ການນຳ ກະຊວງ ສາທາ ຕິດຕາມກວດກາ ຄວາມພ້ອມຮອງຮັບຄົນເຈັບ

0
85

ການ​ນຳ​ກະຊວງ​ສາທາລະ ນະ​ສຸກ ນຳ​ໂດຍ​ທ່ານ  ບຸນ​ກອງ ສີ​ຫາ​ວົງ  ລັດຖະມົນຕີ​ກະຊວງ​ສາທາລະນະ​ສຸກ​ໄດ້​ລົງ​ເຄື່ອນ​ໄຫວ​ຕິດຕາມ​ກວດກາ​ເບິ່ງ​ຄວາມ​ພ້ອມ​ຂອງ​ການ​ກະກຽມ​ຮອງ​ຮັບ​ຄົນ​ເຈັບ​ທີ່​ມີ​ອາການ​ສົງໄສ​ຕິດເຊື້ອ​ໄວ​ຣັສ​ໂຄ​ໂຣ​ນາ ຢູ່​ໂຮງໝໍ​ມິດຕະພາບ ໂດຍ​ການ​ຕ້ອນຮັບ​ຂອງ​ທ່ານ  ສະໜອງ ທອງ​ຊະນະ  ຜູ້ອຳນວຍການ​ໂຮງໝໍ​ມິດຕະພາບ​ດັ່ງກ່າວ ພ້ອມ​ດ້ວຍ​ພະນັກງານ, ແພດ​-​ໝໍ.

ທ່ານ ສະໜອງ ທອງຊະນະ ໄດ້​ລາຍ​ງານ​ວ່າ: ເພື່ອກະກຽມ​ຄວາມ​ພ້ອມ​ໃນ​ການ​ຮອງຮັບ​ຄົນ​ເຈັບ​ທ່ີ​ມີ​ອາການ​ສົງ​ໄສ​ຕິດ ເຊື້ອ​ໄວ​ຣັສ​ໂຄ​ໂຣ​ນາ​ ທາງ​ໂຮງ ໝໍ​ໄດ້​ກະກຽມ​ຕຶກ​ແຍກ​ປ່ຽວ​ຈຳນວນ  10  ຫ້ອງ​ນອນ  ແຕ່​ລະ​ຫ້ອງ​ຄື​ກັນ​ໝົດ.  ພວກ​ເຮົາ​ໄດ້​ມີ​ການ​ຝຶກ​ອົບຮົມ​ພະນັກງານ​ແພດ​ທີ່​ມີ​ຄວາມ​ຊ່ຽວຊານ​ສະ ເພາະ​ດ້ານ  ສຳລັບ​ອຸປະກອນ​ໃນ​ຂັ້ນ​ພື້ນຖານ​ແມ່ນ​ມີ​ພຽງພໍ, ຍັງ​ຕ້ອງການ​ຕື່ມ​ແມ່ນ​ເຄື່ອງ​ຊ່ວຍ​ຫັນ​ໃຈ ແລະ ເຄື່ອງນຸ່ງ​ປ້ອງ​ກັນ​ໂຕ​ຄົບ​ຊຸດ,  ປັດຈຸບັນ​ມີ​ຄົນ​ເຈັບ​ທີ່​ມີ​ອາການ​ສົງໄສ​ໄດ້​ມາ​ຕິດຕາມ​ຢູ່​ໂຮງໝໍ​ມິດຕະພາບ​ຈຳນວນ 12 ຄົນ, ຫຼັງ​ຈາກກວດ ກາ​ບໍ່​ພົບ​ເຊື້ອ​ແມ່ນ​ໃຫ້​ເມືອຕິດ ຕາມ​ຢູ່​ເຮືອນ,  ກໍລະນີ​ຫາກ​ມີ​ ຄົນ​ເຈັບ​ຫຼາຍ​ເກີນ  10  ຄົນ​ແມ່ນ​ໄດ້​ມີ​ການ​ວາງ​ແຜນ​ປະສານ​ງານ​ກັບ​ໂຮງໝໍ​ສູນ​ກາງ​ ເພື່ອ​ລະບາຍ​ ແລະ​ ເຄື່ອນ​ຍ້າຍ​ຄົນ​ເຈັບ.

ສຳລັບ​ຜູ້​ທີ່​ມີ​ອາການ​ສົງ​ໄສ​ມີ​ໄຂ້, ໄອ,  ຫາຍໃຈ​ຍາກ, ເຈັບຄໍ, ເຈັບ​ຫົວ ​ຫຼື​ ມີ​ປະ​ຫວັດ​ການ​ສຳ​ຜັດ, ເດີນທາງ​ໄປ​ໃນ​ເຂດ​ທີ່​ມີ​ຄວາມ​ສ່ຽງ​ລະບາດ, ສຳຜັດ ຫຼື ໃກ້ຊິດ​ກັບ​ຜູ້​ປ່ວຍ​ໃຫ້​ມາ​ພົບ​ແພດ​ໄວ​ເທົ່າໃດ​ຍິ່ງ​ດີ  ສຳລັບ​ງົບປະມານ​ໃນ​ການ​ປິ່ນປົວ​ແມ່ນ​ບໍ່​ໄດ້​ເສຍ​ຄ່າ.

Medialaos