງານປະຈຳປີ 2020 ຂອງສະພາປະຊາຊົນແຂວງ, ໄດ້ຮັບຮອງເອົາບົດລາຍງານຕິດຕາມກວດກາຂອງຄະນະປະຈຳສະພາປະຊາຊົນແຂວງກ່ຽວກັບການຈັດຕັ້ງປະຕິບັດນິຕິກຳລຸ່ມກົດໝາຍທີ່ຮັບຮອງຈາກສະພາປະຊາຊົນແຂວງ ແລະໄດ້ຮັບຮອງເອົາການປະເມີນຜົນການປະຕິບັດໜ້າທີ່ຂອງບຸກຄະລາກອນດຳລົງຕຳແໜງທີ່ສະພາປະຊາຊົນແຂວງເລື້ອກຕັ້ງ ແລະໄດ້ຮັບຮອງເອົາການແຕ່ງຕັ້ງຈຳນວນ 29 ທ່ານ, ພ້ອມທັງໄດ້ຮັບຮອງເອົາການສະເໜີຍົກຍ້າຍ ແລະແຕ່ງຕັ້ງຫົວໜ້າພະແນກການຕາມການສະເໜີຂອງເຈົ້າແຂວງຈຳນວນ 3 ທ່ານ, ນອກຈາກນັ້ນກໍ່ຍັງໄດ້ຮັບຮອງເອົານິຕິກໍາ, ຂໍ້ຕົກລົງວ່າດ້ວຍ: ການປະເມີນລະຄາທີ່ດິນ 8 ຕົວເມືອງຂອງແຂວງສາລະວັນຕື່ມອີກ

ພາບ-ຂ່າວ: ສິດຕາ ເພັດວົງສາ
medialaos salavan